َ

ماعلى الدنيا مقيم ولا على الدنيا مخلّد اغتنم فرصة حياتك بالصلاه وبالعبـاده ..

المقفي ما تبعته و المغطى ما كشفته اترك المجنون لو يكشف ثيابه ويتعـرّا ..

راحوا مراح الريح و أمـر الله مُطاع ما راح معهَـم الا الفـؤاد ومرقـدي ..

صدّاتنا عن بعض الاشياء كرامه ومقاطعة بعض الاسامي تسامـي ..

@iirrxu معك من وين ما ودك بلا مرسى ولا ميقاف معك لو مالت اوراق الشعور المنهك الـذاوي ..

مفردة الليلة " ودك " امتعوني :

لا ترخص النفس والأيام ملحوقه اجمع من العز ما يروي مشاويـرك ..

حاول تعيش الحياة بعيشة الراضي لا ضـاق عنده يقين بتنفرج بكـره ..

والرضـى راحه والاقدار مامنها هروب وان كتب ربي على العبد حاجه جايتـه ..

أضحك و خلّك لوجه الله متوّجه و المجتمع لا يضرك كثرة إزعاجـه ..

أنا بجاه الله من الضعف و الفقد و الطيحه اللـي ما عليها مسمّـي ..

الليال اللي لها طعم في الدنيا قصار خايف ان العمر يمضي وانا ما ذقتهـا ..

أرفع مقامك و لا تمشي على الجرّه و القومه اللي تعزز موقفك قمهـا ..

نفاخر يوم نحمل فـ الهويه نخله وسيفيـن سعودييـن وهممنا على الطـالات ورّاده ..

معـادن الناس تظـهرها مواقفها سلم على اللي يطول الوقت ماصـدّا ..

لا قلّ عرف العقول وطاح سعر الكلام سلم على الصمت لا منه حفظ قيمتـه ..

مالي ورى الناس لا مطلب ولا حاجة مَـا دام رايي وجيه ومنهجي طيّـب ..

الواحد مايدري هو خطأ والا اللي حوله خطأ !

مقتنع فالزمان ومستريح الضمير القدر في يد اللّٰه والصبر في يـدي ..

أروح وأرجع على الصوره وأخايلها وياما على تبسام راعيها تبسمنـا ..

رضيت بالواقع بعد طول الاحلام ‌إلى متى وقلبي بـ الاحلام غـارق ..