غادة الشمري

هذي الصفقة مستحيل تتم ! لما تقرأ خبر.. أول ردة فعل للمتلقي هي الانبهار بحجم الكيان المحلي لكن الخبر له أبعاد ثانية تماماً، واللي جالس يصير هو بوجهة نظري مناورة ملعوبة . خلونا نوزنها بالمنطق سوق الخليج اليوم هو الجائزة الكبرى اللي تتقاتل عليها أكبر الشركات العالمية مثل أوبر ودور داش و غيرها هل من المنطق إن عملاق عالمي زي ديليفري هيرو يقرر فجأة يبتر ذراعه الأيمن في السعودية هنقر اللي يعتبر البقرة الحلوب وأقوى سوق بالمنطقة، وفوقها يفرط في ذراعه الثاني (طلبات) اللي متسيد باقي دول الخليج؟ التنازل عن هذي الأصول معناه الخروج الطوعي من أضخم وأكثر سوق ربحية، وتسليم السوق للمنافسين على طبق من ذهب ، هذا انتحار استراتيجي ، طيب شو السر وراء تسريب هذا الخبر؟ ( بوجهة نظري ) القصة كلها ما لها علاقة بخطة استحواذ فعلية.. القصة كلها تدور حول نينجا وخطوتها الجاية الشركه بترتب أوراقها وبتهندس صورته الذهنية تمهيداً لخطوة الإدراج في سوق الأسهم . تسريب خبر بحجم الاستحواذ على المنافس الأول هو أقوى استعراض عضلات مالي ممكن تسويه أي شركة ، و هي رسالة نفسية مبطنة وموجهة لالمستثمرين قبل الطرح، مفادها إحنا مو بس تطبيق توصيل ناجح، إحنا حوت يملك الملاءة المالية والجرأة إنه يبتلع أكبر كيانات السوق . هذا الخبر مو عقد شراء هذا وعد مبطن مصمم عشان يرفع التقييمات، ويزرع الثقة المطلقة والعمياء في عقل أي مستثمر يفكر يكتتب في أسهمهم بكرة. الزبدة في عالم الشركات المليارية، مو كل خبر استحواذ تقرأه هو نية حقيقية للشراء ، أحياناً الكرت ينرمي على الطاولة بس عشان تلمّع صورتك وترفع سعرك قبل لا تفتح الباب للشركاء الجدد. الأيام بيننا، و بذكركم انه هذي الاخبار مجرد حملة تسويق استباقية لقرع جرس الإدراج!

خلف ملايين الحجاج، توجد حلول ذكية تسهم لتسهيل تجربتهم ومن أبرزها هذا العام، إطلاق #هنقرستيشن لخدمة "استلم بنفسك" لأول مرة في المشاعر المقدسة، لتشمل السوبرماركت والمطاعم والصيدليات، وتوفر للحجاج طريقة أكثر سهولة ومرونة للحصول على احتياجاتهم اليومية. خطوة تعكس كيف أصبحت الحلول الرقمية جزءًا من تطوير الخدمات المقدمة لضيوف الرحمن والارتقاء بتجربتهم بما يواكب مستهدفات رؤية المملكة 2030. (إعلان)

لأن أطفالنا يستحقون الصيف الأجمل؛ خياراتهم في صيف السعودية على كيفهم 🇸🇦 بين مدن ترفيهية عالمية في القدية تملأ يومهم بالمغامرة، وأنشطة بحرية في البحر الأحمر تجمع العائلة على الفرح 🌊 #صيفنا_على_كيفنا