َ

تعوّدت الجروح اللي من الغالين لـ الغالين و أنا أستاهل وقلبٍ طبعه الغفران يستاهل - سعود مبارك

و يا ليت ما مرت الكلمة على مسمعي - عبدالرحمن بن بديع

مرة تعاملني بلطفٍ وتقدير ومرة تتعمد وجعتي يا عشيري تلعب بقلبي لعب الطفل بالطير يضحك وطيره ميتٍ ما يطيري يوم حذفتني في هواك المقادير ونسيتني والدمع جرح نظيري عز الله اني منك ماني بخير يا مالكٍ قلبي وخيرك لغيري أهرب من الواقع وأجامل الغير أضحك وأنا أخفي عبرتي بضميري

- أنا في وجهك مْن الليلة إللي تقطع الأنسام يروح إللي يروح . . إلا أنت أمانه لا تخليني

فرشت لك قلبي وجيتك كلّي وحطيتك اعز العرب وأغلاها وتركتهم ، ولا جرحت إلا اللي لو تطلبه كبده عطاك إياها - فهد بن سهل

رجعت لـ معاتب النفس و لومها و للحاله اللي هقيت اني تعديتها الضيق و ملاوع الدنيا و همومها ما تناساني لو لهيت و تناسيتها - نجود عبدالعزيز

سامح الله من خَذا مني هدوّي وارتياحي لين حدّني على بعض الامور .. اللي ماابيها مرحله مدري متى تعتقني ، وتطلق سراحي ما قدرت آعيشها ولا أنتقل لـ اللي يليها لو تساعدني خطاوي رجلي .. بحزة مراحي من يساعدني على روحٍ يدب الشوق فيها

صباح الخير ، وبعدها : زحمة أفكاري ضروري تستثير إحساسي وتقطع حبال الهدوء .. وسجة المتعايش والله إن العالم اللي عايشٍ في راسي أزحم من العالم اللي فيه راسي عايش

يا مرتبط في كل جرح .. من الجروح مثل ارتباط الحزن فالصوت الشجي قد انتهى الحلم وقد اغتيل الطموح وأنا ماجيت امدح .. ولا جيت آهجي حتى لو تشوف التفاصيل بـ وضوح لا تكبر الرجوى .. بـ عين المرتجي من كثر ما اتعبني شعور إنك تروح ما عاد يسعدني شعور .. إنك تجي

عرفت أحبّه من أدنى ضلوع الصدر لين اقصاي الين اني جعلت من الحشى منزل على قدّه احنّه عدّ ما حنّت تنهات الشعور .. حكاي لو انّه مايحنّ شعوري من البعد والصدَّة مابي تاخذه من دربي مقادير الزمان الجاي لو انّي مؤمنة بان الفراق المرّ .. لابدّه

الهدوء النفسي وضحكي وزين أخلاقي لاتغرك تحسب اني فـ الحياه مرّفه أتتقّى وأتجلّد ما كشفت أوراقي خايفٍ من شرهة العاقل وضحك مسفّه مرّ ثلثين العمر والثلث الآخر باقي المفارق ناطحه والذكريات تدفّه - ناصر الحمادين

وسط راسي فرط تفكير واصوات وصدا ضعت منها مثل ماضاع حكم المسلمين أصقلتني دورة الوقت بالشكل و الادا لين صرت اكبر من عيال جيلي مرتين - مسعود ال شعفول

صباح الخير ، أما بعد : الهقاوي حملها أثقل من جبال السّرات لا تعلقها .. على اللي ماهوب كفو لها

- حبيبي عقب المودة أصبحت أشوفك غريب بلاد عقب ماكنت الموطن اللي دونه ضاعت اسيادي

«يارب الناس وهّاب الخلايق مهربي ملجاي عظيمٍ كل ما جيت أرتجيك أجيك ملهوفه أجيك ومغفرتك السرمديه مطلبي ورجاي وألـوذ برحمةٍ فيها البنادم ينجلي خوفه مادام إنك وكيل أمري ماخاف من الزمان الجاي لو إني ما أعرف وش شايلٍ لي داخل كفوفه»

عزالله ان الكلام اللي بـ صدري ما له حدود لكن شعوري شعور اللي وصل خط النهاية - عبدالله السراهيد

ختام السالفة يا طيب العشرة كرمت ودمت هذا حقك علي وحق هقواتي على أوهامي   مصير الوقت يشرح لك ظروفه لو غفلت ونمت يصحيك الزمان اللي يصحي كل من نامي تذكرني ليّا منه ضاعت أوهامك فمن وهمت وعرفت الفرق في حب الخشوم وحب الأقدامي

أعلن الأعتراف إنك ختام الحب وإنك نعيم وعذاب والتجارب مثل هذي ترى تبطي الأيام بإنجابها مالي الا اتناسى السالفه وأكثر الصبر والاحتساب واعتبرها رميم عظام والا ديرةٍ ماتو اصاحبها

- أحسب إنّي معك واصلٍ حدودٍ بعيده وأثرني راكض لحالي .. وواصل لحالي

- أنا النسّاي يا أقسى جروح البال أنا النسّاي ولكنّ الحنين أكبر من النسيان .. والصدّة