ِ

على حايط الهشتاق ولا على الرتويت اقضي الفراغ اللي سببه انت وغياابك

ياوجودي وجد من نفسه جزوعه باقيٍ فيها علومٍ مانستها لابغى عن ضيقته يستر دموعه مرته ذيك العلوم وحولتها واشعلت نارٍ حطبها من ضلوعه تاكل اللي فوقها واللي تحتها كل ما أذكر من خذت قلبـي قطوعه واقتفاها النوم وعيوني قفتها جـوخـةٍ من متن أبوزيد مخلوعه لو درت عنها السلاطين اسرقتها ظامرٍ سرجوفها كنه بجوعه ماتفرق بينه وبين ارقبتها كنها ظبيٍ قبل ظله يروعه باقي فيه التفاته ما التفتها اسم ابوها اللي يحطه تحت كوعه واسمها اللي تدرسه في مدرستها ماتعلى فالخيال ولا فروعه غيرها .. ولا تبوأ منزلتها كنّ عمري مـن سبوعه لا سبوعه تنظمه نظم الخرز فـي سلسلتها تجمعه لاشعشـع سهيل بطلوعه وتنثره لاحتت الارض ورقتها همها اشرب دلته واكل قدوعه من ضوتني ليلـة السبـت وسرتهـا روحت وفوادي الفرقا تلوعه ماحسدت الا البسيطه في سعتهـا القناعه كنز للنفس القنوعه مابقى الا روحي وروحي خذتها ليتها مرواح من يرجى رجوعه كان ماغمضت عيني من جهتها والضياع اللـي طبوعي مـن طبوعه أبركات الله عليهَ وأبركتها ضاع عمري مـن سبوعه لا سبوعـه مابقى الا ليلة السبت وسرتـها

فاحت الريح للقلب الحزين وسرت به وأستعادت عليه الذكريات القديمه قلت حلم لبس جفن العيون وغفت به وأثرها قصه بين المحاني مقيمه أشعلت نارها ريح الشمال وعثت به وأنهمر من حقوق الجرح سيله وديمه وأعرجت به ذلول الذاكره وبركت به في مثاني مداهيل العنود العديمه وكل ماراح له من ماضي العمر جت به والسلامه من جروح الطواري غنيمه ذكرها حي لو شهب السنين أمرست به له علاقه ع اوتار القصايد حميمه مالها فالعروق الا الغلا لو درت به وأخضر الجرح منها له ع الروح قيمه روحت مادرت عن قلبي اللي غدت به وانشلع من قفص صدري وذب الخريمه جعل نون هبوبه من عصر روحت به مدلهم حقاق مايوقف رزيمه ينهمر في مراتع كل دار مشت به لين يحي العروق الهامدات الهشيمه وجعل ريح غزت قلبي شمال وسرت به ماتعود علي عواقبها وخيمه

" الشعور اللي من " ديار الرضى " وداني لـ الديار اللي تعيّشني ( حنين الغربه ) أشعر بـ فضل الكلام اللي : يثير اشجاني و الفراق اخاف من ذكره قبل لا أشعربه كل ماشفت الفرح .. تقضي عليه أحزاني كني اللي قام من كربه .. و طاح ف كربه لا بغيت أعامل ظروفي .. بـ شكل إنساني كرّرت على محيط الذات : نفس الضربه من مخليني تحت ضغط التعب خلاني : انتصر في حرب غيره و آنهزم في حربه شوقي اللي ضرني بـ آسلوبه العدواني كل يوم أشوف وجه : وجه قايد سربه يوم اروح لـ ضيقتي .. و آصد من خلاني مثل من وده على الرجعه : و ضيّع دربه ان قدرت : احفظ كيان الكلمه مْن لساني ماقدرت احفظ مشاعر نفسي المضطربه ياحبيبي !.. و الغلا طعمه : و شكله ثاني غيرك من الناس بعده مستوي مع قربه لا تخليني .. على ( باب الطموح) أعاني لقّني وجه الوصال !.. و ماتبيه أبشر به

مرحباً اما بعد - كل ليله قمرا تطري علي ابيات الشاعر عبداللّٰه السراهيد اللي يقول فيها : عليك السلام الوافر الي بدون قياس يا عنقٍ عليه معلق باقي امالي مع انك بعيد وطرقتك تتعب العساس انا اشوف حلي فيك واشوف ترحالي يطل القمر ولا يغيب القمر لا باس الاغلى تهون ب حضرته قيمه الغالي عن الطلة اللي تنتظرها جميع الناس أنا في انتظار الطلة اللي على بالي .

اعذريني يامشاريف جرعات الحنين مابقى في صدري ظلوع لأجل احنهّا كل ماجيت اعتق الهم بالعذر السمين افضحتني ضيقة الصدر قبل اكنها ودي امسك ماضي ايام عمري باليدين واذبح جموع المقابيل قبل تشنها يسكن الحزن المطرف ورا الصدر الدفين والهموم تسوق خيل الشقى وتعنها ولاذخرت من اجمل ايامي الا دمعتين وضيقةٍ لاهود الليل قمت اونّها ياوداع الشمس يكفي وداع الراحلين والظنون اللي تعلقت يوم اظنها في رجى ليلٍ يبشر بـ رجعة غايبين وفرصه كن التفاصيل تنشد عنهّا غالي قربه موده وبعدٍ منه شين واهني اللحظه اللي علي يمنها في عيونه يكتب احساسي البيت الثمين ومن عيونه يطلق رموشه اللي سنها وان تثنى عوده الممتلي حشمه ولين قلت ربع في زوايا الظلوع وثنها انت واحد مايشابهك فالارض اربعين ليلةٍ جابتك تشّكر ويشكر فنها اعبر بـ قلبي وكحل دروب العابرين وجر بـ شعورك لحون الغرام وغنها يحذف قلوب المحبين محذاف السنين قبل تكبر مع ولعها ويكبر سنها ليت صدري من حجاره وقلبي مايلين وليت دمعة عيني تسر يوم ادّنها

ما عاد لي بمطارد الصيد حاجة إلا غزالٍ صادني قبل أصيده .

والله ان الوقت غيرني ولاني الأول ما انت فاقدني لحالك حتى انا فاقدني

إن كاانها غيبه وبترجع ب احتريك وإن كنت نااوي نفترق خذني معك

مستعد أبيع عمري . . لأجل كلمة تعال في رجا ليلي وصبحي وريحة معبدي ! والعيون اللي هدبها . . ينادي للقتال صوبتني بـ اللواحظ وبيحّت جهدي وأن شعرت بـ يوم في حبنا بـ الإبتذال ردني لأول جروحك ترا . . صبري مدي غبّ على كيفك وأنا بين هقوات الوصال أتحرى لك وروحي على . . راحة يدي وأكتبك بـ شعر . . والشعر دوّامة خيال يتضّح فيها بعيد المدى . . والمبتدي وكاني ما رويت . . الأسماع بـ سحر الحلال طحت من عين الثريا . . ومن عين الجدي

غربتني لين صرت اسعى لمعرفتك

مرحبا يالذّة الشوق المقيمه والقبال اللي لاسجّ ولا تحرّف من توادعنا على قدر وحشيمه وانا خلقي قافل وبابي مطرّف واقفٍ مالي جداه ولاعزيمه غصن مايثمر لو ظلاله مورّف للعطر من قيمة مهاديه.. قيمه هذا انا لازال وضعي وآتشرّف شايلٍ ريحة هداياك ( القديمه ) تاركٍ باقي هداياهم على الرّف

" يا ملاذ " الداله إللي .. تستثيره طلّه طلتك منها يفز العشب ! .. و يّحييها وش نبي في " دلتك " و أنتي قوامك دلّه في وصوفك خوية العمسان ماهو فيها الله أكبر يا الخصر و الوجه يا ماشاء الله لا مشيتي صارت قلوب البشر في يديها الطواري : و المشاعر : و الدوا : و العلّه الزمن يضحك عليها ؟.. و الفرح يبكيها الخليله !.. لو تجيني " ما تجيني " خلّه كل موته في هوى مرضاتها ؟.. راضيها

تشوفين الهوى قصّر واشوف ان ما عليه قصور عرفت انك سراب ولا عرفت ان غيبتك غيبه سوى انك من بنات الفي ولّا من بنات النور سمحت من الهوى من عقب ما بانت عذاريبه ماعادك بالطموح اللي خذت ضيدان ابن منصور مع انك فاتنة شعار يام وحرب وعتيبه

سلام الله على ظلم الفراق وقسوة الأيام عسى ربي يسهل لك طريقك وتحيا وتدوم رح ووجهك بياضه من بياض الصبح ماينلام وانا من مدة إيدين البخـت يرضيني المقسوم وش بيدي وقف حظ الفقير وماتت الأحلام إذا حبك من أوّل يوم وفراقك من أوّل يوم رقبتي قفلتين وسيف هجرانك مسيرة عام جلدني وأنكرتي ملحة العشره وربعي قوم يهونها لو أن الحظ يسلك مسلك الأقدام ماكان أوصل حدود الأرض واعود وانا محروم تصافق لك معاليق الضماير يـا بعد من قام وخلاني خصيم لوسعة الصدر ولذيذ النوم أداري عبرةٍ ضامت عيوني والعيون تضام وأكبر هقوتي لا كبرت الشرهه وكبر اللوم ياويلي مـن مناديب الضنون وطرقة الأوهام تساويني معك فـي خانة المحمود والمذموم تشوف أنّك على حد اليمن وتشوفني في الشام وأشوف أنّا علـى وجه الحياه اثنين توم وتوم تذكّر وأنت عنّي بعد الابوه عن الأيتام رهين الغربه اللي من دياره ماتجيه علوم بعد مادار عام من المفارق يا غرام العام وروحي مابقى الا زفرتين وتبلغ الحلقوم لا ترخص قيمتي لامن تذكرتك وانا قدام وجيهن تذكر الظالم ولا تدري عن المظلوم مابعدك بالسحايب والبروق السمر والإنسام وساموني بتلويحة وداع وبعت بأول سوم سئمت العيش (نون وصاد) واللذات (سين ولام) بنادم والبنادم حيلته ماتوجد المعدوم مادام الصحف جفت وأنـت رحـت ورفعـت الأقـلام علـى حـبٍ مــن أوّل يــوم وفــراقٍ مــن أوّل يــوم

مساء جميل يتسلطن فيه ابو نوره ❤️ #محمد_عبده

لوّح الليل بكفوفه للشفق واعلن غروبه وابتدى فجرٍ يهدم أحلام عمري والأماني كن من بيني وبين الليل غايات إمحسوبه احتفي به بالدموع ويحتفي بي بالأغاني والله إن الليل لآمن هب في صدري هبوبه كنه يبشّر بحلم(ن) ماقدر فيه الزماني حلمي اللي راح وعيوني تلد العين صوبه ماترك لي غير جرحٍ منه أنا للحين أعاني اه من حلمٍ عطيته قلب وحساس ورحوبه واه من جرحٍ مقره من ورى حدب المحاني والبلا ماقلت أنا للقلب والإحساس توبه امتمسك بالأمل رغم انعدامه في كياني إيه أنا اللي واجه ف وقته وفيامه صعوبه ويه أنا اللي مايغيّره الزمان لشخص ثاني واجه الأيام راسي وانتصر على كروبه والسلاح اللي معي قو العزيمه والتفاني ماهزمني غير من فيها التغطرس والعذوبه اللي أخْذت كل شي أنا املكه حتى لساني أقبلت مثل السحاب اللي يشابها نصوبه وامطرت واللي فرح فقدومها سهيل اليماني جات تعطيني أمل فالوقت والدنيا اللعوبه واستحلت قلبي الطاهر من الأربع ثواني مادريت إلا وأنا قلبي يشوف إله إمحبوبه تاخذه من حزنه اللي فيه لفراح وتهاني الله أعطها مالا اعطا غيرها ملح ومهوبه كن ربي خصها بالحسن عن قاصي وداني جيتها وأكبر طموحي وصل نمشي في دروبه مادريت إن الحزن والهم دوب انه لاقاني يوم جات الصدر كان اثقل حمل عليه ثوبه ويوم راحت كن صدري لـ أعظم همومي مواني

من يلوم اللي خذيتيه من دنيا الضياع لين صار ف قربك يْعيش و اختارك قِدر و من يضيق بْه الصدر و انتي عيونك وساع ياخذ مْن عيونك الواسعه وسعة صدر و الشجاع اللي يقولون فـ الهيّه شجاع قدم رمشك يرفع ايديه و سلاحّه حدر "و البدر لا طل في حضرتك زاد الشعاع فوقنا بدرٍ يشعشع و في وجهك بدر "

قالت غيابك وانتظارك جمر وأبطت تعاتبني وتتشرّه قلت أبشري والرمّش يامر أمر يا لول وجداني ويا درّه واللي جمعنا يا أنتظار العمر ما أعودها الفرقا ولا مرّه

حبيبي لا تعذر ما على صدق الحبيب جدال رضت عنك العيون وهاك قلب فز بأعشابه على وعدك تجيني يا حبيبي صاخب الميصال عليك من اليدين وناسها هرجه وسبابه هلابك وين ما يشرق نظرك الناعم القتال هلابك وانثنى غصن الزمان وطار باسرابه عذاريبك قليلة يا حبيبي كايد العذال ولكنك بقلب من سكنته حارسك بابه عيونٍ شافتك عن قرب قرب يهمها تختال على بعض العيون وكل طير يحب مرقابه انا اللي سلمك قلبه دلو عشق وغلاك الجال وتليته بحبل من جفاك وضاق بأسبابه فداك اللي تبي هاك الجمل والحمل والجمال جلب تلك السنين وكل سوق وطيب مجلابه يا الطف من طيوفك في عيونٍ للسهر مدهال لجني خايفات وكل طيف احلى من ثيابه احبك كثر ما ينسى زمانه مستريح البال واحبك كثر ما قلب المسافر حنّ لترابه شبيه الشمس لو مالك مثل شمس السنين ظلال ترى كلن يموت الا قصيدٍ يبكي احبابه وانا ليلي قصايد او قصيدي ليل لا تحتال هذا بعض الغلا باقصى خفوقي جاك باعشابه