فيصل محمد

لا تزعلني و تحكم علي إني زعول وأنت تدري مستحيل أزعل الا من بلا العذر في بعض الأحيان ما يلقى قبول في وسع صدرٍ تحمل زعل لين إمتلى مشكلة غلطتك ماتقبل انصاف الحلول و المصيبه لك معزه و تقدير و غلا قلت سامحني وأنا الصدق مدري وش أقول خايف أسامحك مره و تاخذها حلا

آه يابنت الغرام اللي على كورنيش جده ابرقي لي بأكـة العشاق ولا راسليني المحبة نبض قلب وضحك عين ونصف صدّه ان جهلتي نبض قلبي دققي في ضحك عيني لا تخوفك الأوادم يوم شالتك المودة كل ابوها خطوتين الباقية بينك وبيني مابعد سويت شي وقلت انا مانيب قده ياكثر صملاتي اللي جابت ام العيد فيني

الحب ماهو بـ طيرٍ في سما ربّه يرحل متى يرحل وياتي متى ياتي الحب سلطان في ظُلمه وفي عدله يجبرني أقول رغمٍ عن قناعاتي لِك الولايه وورث القلب والبيعه المُلك لله ، ثم إليك مولاتي

الوقت مقفي بس يمشي على هون الذاكره للبيع من يشتريها؟

يافاقدين احبابكم وش تسوون لا مدت الذكرى الحزينه يديها كيف نتجاوز حزننا ماتعرفون بعض الطواري موجعها مانبيها دايم على بال المواجع يمرون مافيه ضحكه مالهم صوت فيها ياليتهم عن ضيقة الفقد يدرون ودروبهم وشلون دايم نجيها من كثر ماصارو على البال يطرون حتى خطاياهم ولهنا عليها