عتيبي

على كل حاجه كنت أبيها ولا اللّٰه راد سلامي عليها من ضمير سمح منها (:

"ودي أكمّل معك حتى (الحياة البرزخية) وين تلقى عاشقٍ يبغاك حتى في مماته ؟ من يشوفك يدري إن الموت حاجة عايديه كل ليلة في طوارف مبسمك ؛ يعلن وفاته هات فنجال الهوى بإيدك وحطه في يديّه لو تصبّ الموت في فنجال حبّك، قلت هاته"

العمر مره والقلوب البيض ماتبغى دلليل والناس لاطابت نواياها تطيب حظوظها .

الحاجه اللي كنها حبة الكوع تجيبها في تالي الليل ركعه

"إِنِّي رَأَيْتُكَ قَدْ مَلَلْتَ مَوَدَّتِي فَعَلِمْتُ أَنَّ دَوَاءَكَ الهُجْرَانُ"

ماورا شوفات الأنفس وزمّات الخشوم غير ذل يجعل العز ناره طافيه التسامح شيمة تجعل الطايح يقوم والثقه بشتٍ من أغلى البشوت الضافيه

لا تغرك علوم مكثرين العلوم الرياجيل واجد لين تحتاجها

يلعب علي يحسبني من ملاعيبه ما يدري إني على شرواه لعّابي

عليه بيبان الضماير محيمه ويفز قلبي كل ماوحيت طاريه

عاد قلبي كل ليله يصوت لـ الهموم كنه بن مهيد لا جا يصوت لـ العشاء

حنا نريد ويفعل اللّٰه ما يريد جمله تريح النفس في منطوقها لا ترهق افكارك ولا تسرح بعيد الشمس تفضح ماخفا بشروقها ازرع بوقتك طيب وانت المستفيد الطيب شجره ماتموت اعروقها

القناعة والكرامة غناة وراس مال من ملكها ما نشد وين بقعا رايحه

كثير الاماني ماتبي خاتم سليمان تبي صامل لاهاز الاحلام حققها

على الهقوه اللي في رحاب الظنون تدوج اركاب الاماني ،، دكها ،، شح مرعاها لاصار العشم بابه بـ قفل الصبر مزلوج لا يمكن نحد اهل المعاذير لـ اقصاها عزاز النفوس تجنب المشرب المسهوج لو الفقر تطبع بصمته في محياها زحول المعرفه هرجها ماهو بـ مفلوج وآكبار البخت زين النبا يخدم اسماها صحيح الظروف تحدنا والسنين تحوج لاكن الوجيه البيض ندرى على ماها لا شفنا الروابع تصتفق مثل صفق الموج نصينا البيوت اللي على العز مبناها مانقلط على اللي منكبه كنه مبنى هوج حصيل الرمال الزاحفه وسط مذراها عيال الرخى سكبت ملابس وصف هروج ولا تغر غير اوادم كنها اياها ترى اهل المهايط والحكي والعلوم العوج زمول لاثقل حمولها طنب رغاها سوالف طحاطيح السعه مالها منتوج يامكبر دعاويها ومقرب معشاها الى شان وجه الوقت والفوج قابل فوج فريس المجالس خلها تمسك سراها تحيزم لساعات النشب ببلج مرجوج يشوف ، الجموع ، الهايله ، ويتمثناها )؛

وتمر ف البال مثل الغالي الميت لا الموت نقص غلاه ولا الغلا رده

يقول البدر : أعاتبها ويلمع دمعها واغير الموضوع أنا الغلطان دام السالفه تاصل مدامعها

شبه الجزيره من الشعار مليانه بس الجزل من العارض ليا الحره

يطرد ورى حظه وحظه تعداه وغيره يجي حظه وهو ما تعنا

سعد من قلبه على الدنيا شمالي ما يهمه فـ الهوى وصل وقطاعه