مشعل 🇸🇦

لا قادر اخذها على العرف : والسلم ولا قادر اتركها وادور نصيبي !

@TERYAG12 لعبتهم مكشوفه والحمدلله ماني من اللي يستعجلون .. م عندي حس السبق على الركاده دايم👍🏻

كيف ورطت أبل اللي اشتروا الآيباد الجديد؟ 🍎 المقلب من ابل كان جامد ! ما كان إطلاق "iPad Pro" و "iPad Air" الأخير مجرد تحديث للأجهزة كان فخ تسويقي محكم للي استثمر آلاف الريالات من أجل ميزات (Apple Intelligence). الصدمة أن كل هذي الميزات التي روجوا لها لها كـ "ميزات حصرية" للفئات العليا ستصل رسمياً للنسخة الاقتصادية "آيباد 12" وبسعر زهيد ! التفاصيل اللي ما اعلنوا عنها في المؤتمرات: • ترقية الـ RAM القسرية: أبل راح تكسر قاعدتها في الفئة الاقتصادية وترفع الذاكرة لـ 8GB في الآيباد 12 ليس كرماً، لأن هذا الحد الأدنى لتشغيل الذكاء الاصطناعي محلياً على الجهاز. • لعبتهم الزمنية قررت أبل تأجيل إطلاق النسخة الرخيصة حتى ربيع 2027 حتى تضمن عدم "قتل" مبيعات البرو والآير حالياً وتجبر المستعجلين على دفع مبالغ طائلة مقابل ميزات راح تكون لاحقاً في متناول الجميع. • استخدموا استراتيجية التوريط تبيعك أبل "الوقت" قبل أن تبيعك "المواصفات"؛ إذا كنت تبي الذكاء الاصطناعي الآن فعليك دفع ضريبة الفئة العليا، رغم أن العتاد اللازم للذكاء الاصطناعي (AI) سيكون هو نفسه في أرخص أجهزتها مستقبلاً. الخلاصة أبل تمارس "الخبث التسويقي" لتدوير المخزون وتحقيق أعلى ربحية من الفئات الاحترافية، قبل أن تجعل الذكاء الاصطناعي متاحاً للكل بسعر اقتصادي. #أبل #ترياق #iPad #الذكاء_الاصطناعي #TERYAG #التقنية #السعودية

ملكت لك خانةٍ من بين ضلعيني والله ما للعرب فيها معز إبره !

لييييت العمر م فيه تلويحة كفوف لا فراق .. و لا وداع .. ولا سفر !

على كثر الشتات اللي يمر ويربك : افكاري لقيتك ظلي الثابت معي دايم على الهقوه ! . يا وجهٍ كل ما ضاقت علي و شانت : اقداري ذكرته وانجلى ضيقي وصارت عبرتي غنوه ! . تخيّرتك ولو غيرك وجوده عندي : إجباري أعرف إن الحياة بدون وصلك ماهي بـ حلوة !

لا فقدنا شخص تكثر فـ الدروب : أشباهه كن وجهه في وجيه العابرين يوزّع ! . اتتقى في ذرى الله و احتمي في : جاهه من فراق اللي عروق الكبد منه تمزّع !

ضايقً من فراق وضايقً من : تجافي اتقوى وانا حالي دنى من مطيحه ! يكذب اللي يقول ان المفارق : عوافي لا يحس بشعور ولا يعرف النصيحه !

بكيتك والبكى لا عاد يستحمل ولا : ينطاق على كثر الدموع الله يستر لا تغرق عيني !

انا محتاج من وزنة وصالك : نورك البرّاق تعال وهل صوتك في سموعي لين تحييني ! . بعد ما كنت انقّي واتخير فـ اللقى : ما لاق تخيّل معي صارت تكفي اللحظه وترضيني !

يطق الباب غيرك للهوى و اقول : بـ الطقّاق حياتي لك مسلّمها وثيقة عمر بـ يدّيني ! . عشقتك سر واخذت العهد فـ السر : والميثاق الين اموت ما يدرون عنك . . بينك وبيني !

انا في عتمة غيابك ادور للحضور : اشراق متى يطلع علي الصبح . . و بـ نوره يقديني ؟ . حشّمة اللي بقى لك وانت مالك بالغرام : اخلاق انا للحين شاري وانتي بايع . . يـ معنّيني !

ذبل وجه الكلام اللي ذخرته فـ السنين . . اوراق بقى وجه الغياب اللي يسرّيني . . على ويني ! . على ويني وانا مدري اتل الساق واثني . . ساق على ويني اجر الصوت ( يا اغلا من سكن فيني ) !

تعبت اصبر تعبت اسهر تعبت اسأل : تعبت اشتاق انا ماني على القوّه . . ابيك اللي تقوّيـني !

افا يـ اللي زرعتك حب صادق و الحصيل . . فراق هقيتك انك على صحرا مقاديري بساتيني ! . صحيح احبك ولكن خذيت من الوصال . . اخفاق احبك لو لها قيمة بـ عينك . . ما تخليني !

عشقتك سر واخذت العهد فـ السر : و الميثاق الين اموت ما يدرون عنّك .. بيني وبيني !

استغرب الكائن المخلوق من : طينه لا صار طبعه مثل الحجر قاسي !

لكن على طاري الضياع : وما الضياع انا بديت اضيييييييع مره ثانية !

و المشكلة مدري متى يوم : الوداع و مدري متى يوم القطوف الدانية !

بدا يعيش الخوف في قلب : الشجاع و بديت أمِلْ من الحياة . . الفانية !

ما عاد التفت لـ الزين لو يلفت : الأنظار فدتك العيون اللي تبي كل نظراتي ! وش أقول فيك وكل ليلة تعبت : أختار وتحيرت في وصفك بعد حيرة أبياتي ! لك الطله اللي كنها الصيب : المدرار ومجيك يرد الروح يـ آخر محطاتي ! تفز الحدايق ورد لو قالوا أنك : مار مثل ما تفز من السواليف ضحكاتي !

وش اللي يمنع نفوس البشر ما تحسد : الفنجال ما دام إنه يلامس جمرتينك . . لا تقهويتي !