ماجد شمعة

بصراحة… لأول مرة بحس حالي جاهل وأمي وماني عارف شو أكتب ولا شو قول. أي موضوع مهما كان بديهي وبسيط، مننقسم ومنبلش اصطفافات عمياء كل واحد متمسك برأيه مها صار وشو ممكن يصير يمكن السكوت بهيك وقت أفضل من الكلام😔 برأيي بهي الأيام.. الالتفات للأسرة أهم والرجوع للذات لتهذيبها وتطويرها وتعلّم أبسط الأشياء(حرية التعبير،احترام الآخر..) وكتير من الحقوق البسيطة الي دفع السوريين ثمنها غالي طيلة 14 سنة #ماحدى_بيعرف 😔

كأنو #السويداء ما عيدت! ما مر عليها العيد ؟؟ ما ثبتوه؟ وين صلى سماحة الشيخ الهجري؟ مو مبين سماحته؟ #ماحدى_بيعرف

ما عندكن فضول متلي تعرفو وين بدو يصلي الرئيس بكرى ؟ في عباية رح تُهدى للخطيب؟ الخطبة رح تكون عادية؟ والا مدح للرئيس والدعاء له؟ "اللهم وفّق سيادة الرئيس بشا.... عفوا أحمد الشرع ..😬 شو رأيكم؟ في شي جديد ؟ #ماحدى_بيعرف #عيد_الفطر_سعيد

يا رب يكون هالعيد أخف على القلوب ويكتب لكل واحد فينا لحظة راحة يستاهلها بعد تعب هالسنين وأهم شي ... ياااارب تكون وعود المسؤولين كلها تحققت وسنغافورا #سوريا قاب قوسين او ادنى 😁 النت قوي والكهربا منورة وحسابات بنكية شغالة قطار حلب دمشق شغال 😬 #عيد_الفطر_سعيد

بقلك الراجول: السوريين عبيدبكوا وبوزعوا شعيبيات عالي عبصير باىران اليوم. لكن في المقابل، ليش ما منشوف نفس مستوى المشاعر تجاه أطراف تانية؟🤨 متل #روسيا الي عملت العمايل بالسوريين والى استمرت الزيارات والعلاقات بين الطرفين؟ أو #أمريكا الي ما قصرت كمان، وما حدى بجيب سيرتها الا بالخير فليش يا سوري بس ايران ؟ ليش كيف ترد ؟ #ماحدى_بيعرف

أول أسبوع من العمليات التي أطلقها #ترمب ضد #إيران قيل إن تكلفته تجاوزت 11 مليار دولار. وإذا استمرت ممكن توصل إلى 100 مليار دولار. تكنولوجيا متطورة ذخائر حديثة صواريخ فرط صوتية أحدث الطائرات المقاتلة، وأنظمة دفاع جوي… كل هذا تم استخدامه في المواجهة. ومع هيك لم تُحسم بسرعة السؤال: معقول ايران قوية لهالدرجة؟ أو امريكا أضعف مما كان البعض يتصور؟ #ماحدى_بيعرف

عن جد شو الطريقة اللي الواحد ما يشوف فيها إعلانات المسلسلات السورية ووجوه ممثليها؟ كل ما تفتح الهاتف إعلان مسلسل لقطة تمثيل مقابلة مع ممثل ايييييييييييي ماضل شي عند الاعلام يعملو إلا يبيض وجوه (ممثلين) وقال شو كلو عبيحكيلنا عن الثورة وتاريخها وأحداثها 😩 وكأنو نحنا جايين من المريخ عيييييب والله عييييب

مجلس خبراء القيادة الايراني: اخترنا مجتبى خا منئي بعد دراسات دقيقة وواسعة مرشدا للبلاد. قولكم بضاين للسحور ؟ 🤨 #ماحدى_بيعرف

قال تيم حسن عبقلد بشار الأسد بمسلسلاته؟! الله يطعمك الحج والناس راجعة 😩

تخيلوا لو قادة العالم والمسيطر على قراره (النساء) وليس (الرجال)🙃 هل كنا رح نسمع كل يوم (حرب نفط و صواريخ وحاملات طائرات )؟؟ ممكن كنا اكتر شي نسمعه: أزمة دبلوماسية بين أمريكا وإيران لأنو إحداهن قالت للأخرى تسريحتك مو حلوة أو فستانك من "شي ان" 😝 #ماحدى_بيعرف الله يستر .. لا طبعا كلهنَّ حكمة وعدل وسلام وديمقراطية وتعايش ...

عاجل: سوريا تطلب من بعض رعاياها في إيران البقاء هناك وعدم الاستعجال بالعودة، لأنهم أغلبهم فلول🙃 #ترفيهي

لا ضل خا منئي ولا حسن ولا بشار ولا جساس😂 هي عيشة هي ؟ هي حياة هي 😂 #ماحدى_بيعرف

صار بدها دبكة للصبح 🥳

نعيش نحن السوريين زمناً مختلفاً بامتياز رأينا بأعيننا كيف سقط #نظام_الأسد ونشاهد اليوم كيف يسقط #النظام_الإيراني ونتابع الفيديوهات المتداولة لعنوان واحد (إيران تُقصف) ونتذكر جيدا كيف كانت شريكة اساسية في تدمير سوريا ذاكرة السوريين ليست قصيرة. إحساس عميق بالعدالة تتحقق أمام أعيننا..

معقول بهاليومين يجينا خبر بشار بسبب (وعكة صحية) بموسكو? قولكم شو نوع الوعكة؟🤨 معقول رشح ؟ أو كريب؟ #ماحدى_بيعرف

أيمتا #رمضان بدولة الباشان؟ ما ثبتوه؟ بس يمكن ما عندهم منظار يشوفوا الهلال !! #ماحدى_بيعرف

هدول صاروا الثوار ؟؟!! اي استخفاف بعقولنا هذا؟ تاريخ يشوه أمامك صور ووجوه كانو وما زالوا يمثلون علينا هل تصدقوهم؟ إمتحان كبير😔

ما بتخيل حالي شوف ولا مشهد من مسلسل سوري مع هي الوجوه المتلونة المكوعة الي كانت تلمع وتبرر وتسكت وتصفق ... وجوه مهما لبست شخصيات وبدلت أدوار جديدة بتضل صورتها القديمة محفورة بالذاكرة الي ما ممكن حدى يقدر يمثل عليها قال شو عبيحكولنا عن الثورة وبطولاتها😔 امتحان كبير والله