Gray

مجدي الهواري .. حطيت كل فلوسي في فيلم «عبود ع الحدود » ⭕ المنتج والمخرج مجدي الهواري لما راح لعلاء ولي الدين وقاله أنا هنتج لك فيلم فعلاء مصدقوش وافتكره بيهزر مفيدة شيحه قالت له إيه اللي خلاك تنتج لعلاء والمجموعة اللي معاه يعني كان في كريم وحلمي وعبدالمغني فقالها مثلا حلمي كان بيقدم برنامج إسمه لعب عيال فكان مسمع اوي وواعد وأنا كنت بأستهدف فئة الأطفال لأن فئة الكبار عمرهم ما كانوا هيجوا لنا لأن زمان كانت السينما محصورة في التسعينيات ما بين عادل امام ونادية الجندي وشوية يجي محمود عبد العزيز ينزل فيلم زي الكيت كات وينجح أو احمد زكي يعمل فيلم وينجح لكن الناس الكبار كانت بتدخل دائماً أفلام عادل إمام ونادية الجندي وفي العيد كمان فأنا كنت عايز الشباب الصغير والأطفال يشوفوا افيش علاء وهو عامل ببوقه كده في الافيش فيأخد أبوه ويدخل السينما فيخرج أبوه من السينما يقول والله ده فيلم حلو الصراحة ⭕ المخرج شريف عرفة ساعدني علي ده لأنه كان مخرج ومنتج للاعلانات ففاهم في الماركيتينح كويس جداً بس الأول هو إزاي شريف عرفة بعد ما اخرج معظم افلام الزعيم عادل امام في التسعينيات زي اللعب مع الكبار والمنسي والنوم في العسل وطيور الظلام فيجي يعمل فيلم لممثل جديد زي علاء ولي الدين. ⭕ علاء بعد ما جاله مجدي الهواري عشان ينتج له فيلم حب يخرج له مخرج كبير فراح على كل مخرجين مصر عشان يخرجوا له الفيلم ومعظمهم اعتذر لأن اخراج فيلم لبطل جديد ومعندوش سمات البطل المعروفة هي مغامرة لحد ما حد اقترح على علاء اسم الاستاذ شريف عرفة ! ⭕ والاستاذ شريف عرفة بيقول في برنامج صاحبة السعادة أن علاء حاله على استحياء بيطلب منه يخرج له فيلم وقاله نصا:- "هو ينفع حضرتك تخرجلي الفيلم؟" فالاستاذ شريف عرفة قال اه يا حبيبي ينفع خصوصاً أن كان في تجربة صعيدي لهنيدي وكانت مكسـ،،رة الدنيا ⭕ وفعلاً بدأ تصوير الفيلم وعلاء اشترط اجر ٥٠ ألف جنية وقتها ولكنه مكنش عايز يأخد الفلوس من المنتج مجدي الهواري لحد ما يطمئن على الفيلم لكن مجدي أصر أنه يأخد الفلوس والفيلم كان محطوط له ميزانية مليون جنية لكن كان في تصوير اسبوع في شرم والتصوير ده هيكلف حوالي ٢٥٠ ألف زيادة + أن الفيلم لازم يتعمل له دعاية فأتعمل له دعاية بالسلف بقيمة ٥٠٠ ألف كمان فأصبحت تكلفة الفيلم مليون و٧٥٠ ألف جنية وهنا بيقول المنتج مجدي الهواري أن صديقة الموزع والمخرج وائل عبدالله _صاحب شركة أوسكار للانتاج الفني _ كان واخد توزيع الفيلم مجاملة لمجدي وعلاء وكان بيضع خطة عشان يعرف يجيب فلوس مجدي وميعو روش بلغة السينما لكن اتفاجوا كلهم أن فيلم عبود بقى sold out في كل السينما وحقق ارقام قياسية وقتها وجاب ٢٠ مليون جنية وساعتها علاء اتصل بمجدي الهواري وقاله مبروك يا دودو بقيت مليونير.