Hicham🇩🇿

Men Mezghena Machi Napoli 🌹

🚨 OFFICIEL ! IBRAHIM MAZA 🇩🇿 EST ÉLU HOMME DU MATCH FACE À LA JORDANIE ! 🌟

وجوه شغوفة لن تنسى، أحياء بيننا وإن دفنوا ذكرى العشران ما نسينا ، دامت رمز المحبة بيناتنا !

الإبداع

المصاغر تبدع ... ولاد المولودية فنانين ❤️💚 #TheTwelfthplayer

أبناء نوفمبر تناخو في جوان

@Med_Roudan 🤣

😂😂😂😂😂😂😂😂😂😂

Vitinha 🥵

Ballon w cinema 🎦

A.E.M - London 🇩🇿🏆

Ultra’ Amore e Mentalita’ - Marseille 🇫🇷❤️💚 05/06/2026

Le réfrigérateur d’un supporter du Mouloudia

DINGUE ! 🤩😍 Les supporters du MC ALGER 🇩🇿 ont célébré leur titre de champion d'Algérie dans les rues de Paris hier soir. 🎆 Pour info, puisque c'est important de le souligner : AUCUN INCIDENT NI BLESSÉ n'est à déplorer. 😉

🚨 Des supporters du MC Alger ont fêté le titre de champion d’Algérie 🇩🇿 à Paris 🇫🇷 hier soir. 🎉 C’EST JUSTE MAGNIFIQUE. 🎆🤩

60%

هاديك ليام عشناها و صاي سلكت بخير و دوك الطموح تاع كل مشجع للمولودية زاد كبر  و عمرو ماكان طموح مشروع قد ماراهو دوك ... التضحيات، الخيبات و الوقفات لي جازو،  و فالأخير الشعب هدا كان و لا يزال هو السبب الاكبر و الاهم لعودة هيبة المولودية و زعامتها على المستوى المحلي و بإذن الله نفس الشعب هدا لي راح يكون السبب الأول لعودة الهيبة على المستوى القاري و حاجة ماراهي بعيدة بصح فنفس الوقت حاجة ماراهي عبثية ... بدون لف و دوران و العام و الخاص علابالو بيها، و ماشي اليوم برك لي قلناها... نفس الهدرة هدرناها و راح نعاودو نقولوها و نتمناو تكون المرة الاخيرة لي نعاودوهالكم... الشعب يريد النجمة الثانية، و النجمة الثانية تريد فريق ينافس عليها روح المجموعة، النية، أخلاق اللاعبين ..الخ ماشي بهادو لي تنافس اندية ميزانيتها قيس ميزانية الشمبيونا تاعنا واحد ما قال هاد الأمور مايهموش بصح كامل علابالنا بلي ماشي هوما الأهم و حتى الاشخاص لي يحكيو بهاد المصطلحات امام الصحافة علابالهم بلي النية ماتوكلش الخبز فلافريك و ماشي بهاد العفايس لي تتزعم القارة و ماشي بيهم لي تشري رضا الأنصار لسبب أو لأخر، الإدارة و الشركة المالكة راي تمتنع موسم بعد موسم عن القيام بميركاتو محترم تقدر تقابل بيه قاريا اليوم و المولودية بطل الدوري للمرة الثالثة على التوالي بميزانية أقل من ميزانية  فرق لم تفز بأي شيئ لا محليا و لا قاريا و ما قدمت والو للكرة الجزائرية و الاستثمار  فيها مكان عندو حتى retour positif يخلينا نتساءلو ... ماذا لو كان للمولودية ميزانية مماثلة فقط (حتى لا نقول ميزانية اندية كالأهلي أو الترجي) واش كان راح يكون الملموس تاع هاد الاستثمار ؟ نادي بالشعبية تاع مولودية، تجيبلو لاعب سوبر راك راح  ترجع خسارتك فيه غير من بيع الأقمصة بلا مانزيدو نحسبو عائدات الاشهار تاع الممولين لي راح تكون عندهم واجهة عبر أسماء كبيرة في نادي كبير بشعبية جارفة و تاريخ عريق .... كي يلبس بلايلي ولا أدم وناس العلامة تاعك ماشي كيما يلبسها حسيسن ولا مسوسة و العلامة تاعك كي يلبسها بلايلي بقميص المولودية ماشي كيما يلبسها بلايلي بقميص أي فريق اخر خلاصة القول، بلي الاستثمار في ميركاتو سوبر راح يكون مربح للجميع... و العائدات تاعو راح تكون أضعاف واش خسرت عليه الشعبية لي جابتلك الممولين من الصين و قطر هي نفسها لي ترجعلك دراهم الميركاتو و الشعب لي مد notoriété للشومبيونا هادي و للكرة ف هاد البلاد هو نفس الشعب لي راح يسوقلك الكرة الجزائرية لـ ما وراء العالمية في حالة تعلقت النجمة الثانية .... ادا مجرد تتويج ب بطولة عندنا منها عشر نسخ خلا المشاهدات تاع الاحتفال دور فالمليار عالميا عبر مختلف المنصات و بمختلف اللغات و عند مختلف الاجناس راك تيماجيني واش قادر يدير لوكان يرفد كوب دافريك لي عندو 50 سنة مارفدهاش ؟ لالا غير ماتيماجينيش... دير واجبك، اخدم فريق ينافس و يقابل، حط الباكي و الباقي علينا و راك راح تعيشها بنفسك بلا ماتيماجيني ولا يحكولك عليها.. و الخزينة لي راك خايف عليها تفرغ، راح تولي تفيض عليك صدقني ... المولودية نشأتها كانت بايديولوجية وطنية و اداة مقاومة و أدت واجبها على اكمل وجه بالرغم من كل التضحيات انذاك و الحمد الله بعد الاستقلال اصبحت مرآة الكرة الجزائرية و واجهتها الأولى و كانت اللولة لي تعلق نجمتها في سماء الجزائر ، و لوكان ماشي تسلسل الاحداث لي بدا يصرا من اواخر السبعينات و الثمانينات (بلا ماندخلو فالتفاصيل) لوكان ماشي النجوم لي يخصو اليوم ... المهم الشعب قالهالكم بصريح العبارة، راو حاب لاكوب دافريك، و نتوما علابالكم واش لي عليكم ديروه، و كامل علابالنا بلي نقدرولها لوكان تتوفر الاسباب و الظروف ... ثالث بطولة على التوالي ماشي finalité بل المحفز الأول لبطولات اخرى و سيادة كاملة للعميد و اللبنة لي يتبنا عليه مشروع النجمة الثانية... ان شاء الله مانعاودوش ندورو ف نفس الحلقات المفرغة لي والفناها كل عام، حنا مارنا حابين نعياو و نتوما ماكو حابين تحصلو بينا ... تسما كل واحد يعرف خدمتو و مسؤوليتو و ماعندكم حتى سبة لدرجة لاعبين كبار رام يشرولكم باش يسنييو فمولودية و يعيشو شرف اللعب بهاد الألوان و أمام هاد الشعب العظيم... و كنقطة ختام مكاش لي عندو الحق يجي ضد ارادة شعب المولودية، لا لاعب سابق ولا عضو إدارة ولا حتى المسؤول الأول عن الشركة المالكة لي فالأخير راو مجرد موظف عند الدولة عبر مؤسسة اقتصادية هدفها الأول ربحي، و حرمان المولودية من تتويج افريقي هو حرمان مؤسستك من عائدات ربحية ضخمة كخاتمة لكل هدا ، نترحمو على خاوتنا لي فارقونا و ماعاشوش معانا اللحظات هادي و ماشافوش المولودية وين لحقت بتضحياتهم، و لي شاركونا نفس الحلم و هاد الحلم راح يتحقق بإذن الله ثم بإرادة شعب المولودية !

RT maximum svp ! 🙏🚨