محمد

أستغفرو فلا تعلُمو كم ذنبًا سيغفر .. -استغفِرُ الله العظيم واتوبُ إليه.

سراب الاعّذار ما يقطع ضما الوارد في عينه الارض جردا والسما زرقا ردودك البارده . . و اسلوبك البارد كنها توريني . . المنهاج و الفرقا ! واعذارك الواهيه من ذهنك الشارد اغصّان هجر عليها . . ناحت الورقا من دون طيحة غلاك حروب ومطارد والعين مّا طاح منها . . ما قدر يرقا !

" يهزك الطاري ويذبحك الحنين وانتي على عرش الغرام .. مكوّعه ماعرف ابادلك الشعور اللي تبين يومين مشتاقه .. ويوم مطوّعه "

حتى لو إن المواصل يعتبر مستحيل أحس عادك بـ ترجع بس مدري متى

الف بسم الله عليك من التعب والضيقة.. والدموع اللي تحوّل في حشاك وترقا . انت حلم العمر والله ماكتب تحقيقه.. غصب عن عثرات حظي والزمن والفرقا

حياة المحبه " يوم وصلٍ ويوم فراق " من اللي يحب بقلب صادق ولا استاجع؟ جعل صوتٍ يمر المسامع ولا ينطاق فدا صوتٍ يمر المسامع وهو ساجع محد قالك ياقلب تشتاق .. لا تشتاق اقدم لك الاعذار في وضعك الفاجع انا اظن ان اقسى المشاعر على الاطلاق شعور انتظار الغايب اللي ماهو براجع

راح ليل، ولاح فجر، وحرّك الشوق الحنايا والهوى مثل الأسير اللي مايدري وش مصيره ودي أصافح يد الفرحه وأبادلها التحايا وأبتجح مثل الأمير اللي خطب ودّ الأميره وأتفقّد نور وجهك في الدروب وفي الزوايا وألمحه في كل عفريّه وريمٍ مستذيره

هذي حدودي وهذا موطني للأبد من شامة الخد لين الشامة الثانيـة استلحف الليل واثمَل من رحيق الشهد وأرسم على الجيد الاتلع قبلةٍ حانية خلوني اموت من بين النهد والنهد أول رجل يدفنونه في صدر غانيـة

ياموقد النار فيني رمّدت نارك والفت فرقاك لو جرحك موالفني يمّمت وجهي من اللهفة على دارك وأثرك على زلّة الماضي مخالفني اللي بقى من بقايا الحب مقدارك أبيه حولي على شان يغفى جفني يؤسفني إني ما عاد أبرر أعذارك ويؤسفني إن قلبي المشتاق يؤسفني

يعود ذكرك من زمن عذب الاحلام ذاك الزمان الي هله معه قفو لك عشرتك ولا الهوى حفنة اوهام عفيت يوم اهل الهوى منه عفو البارحه مابين الاسماء والارقام هنيت متخفي وهم ماتخفو طفو لك شموعك وهنوك بالعام رغم انني موجود كفو ووفو ما شفتني بين التهاني ولانغام انا الشموع الي حبايبك طفو

ترجع وارحب وتتركني وتنساني وصلك مصيبة غرام وبعدك مصيبه على كثر من تركني قبلك وجاني يبقى رجوعك رجوع وغيبتك غيبه ."

ابو خدودٍ كنها ورد فيضه اليا فتق زملوقها وازهر الروض ومعنقٍ تحته أثنينٍ غضيضه كنه مقرص روس الأثنين باعوض وجسمٍ تعازيله فياضٍ مريضه من صك خلخاله إلى مفصل الحوض قولوا لها مرباع قلبي وقيضه أني بخيت بمعرفتها ومحظوظ والوصل للعشاق مثل الفريضه والصد والهجران ماهوب مفروض

ابتدا فصل الحياه المتعب .. المتشابه وانتهى اكثر فصل حبيته وهو مشقيني ما اقتنعت ان العمر عجّل .. وهج ركابه لين عشت الواقع بروحي وشافت عيني مادريت اني خلصت من الهوى واصحابه لين صار الليل يجمعهم .. ولا يدعيني .

يالي تحت رحمة احزاني تركتيني نسيانك اقرب طريقا باتوجه له مانيب والله حزين انك هجرتيني بالعكس هجرك جميل وروحتك سهله لكني متضايق انك ما عرفتيني مع اني اوضح من المجنون عند اهله الهجر ما يجرح العشاق ياعيني يجرحهم الي يهين الحب من جهله

يا مرسله مع السلامه .. سلامات ! لا تكتبين آخر ( فصول الروايه ) اللي تعذب في غرامك سنوات الله يعصمه بـ الهدى والهدايه مشكلتي إن قلبي رهين البدايات مهما حصل ما يعترف بـ النهايه

حديث اللسان يعيش مره و يلعب دور و حديث القلوب بنكهة : الصدق متنكّه

جعل لحظات اللقى من بعد ترحالي وحلي ليلها ، باله طويل ، وضيفها راعي طويله "

يا ذا ( القوام ) إللي علينا لا حلال .. ولا مباح لـ عمري إني ماني بـ ضميان و عيوني ضمي تبسّمي و إخذي من الليل الطويل عن الصباح لقّي قفاك الوقت و الدنيا و أهلها .. و إرتمي غيداً مطيّشها الغرور إللي على صح و صحاح و تقول كن البرق في عرض المخيله مبسمي

الله إللي حط لك فـ العين صوره والله إن يمحى نظرها .. ما محيتك تلمحك ( روضٍ ) يقلدني زهوره ناعمٍ لو إنك بـ توكل ؟.. كليتك واحدٍ من طاري إسمك طق زوره وش يقول إن سمع لبّيك و فديتك ؟

قلبي اللي كل خمس أيام عنده طاري يتعزز والطواري دايمًا .. تلعب به والله إني مادري ياخوك ويش اخباري قمت ادور للسفر في كل فتره سبّه كل دارٍ .. يستريح بها ضميري داري وكل وجهٍ يستريح له الفواد .. آحبه

وزعي عمري لك أخوان وقرايب بس لا تشكين من قولة وحيده لا حداك الوقت ماني عنك غايب عاندي بي جور دنياك العنيده أجدلي الأحزان في ليل الذوايب وجددي لي فالعمر فرحه جديده كلنا في غربة الدنيا حبايب ورحلة الايام ميناها بعيده اتركي الآلام بوحٍ للهبايب بس أشوفك يا أمل عمري سعيده