مسرور افغان(Masror)

د افغانستان کې زمونږ د ۱۰ زره میګاواټه برېښنا تولید د لویی پروژې په ارتباط، پرون مې د عزیزی انرژی شرکت له همکارانو سره یوځای د اتریش هیواد سالزبورګ ښار ته یو ځانګړی سفر درلود، تر څو له هغو وسایلو او ماشین‌آلاتو څخه لیدنه وکړم چې مخکې د تخار په ولایت کې د ۱۶۵ میګاواټه برېښنا فابریکې د جوړولو لپاره اخیستل شوي دي. د دې لیدنې پر مهال مې له اړوندو مسؤلینو سره ولیدل او خپلو همکارانو ته مې د دغو ماشین‌آلاتو او وسایلو چې ټول وزن یې له ۲۰ زره ټنو څخه زیات ته رسېږي، د چمتووالي او انتقال په اړه لازمې لارښوونې وکړې. نن ټاکل شوې ده چې له یوه بلی دستګاه څخه چې د اتریش د پلازمېنې ویانا ښار ته نږدی موقعیت لري او د ۳۵۰ میګاواټه ظرفیت لرونکی ده، لیدنه وکړو. دا دستګاه د بغلان په ولایت کې د نصب لپاره اخیستل شوې ده. د یادونې وړ ده چې په تخار او بغلان ولایتونو کې د سکرو په وسیله د برېښنا د دغو دوو فابریکو جوړول، په افغانستان کې زمونږ د ۱۰ زره میګاواټه برېښنا د تولیدی پروژې د لومړي پړاو برخه ده چې دامحال د عزیزی انرژی شرکت له خوا عملي کېږي. په دغه لومړنی پړاو کی، چې ۸۴۵ میګاواټه برېښنا تولیدوي، د لمریزې (سولر) برېښنا درې پروژې هم شاملی دی چې ټول ظرفیت یې ۳۳۰ میګاواټه دی او اړوند وسایل او ماشین‌آلات یی مخکې په چین کې اخیستل شوي او د انتقال بهیر به یی په راتلونکو څو میاشتو کې بشپړ شي.