مدغم

طول يا ليل لين يموت طول المسافة وافهق الصبح واخذ السالفة والقصيدة في تهاياك ما ألحّق دموعي حسافة الملامة تحت ظلمة جناحك بعيدة والمفارق تبكيه الامور التوافه يلمح اول جروحه بالجروح الجديدة وانا من لوعة الفرقا وكبر الكلافة فاقدن قلبي اللي منشلع من وريده منك يا سيد احساسي ولحنه وقافه اتلعٍ يلبس ابيات الشعر فوق جيده ينبت الورد قدامه وينبت خلافه وتحت ماطاه ولا لا لمس الارض بيده يفرش الارض والغيم ان تزبر لحافه والعصافير تاخذ من لحونه نشيده اعرفه من طهارة روحه ومن عفافه من حمام الحرم حرام ذبحه وصيده قلبي يقول عذري بالهجر كان تافه وعقلي يقول كان الهجر فكرة سديدة مالي الا اذكره رغم الزمن واختلافه لين ما ينثني بالقلب غصن الجريدة الفظ اسمه على جرحي ويورق جفافه واتصفح شريط الذاكرة واستعيده كل مشهد يسوده خوف ما عاد اخافه ما تخوفني الا كل لحظة سعيدة

يا حظكم ياهل الشغف ياللي تحبون القصيد الناقد الذاتي حلف ما عاد يعطيكم جديد :)

شاركوني أغنية ولا قصيدة