مسند فريح

@badershg صح بدنك وصح لسانك الشيخ بدر 🙏

@mesnd_f أتعبني الجرح والكتمان - وصبر تباطيت مردوده ابداع صح لسانك واعتلت شأنك يا ( إنسان)

اتـعـبـني الجـرح والكـتمان وصـبـرٍ تـباطـيـت مـردوده

الصلاة الإبراهيمية لاتجزيء خارج الصلاة لأن ليس بها السلام..

سبحان الله عجيببب أن بعض الكلمات فيها قبول، لا يمكنك تجاوزها حتى تنتهي منها كاملة..!🤍 اسمع هذه الكلمة ولن تتجاوزها

@ajrwuili تسلم ويسلم ذوقك اخي الشاعر عبدالرحمن

@mesnd_f ما أشعرك وأنبلك يابو عاصم

جيـتـك ولا مـديـت لك غـيـر يـمناي انـا ادري إنـك غيـرها مـا تـبـي شين جيـتـك حزين وسكري يلمس الهاي ورجـعت مِنـّك وسـكـري بـالثمانين على كثر مـا اسرفـت بالتمر والشاي اثر التمر مظـلـوم والشـاي مسكين والـظـاهر إن عـلاجـه اللي بمخباي خـطـأ، وانا لـيّـه مـعـه عـدّة سنين السكر اسـبـابه جلـوسي مـع عداي وعلاجـه القـلب النقي والنبأ الزين ناسٍ تجيك وهي من نفوسها وجاي رفّـاعـة الـسـكّـر تـسـد الـشرايين نـاسٍ نـهـار الـراي مـا عـندهم راي وتـقـدر ذممهم تشتريها بخمسين

كثـر الحـراكات مـا يلفت لك انظاري عندي من الخير ما هو عنك مشغلني يمـر عمري وانـا مـا جبـت لك طاري اصـد حـتى عـن اللي عـنـك يـسألني لا تنشد الناس تذبـحك آخـر اخباري وإنت اتحسب لي متى فـرقاك تقتلني ولا تـنشد الناس عني وإنشـد الباري يرزقـك غـيـري وإذا شـفـته تخيلني يحبـك اللي يحب حـسـابك الجاري انـا مـن الـذاكـرة يـا صـاحـبي شلني

@alkhad3_95 مبروووك له ولك . مناصيب قوم ماهي غريبة عليكم

@badershg صح بدنك راع صوير الشيخ بدر ، بعض مماعندكم

@mesnd_f ابداع يتلوه إبداعات السكر اسـبـابه جلـوسي مـع عداي وعلاجـه القـلب النقي والنبأ الزين صح لسانك واعتلا شانك يالقرابه

@ARowili مدري لو ادخل جنة الله بمسكين "القتل الرحيم "

تعيش ياراسٍ معادينك كثار لو ما انت شايفهم بعينك معادين أجوادٍ يعيشون ويديهم قصار ما احتاج لافكّرت اطيّرهم يدين لو طاوعوهم من يعكسون الاشوار ضعوف واللي طاوعوهم ضعيفين حسين لو انّه يوقّف لـ عمّار والله وماقالت بعمّار وحسين علومهم ماتحتمل لفت الانظار خلاصة الموضوع غيرة نساوين حريمٍ آخذهم لياجيت مسيار وليابغيت آروح طلّقت الاثنين ماهم خصوم خصومي اعرفهم احرار الروس لايمكن تخاصم كراعين لو تاخذ الشقرا ورى الخيل الادوار الخيل يظهر فرقها بالميادين ان شفت ربعه ماتردّه عن النار اقول ربعه مابهم ناس صاحين! على كثر ماعاش يسرقني أفكار مدري لو أدخل جنة الله بمسكين قصايده لو تندرج ضمن الاشعار شعر ولكن شعر مصنوع بالصين مرة يمرّرها على ست .. شعّار ومرة يلصمقها على بيت بيتين ماهو بتاجر واغلب السوق تجّار على زكاة المبدعين الغنيين لو ان ضربي فيه مضروب بجدار يحسّ ، بس الخبل شين وقوي عين أبضربه لو كنت اعرف انه حمار الرفق بالحيوان دايم مهو زين :)

@Beinhaka1 @saddahalotaibi "هذي الرزقة ياجعفر" اكيد لهذا المثل قصة ؟ لو اتحفتنا بها

يا اللي طردت الذيب لا تامن الذيب يقدر بغمضة عين يخلف مساره شف كيف سوّا يوم حدّوه بالجيب طمر على السواق وسط الغماره

كثرة الهـرج يمّي منـك لجّـة حراج بين نـاس تسـوم وبيـن نـاسٍ تحدّ والسـوالف بسـوقي مالها من رواج وإنت تاجر كلام مـن المـهـد للحد مثل ما يقصد الشاعـر بحفلة زواج له لجاجـة ولا يمّـه من الناس أحد

#شيخات_القصايد #عنزه الشعر يزداد حشمه اليا قلنا عنوز ترجح كفوف الموازين ياقيل عنزه #رضا_حليس المتفق عليه وبتفاق الرواه وقبل الة الاعلام ان شيخات القصيد ثلاثه وكلهن لعنزه جت الة الاعلام وطلعت بعض الاصوات تحاول نفي هذا الارث وقيّض الله له كثير من المنصفين من اهمهم رضا طارف الشمري الله يرحمه

@ARowili @rakanaldawi سوّى لنا دوخة : هو عنده لحن ماهو متذكر قصيدته وكتب قصيدة ما حنّا لا قين لها لحن . صح لسااانه ونقلك

ليت لك عذر لو انه قديمٍ مزوّر وليت الاربع وعشرينك لنا وقت منها جاني الياس يوم أدوّرك تقل أدوّر أغنية ماني بمتذكّر الا لحنها ! العظيم راكان الضوي @rakanaldawi

يتوقف عملهم على معرفة الكاريزما؟! لو سألوا اعرابي مع غنمه قال لهم (الهيبة) يقول الفرزدق وهو يمدح علي بن الحسين : يُغْضِي حَياءً، وَيُغضَى من مَهابَتِه فَمَا يُكَلَّمُ إلاّ حِينَ يَبْتَسِمُ جمال الروح ❌ ! الروح لا يعلم بها إلا الله جمال الشكل ماله علاقة بعض التجمل يجعل الكاريزما يدمر الكاريزما تدميرا

صارو كانهم في الروضه

@aaaytrr @alkhad3_95 نمت وصحيت ليا قصايد وشياب منصة اكس مولعة بس "ادحيه" البارحة ناموا بالأحواش الاصحاب وهم يحلفون إنه وناسه وترفيه وكتبت اي بيتين قبل اقضب الباب انا كبير السن والقدر اداريه

@alkhad3_95 @mesnd_f منصور ينشدني عن العلم مرتاب يقول مايزهاك دربك تخليه مايدري اني للاسف صيدة غراب لكن دعايات العرب نوب توجيه احيان نتجر بالرضا عند من طاب على أمل يسمح وتسمح خوافيه لكن دوام الحال محال يا اصحاب والليل يازين اوله وانت ساريه لا صرت ماتداري ولا تحسب حساب واللي يجي صوب الهدف غير ترميه

سح التعطيل او فكر التعطيل

@alkhad3_95 @aaaytrr ما نامن الشاعر على الشعر لو تاب لو هو عطاه الوقت مقرن علابيه وانا ادري إنك كل مارقبت مرقاب اتشوف شي مانشوفه وتوحيه السالفة ماهي حجر ضلع وتراب ولاهي على جمسٍ تقادح بواجيه

@aaaytrr ابي اتبردّخ تالي العمر نصاب واخاف من مسند فريح ومعانيه ليت ابوعاصم يسمح بشعر الاحباب عن يارجم تقل انتظر قول لبيه

@alkhad3_95 حث المطية مع طريق الشغاميم لا تراهق بتال العمر بالبياهه صح لسانك ماتداني هالنمونة ،

@saud0104 صح بدنك الله يرفع قدرك توقفك عندها شهادة نعتز بها

@mesnd_f صح بوحك جزاله الشعر اذا طرقت مسامعك تجبرك على التوقف عندها وتتفاعل معها قصيده جزله من شاعر كفو 👌

@slsl20005 @saddahalotaibi صح بدنك

@mesnd_f @saddahalotaibi انا اشهد صح لسانك