Mizo Bible

2 KORINTH 9:7 Mi tinin ui chunga pe lovin, pêk loh theih loh anga ngaia pe hek lovin, an thinlunga an tum ang zêlin pe ṭheuh rawh se; Pathian chuan hlim taka petu a ni a hmangaih ni.

PHILIPPI 2:5 He rilru, Krista Isua pawha awm bawk kha, nangmahniah awm rawh se;

SAM 23:3 Ka nunna hi mi siam ṭhat ṭhîn a, Ama hming avângin felna kawngahte mi hruai ṭhîn.

TIRHKOHTE 4:31 Tin, an ṭawngṭai zawhin an awm khâwmna chu a lo nghîng a, an zain Thlarau Thianghlimin an lo khat a, huai takin Pathian thu an hril ta a.

TIRHKOHTE 1:8 Nimahsela, Thlarau Thianghlim chu in chunga a lo thlen hunah thiltihtheihna in la nei ang; tichuan, Jerusalem khuaah te, Judai leh Samari ram khaw tinah te, kâwlkil thleng pawhin ka thuhretute in ni ang,” a ti a.

ROM 10:14 A nih leh, an rin lohva chu engtin nge an lam ang? A thu an hriat lohva chu engtin nge an rin ang? Thuhriltu awm lovin engtin nge an hriat ang?

THUFINGTE 29:25 Mi dang ngaih dân pawisak luat a hlauhawm a, Lalpaa innghah erawh chu a him.

GALATIA 5:16 Chutichuan, hei hi ka ti a ni: Thlarauvah awm rawh u; tichuan, tisa châkna chu in zâwm dâwn lo nia.

EPHESI 2:8-9 Rinna avânga khawngaihnaa chhandam in ni; nangmahni thawh chhuah a ni lo va, Pathian thilpêk a ni; thiltih avâng a ni lo ve; chuti lo chuan, miin an chhuang dah ang e.

1 PETERA 3:15 amaherawhchu, in thinlungah Krista chu Lalah ruat rawh u; nangmahnia awm in beisei chhan zâwt apiang che u chhâng tûrin inpeih sa fo vang che u; nimahsela, thuhnuairawlh tak leh ṭih dêk chungin;

JOHANA 16:13 Nimahsela, amah, Thlarau dik tak chu a lo thlen hun chuan, thutak zawng zawngah chuan a hruai lût ang che u: ama phuah chawpin thu a sawi dâwn si lo; thu a dawn apiang chu a hril zâwk ang; thil lo thleng tûrte pawh a hriattîr ang che u.

ROM 5:8 Nimahsela, Pathian chuan a mi hmangaihna chu fak tlâkin a lantîr a, mi sualte kan la nih laia Krista kan aia a thih avâng khân.

Matthaia 10:20 A sawitu chu nangni in ni dâwn si lo va, in Pa Thlarauvin nangmahniah a sawi zâwk dâwn a ni.

ISAIA 12:2 Ngai teh, Pathian chu mi chhandamtu a ni a, ka ring ang a, hlauvin ka awm lo vang; ‘Lalpa JEHOVA chu ka chakna leh ka hla a ni si a; mi chhandamtu a lo ni ta bawk a,’ ” tiin.

THUFINGTE 13:20 Mi fing pâwl la, i lo fing ang a, Mi â pâwl erawh chu hrehawm tuar phahna a ni.

ROM 10:9 “I kain Isua chu Lalpa a ni tih i ṭana, mitthi zîng ata Pathianin a kai tho tih i thinlunga i rin chuan, chhandamin i awm ang,” tih hi.

MARKA 16:15 Tin, an hnênah, “Khawvêl zawng zawngah kal ula, thilsiam zawng zawng hnênah chuan Chanchin Ṭha hi hril rawh u.

SAM 32:8 Fing taka awmtîr chein i kalna tûr kawng chu ka entîr ang chia; Ka mita en reng chung chein rem ka ruatsak zêl ang che.

JOHANA 20:21 Tin, Isuan an hnênah, “In chungah thlamuanna awm rawh se; Pain kei mi tîr ang bawkin ka tirh che u hi,” a ti leh a.

1 KORINTH 3:7 Chutichuan, a ṭhantîrtu Pathian chauh lo chu, a phuntu chu eng mah a ni lo va, tuia châwmtu pawh chu eng mah a ni hek lo.