الوضع الاقليمي معقّد وحسّاس
الأمن ثم الأمن ، هو الأولويّة
اقلط على عز ومعزّة ونوماس
دونك حرارٍ باللقى صيرميّة
فالجو حرّاسٍ وفالارض حرّاس
جيش وحرس والشرطة الداخليّة
.
الكلام المنحدر لا يظهرك من طورك
اسمع وطوف كلام العالم المنحدره
حتى لو مرت سموعك لا تمر بـ زورك
كلمةٍ تخدش حياء وجهك وماه تهدره
محترم سمعة أهلك ومتزن في شورك
ويكفي ان كل مجلس تزوره فضّالك صدره
ارض نفسك والرضا يكفل جميع أمورك
ولا أتحسّف يوم تعطي كل شخصٍ قدره
تقسى الطبوع اللي من أوّل ليّنه
وش عاد يبقى لا بدت تقسى الطبوع
وجه الوصال اللي تعبت أزيّنه
أصعب علي أحيان من كسر الضلوع
خلّ الكلام .. مغلّظَه وحنيّنه
راح الكلام ولا بعد جات الدموع
الخوف من ليلة وداعٍ هيّنه
عقب الوداع الهيّن نعاف الرجوع