محمد علي

@FaresAyedh كبييير يابو شيخه 👏🏻👏🏻

البدو شدوا على وضحٍ كبار جروم وعضود يبرونها بالمطارق والمشاعيب الطويله أونس بكبدي لظى سجَّة يمانيهم على الذود فزعَتك يا من عباده كلبوها تشتكي له اخيلهم والسراب تقول كنّه عقد مفرود سوات نخلٍ جرت تحته هماليل المخيله العين تهمل عليهم كن فيها ناشبٍ عود والرجل كنّي موطّيها على جمر المليله اقفوا بـ ترفٍ تصيد الغافلين عيونه السود كم مرةٍ قد رماني بالمراهيش الظليله غروٍ يجر الخطاوي فوق وجه القاع بالكود من لين قدّه تقول ان ماله عظامٍ تشيله توّه على اول شبابه ما يعرف النقص والزود ياما وعَدني وياما أخلف وعوده قبل اجي له والله ما يقطع ظماي الليلة من العد قرهود ما تقنع النفس غير برشفةٍ من سلسبيله من حب مثلي جفولٍ مضطرب ماهوب محسود الا على قولت العربان "لا وا عزتي له" يا وجد حالي على وقتٍ مضى لو انه يعود واعيش ما راح من ذكرى التفاصيل الجميلة فِل الشعر للنسيم وللمطر يا ضامر العود واترك عليّ الحزن، مبطي الحزن وانا عميله ما لاح برقٍ تقوده من خطامه رايح النود الا على شان تضحك له وتومي بالجديله

@yh_enezi الله الله يابو حمود👏🏻

لا وا عذاب اللي طروقه مخلّاة عاد يْتجرّع من طروقه عواقيب ما بين يا ليت ولعلّ وحلالاه تبدي عليه الشمس وتعوّد تغيب واليا ولد الابداع رحْم المعاناة غنّا على روس الطوال الشناخيب مصفّفٍ وجده وحرّه وعزّاه مسحّبٍ تنهيد صدره هناديب ملاحيٍ صفق الهبايب ملاحاة مصدّرٍ شرد الهواجس جناديب تبحث مشاريه النشاما خفاياه ويهزّعه معذال سيد الرعابيب ويعرّضه قيظ المقادير رمضاه وتكنّنه شهب السموم اللواهيب وتزنّده عوج الصواديف بلواه وتنحّره سود الليالي غياهيب احلك من مسرّح جديل الخونداه مضرابها بين النحر والتلابيب ياما تنطّحها بعزم ومقاواة ولا اعتراه الذلّ والشكّ والريب ما قدمّه حظّ مْتعلّي وقدّاه قدّاه ماضية العبر والتجاريب الرجل لا حدّه زمانه على اقصاه نزّاع ما يلزمْه من قبضة الذيب امّا بجاهٍ مثل سلطان جهجاه ولا بمضراب البصيّص تراحيب متى اقنعه ما في يدينه وما جاه ماهوب ورّادٍ عْذاب المشاريب شلون اطبّق فالرجال المساواة والطيب ثلثينه عروق ومجاذيب يورّث المقدام مثله وشرواه ويخلّف الهيّاب هيبٍ ولد هيب ومتصنّعة الامجاد زيّافة الجاه جهّالة انّ النعم كسب ومغاصيب يا زينها على الحرار المسمّاة يا شينها على عبيد المعازيب

تحرر من رداك وقول لاهل العيب ياخي عيب ترا ما اضعف من اللي ما تفور الغيره بـ دمه شلون الذيب يقنع كل خلق الله بـ انّه ذيب اذا ماله هريف ولا قنيب بـ عالي القمة لقيت الناس راس ومتن وعضود وذنب وذنيب أمم متفرّقه وشعوب فوق الارض ملتمّه تغاربت فـ بدايات العمر من ينكرون الطيب ولا شيّب عيوني غير من ينكر حليب امه عداوات الضعيّف بالحياة تكون بالترتيب مراحل تبتدي باصحابه وتاصل بني عمه انا ما عشت اوزّع هقوتي وانطر تصيب، تخيب اعرف افرّق الوجه الرضي من شيفة الرمه لا شفت المخطية حدّرت راعيها في بطن شعيب تعشّاه النسور الحايمه والذيب يشتمّه اجي مثل النهار امسح على وجه الدجى واغيب ولا يكره مجيي عنده الا واسع الذمة يطيحون النشامى من سماء عيني، صحيب صحيب ولا اشوف الذليل بيوم رافع هامته.. زمّه على شان الصفوف ودلة الرسلان والترحيب حشمت المجلس اللي تدهله لبّاسة العمّه عسى ماني خليّ من المراجل لا خلا لي جيب حبالي ، تقصر الدنيا.. ولا تقصر عن الجمه !

@FaresAyedh هذا والله الابداع يابو شيخه 💛

@FaresAyedh الله الله يابو شيخه

اسر يا ليل ماهو وقت حزن وملامه فاهقك ناحلٍ رايح لجدّه يعايد لا تحلوى قليل الذوق لذة منامه قمت اغنّي على شانه جداد القصايد اطرقٍ في عيوني عز ربي مقامه عن ذوات المفاتن والبنات الخرايد كل ليلة تقول انْه البدر في تمامه وكل صبحٍ تقول انّه عن البدر زايد القلايد على جيده تزايد زمامه والغوايش تزايد باليدين القلايد آتلهّف على صدفة لقاه وكلامه لو كلامه قليل وصدفته بالمصايد كل ما يرسل بخدرات سوده سهامه راحت علومي اللي جيت فيها شرايد يشبه بـ عينه اللي طَرْفها فيه شامه عين ظبيٍ على جول اعفر الريم قايد اتلقّاه كنّه راجعٍ بالسلامه ونتوادع تقول ان راح ماهوب عايد

@FaresAyedh الله الله عليك يابو شيخه

يا بنت

اللي جعل سب الصحابة شِعاره ويطعن بعرض المصطفى خير الآنام أقرب عليه الشرك من باب جاره ويا ما أبعده بعداه عن دين الإسلام مْن الخساسة جاحرٍ وسط داره ويعدّ ماسوّاه نصر وهو أوهام " ياشيخ ما تامر عليهم بغارة؟ " تشفِ الصدور اللي تواقد من العام نغسل بها كبدٍ كلتها المرارة ونمسح بها دمع الأرامل والأيتام اللي يثوّر في وطنّا شرارة والله لنجعلها على راسة حْطام نارٍ ماهي والله بنار الزقارة من اليمن ياصل سناها ليا الشام حنا على هذي نسوق البشارة نقلط على الطالة مقاليط حكّام الروس ماهي مخطيتها النعارة مبايعين الموت لا سام سوّام والحرب لامنه تطاير غباره لا خير باللي لازهمناه ما قام ماهو بعارف ليلته من نهاره من صفّنا اللي ما إنقسم عدّة أقسام ويحرم عليه إنه يردّ إعتباره يهجد ، وناطى عِمّته وطي الأقدام #الكويت

حجّة العاقل ما تلقى على الجاهل دخول لو تقول الارض كورة يقول مربّعة من يعدّ الحق يلقى على اسئلته حلول ومن يكابر سكّر عيونه براس اصبعة ابتسم ياشيخ عثمان والشدة تزول الجبل وان شدّت الريح ثابت موقعه لا يضايقْك التشنّج من خفاف العقول حيلة اللي ما يبي منك حجّة مقنعة حكمة الله يوم خلّى لك فخلقه قبول إلاّ .. في قلب المنافق وقلب الأمّعة أهل الارض تلدّ بانظارها لك عرض طول واثقة باللي تشوفه .. وباللي تسمعه معك ميراث النبوّة .. ومنهاج القَبول من تمسّك فيهم افضى من الضيق فسعه غير قول الله وقول النبي، ما جبت قول وكلّ قول الله وقول النبي، حنّا معه من يعرِّض بالصحابة ويطعن بالرسول ماهو بـ مسلم بنصّ المذاهب الاربعة

ياخو صباح ان صار فالوضع ارتياب حتى الوغد دون البلاد نجنّده بالبدله الجيشيّه و بيض الثياب كلٍ يفاديها بما تملك يده ترثة جدود و واجب و بيعة رقاب للحاكم العادل و شعبه و بلده وقت الله الله يرجع الشايب شباب و يسابق خيولٍ ماهيب مبنّده حتى نرد الدار زاهية الخضاب و نرد راس الطامع لحضن ولده #الكويت

اليا جفل من يعتزي في خواته من الوغى جينا جموعٍ كراديس للموت كلٍ زاهدٍ في حياته نواجهه رجلي وركبي وفرّيس

لعنبو ذا الجاره اللي عوايدها تبور تدّعي الإسلام والدين منها مبتلا دارنا ماهيب طمعة ملطمة الصدور الخلا يا شرذمة كوكب الأرض الخلا دونها مانحسب حساب عاقبة الأمور لين يآمن في مثانيّها ريم الفلا علّم اللي يرسلون البلا مامن عبور عندنا له كان جانا مقابيس البلا مايحلّق في سمانا سوى سرب الصقور والغراب غراب حتيش لو كان إعتلى كل من جاها حفر قبره بمر العصور قدم حشد من الصحافة وحشد من الملا وكان جانا الموت قلنا له بصوتٍ جهور مرحبا يا موت من دونها وأهلًا هلا. #الكويت

اليا وقفت افزّز كبار العزووووم عشان هقوات النشاما لاتطيح محمد علي

يا صاحبي مالك على الدنيا ضمان الناس هذي كل يوم لْها وجيه قلب الحسود اللي معنّيه الزمان طبنا معه، عيّا يفيد الطيب فيه ودّه نقول انّه حصان ابن حصان وهْو ما يعجبْه النزيه ابن النزيه ان جا بيمدح كن ما عنده لسان و ان جا يذمّ لسانه اطول من يديه

@FaresAyedh يا سلام يابو شيخه يا سلام

خرز مسباح

@7_otbi صح بدنك يابو عايض 💛

@moalenezii ياسلام وصح الله السانك يبو علي ما اروعك♥️

الليل هذا نسانيسه عذاب و نسمته بيَن ما كنّه الا تناهيدي بعد فارقت يدها غيداً على عودها الممشوق تحلوّ الفساتين تقول بين البنات الحور مخلوقه وحدها صديت عنها و انا مالي دروب ولا عناوين و راحت عسى الله لا يجعل صدرها مدهل نكدها ماني بخايف على قلبي من حداد السكاكين خايف عليها لا قام الريح يلعب في جعدها و اصير يا قربي من البال يا بعدي من العين هذي هي الموته اللي ما تجيها في وعدها حقي عليها ما تذكرني ولو تذكرني بزين و انا علي ارقب نجوم السما و احفظ عددها حبيبتي لا تخلين البحر ياكل من الطين و اخلي الهم ياكل روحي اللي في جسدها ما عاضني في سواد عيونك عيون المزايين يالحاجه اللي ثمنها خابره قبل افتقدها انا عزاي انك بتسلين و انك بتتناسين مع اني ادري عيونك ماني بسالي بعدها وشلون بنسى الوصال العذب و المنطوق و الزين و انتي سحابتْك فوقي برقها يسبق رعدها

@theotaiby تقوله من تواضعك يابو محمد💛💛

@moalenezii أستذه يابو علي