مساء الورد

@Exeer01 @Askmuhami ترا حتى الانفصال والطلاق حق مكفول شرعاً للمراءه ،، عجبا لبعض البشر

@Askmuhami (منفصلين تماما لزواجه بأخرى) الحمدلله الذي عافانا يعني تخرب بيتها و تضيع نفسها و زوجها عشان تزوج على سنة الله و رسوله و هذا حق مكفول شرعاً،، اتعضوا يا زوجات و تمسكوا بأزواجكن في البداية ثورة و شيطان و في النهاية عض اصابع الندم.

من الخاص📩 السلام عليكم انا طلقني زوجي بعد مرور ٤٠ سنه على زواجنا منها ١٥ سنه منفصلين تماما لزواجه ب أخرى وانا الان في فترة العده هل بعد مرور فترة العده من حقي شرعا البقاء في بيتي إذا وجد أولاد اعمارهم فوق ٢٠ وهل يوجد اي حقوق أطالب فيها نص عليها القانون في حال انه الطلاق كان بدون مبرر شرعي او ذكرٌ اسباب

@yassalais رب العالمين ما يحاسب الطفل الا بعد البلوغ نجي احنا نحاسبهم ونرسبهم لامور دنيا .. الرسوب فيه كسر نفسيه وكسر شخصيه

بعد سنوات طويلة في التعليم، اكتشفت أن بعض المعلمين لم يسجلوا حالة رسوب واحدة طوال مسيرتهم. كم سنة خبرتك؟ وكم حالة رسوب سجلتها؟ اكتب الرقمين فقط. سنوات الخبرة: ___ حالات الرسوب: ___ نريد صورة حقيقية من الميدان لا من التقارير.

@Ask__Education معلمين ومعلمات الرياضيات الى اين .. مايعرفون يتكلمون مايعرفون يرفضون !!

🇸🇦 مـﻧـــ الخاصــ 📩 انا ادرس ثاني وثالث ابتدائي رياضيات ومدموجيين في فصل واحد من قبل المشرفه لهم ست حصص اسبوعياً مقسمه بينهم (اشرح لصف والصف الثاني اسكتهم واشغلهم باوراق عمل ) ومجموع حصصي ٢٤ مع الدمج لو بدون دمج وصلت ٣٠ هل يحق لي اطالب بالدفع للحصص الزياده ؟ وكيف .

@abusulayman 1- الشارع ملك للدولة ٢- منظر سيء ٣- فيه وضع يد على الموقف ٤- تركيبات غير مهنيه وتسبب اضرار عند الرياح

ممكن افهم ليش ممنوع وضع مظلات السيارة امام البيت في بلد شمسه حارة و حارقة؟ صممت بطريقة غير مزعجة و فقط للاستخدام وقت وقوف السيارة و الغرامة كبيره جدا لعدم إزالتها..... ممكن اعرف كيف اتفاهم مع الأمانة؟ الشخص الذي وضعها لم يكن لديه اي معلومات و حاولت افهم من الموقع و كان تحت التحديث. @Amanatalriyadh

@Drhajjadomar اولا: موقفك نبيل وراقي ثانيا : معظم التقارير غير دقيقة وتعبئة ورق

زرت مدرسة في أطراف منطقة الباحة عندما كنت مديرا عاما للتعليم ، تعودت واخواني المشرفين التربويين عند زيارة مدرسة ما أن نحضر الاصطفاف الصباحي وقد وجدت الطلبة وعامل المدرسة وسيارة النقل مع السائق متواجدين . دون سواهم . بدأت ساعة الاصطفاف ولم يأت أحد من المعلمين ولا المدير اقمت الاصطفاف ووجهت الطلبة إلى فصولهم الثلاثة ، اشغلت أحد الفصول بالقراءة وحولت الصف الآخر لممارسة الرياضة والصف الثالث بدأت ألقى فيه درس رياضيات ، مرت الحصة الأولى ولم يأتي أحد من المعلمين ولا المدير بدأت الحصة الثانية ، بدلت الحصص في الفصول وكنت في أحدها ألقي درسا بعد مضي 1\4 ساعة من الحصة الثانية جاء المعلمون والمدير في سيارة واحدة تفاجأوا بوجودي ودخلوا المدرسة على استحياء . كان أكثرهم تردداً من كنت في فصله ألقي درساً ، أكملنا الدرس الثاني ثم اجتمعت بهم ألقيت فيهم كلمة قلت لن أسألكم عن أسباب تأخركم فأنا متأكد أن لكم عذرا إنما أرجوكم رجاءاً خاصا لا تبلغون أحدا في المنطقة أنني زرت هذه المدرسة ولم اتخذ في حقكم نظير تأخركم إجراءاً وكأن هذه الزيارة لم تتم ، حينها ودعتهم وأكدت عليهم في تلبية طلبي ووعدتهم بزيارة أخرى في وقت لاحق ، لم يكن بوسعي أن اتخذ أي قرار سلبي ضدهم لعدة أسباب أولا لبعد المدرسة وصعوبة ايجاد بدلاء ثانيا إذا حُسِم عليهم فسوف يعاندون أكثر وأكثر والمعلمين بالذات ما لم يكن عندهم وازع ديني فلن تستطيع الرقابة أن تتابعهم . بعد حين وإذ بتقارير المدرسة تؤكد أنها أصبحت من أفضل المدارس إنضباطا وحرصا . لذلك أود أن انبه أن التعامل مع المعلمين يختلف عن الموظفين الآخرين في مؤسسات أخرى هذا موقف اتخذته أشعر أنني ولله الحمد حققت الهدف منه دون إلحاق ضرر بالآخرين او بالمؤسسة التعليمية ( هل ترون اجتهادي كان مصيبا ، ان كان كذلك فقد أوردته للفائدة ) وفق الله الجميع .#هجاد

@AskMOE1 بعض المديرات اشك انهم متعلمين وماخذين بكالوريوس 🤕 اطلبي منها ترفع استئذان لك يومي واطلعي ،، ولو رفضت قولي ترا ماراح اسكت عن المهزله ،،، وترا مسموح لها ترفع استئذان لاعدد لها ولو يومي

🟤 سؤال من الخاص:📩 السلام عليكم ابسال هل هالشيء نظامي انا معلمة في قرية والمديره تسمح لمعلمات القريه بالخروج مع الطالبات ، والرجوع وقت الانصراف يسون انصراف واهم بالسياره ، اما المعلمات البعيدات ترفض انهم يستأذنون وتقول لو تطلعون قبل وقت الانصراف اسوي لكم مساءلة ، حماية لنفسي عند الموارد البشرية نجلس الساعه والساعتين والثلاثه بين جدران المدرسه لحد مايجي وقت الانصراف ( بإكمال 7 ساعات ) ثم ننصرف ومعلمات القريه ينعمون في بيوتهم ويرجعون بعد 7 ساعات او اكثر يسون انصراف من الخارج هل هذا التصرف نظامي؟ ومن مرت عليه نفس الحالة؟ #وزارة_التعليم #منسوبي_التعليم #المعلمين

@C7Connoisseur @ask_tourist يقولك الميزانيه ٥٠ الف

@ask_tourist النرويج 🇳🇴✅✅✅

🔴 مـﻧـــ الخاصــــ ✈️ نبي دول حلوه وبارده في شهر 8 غير الدول المعروفه مثل تركيا وجورجيا وأذربيجان كلها رحت لها ميزانية 50 الف 6 اشخاص

@ALNEMERK صعب الواحد يدق على الاسعاف من نغزات بسيطة

تحذير: أحد المرضى شعر بألم في الصدر ليلاً… فقال لنفسه: أنتظر خمس دقائق… إذا راح فليس من القلب، وإذا استمر أتصل بالإسعاف!! بعد دقيقتين اختفى الألم… فاطمأن ونام. الساعة ٣ فجراً هَجَدَهُ الألم بشكل أعنف وأشد… فاتصل بالإسعاف وكانت جلطة قلبية حقيقية...الحمد لله تم إسعافه وعلاجه وهو الآن بخير. الشاهد: جلطات القلب قد تخدعك… قد يأتي الألم دقائق ثم يختفي، ثم يعود بصورة أخطر. واختفاء الألم لا يعني دائماً زوال الخطر.

@4bussa حاول تأجر نص العقار

أنا شخص مديون عندي عقاري وشخصي وعندي ديون خارجية 50 الف ريال وراتبي 5400 كله مايصفي شي منه كل سداد ومايغطي السداد ولا حوائج المنزل ولا عيالي ابي حل مناسب للي عنده خبرة يفيدني الله يرحم والديكم والله اني بضيقة قوية مايعلم فيها إلا ربي

@m_albeladi تبادل مصالح

برأيك .. لماذا ينجح بعض (غير الأكفاء) في الوصول للمناصب الإدارية العليا ؟

@Ask_Alriyadh1 ١-فيه فتحة بالشارع مرتبطة بالصرف الصحي دوريها والطسيها راقبي الصراصير وين تروح ٢- سدادات الابواب والكراج ٤- رش مبيد الجره او دلتا كل اسبوعين والله يعينك ويعيني

💢 مـﻧـــ الخاصــــــ 📩 سكننا بيت في الياسمين لنا خمس شهور والامور طيبة لكن هذا الشهر طلعت لنا صرارصير كبيرة بكمية مهولة ، داخل البيت اشتغلنا عليه ونظيف اما المشكلة من الشارع تدخل بالحوش اخر شي دخل علينا عقرب وعندي اطفال رفعت للبلدية ما قصروا اذا رفعت بلاغ يرشوا الشارع بس مايفيد ابغى حلول خاصة للعقارب هل بالعادة منتشرة عندكم بالحي ؟

@Askmuhami اعط الورثه حقهم من المبلغ امها وابوها وابناءها واللي يسقط نصيبك فقط

من الخاص📩 السلام عليكم زوجتي توفت الله يرحمها وكانت مسلفتني مبلغ 7500 ريال على اساس برجعها لها ولكن توفت وش الاجراءات مابي دين يبقى بذمتي لها انا سويت لها اعمال خيره ولكن الدين يجب يقضي كيف طريقه .

@4bussa مايجتمع بخاري مع فخامة ،، معروفين محبين البخاري >> ناس بلدي الاقتراح ١-تنزل السعر ٢-تدخل بالمنيو ربع دجاجه مع ايدامات ( عرض) ٣-تضيف اصناف جديده مثل مشاوي او فروج دجاج مشوي مع فرايز مكسب المطعم يكون بالمقبلات والمشروبات اكثر من الصنف الرئيسي

عندي مطعم بخاري كنت ابيع ١٢٠ حبة يوميًا الان يادوب ابيع ٢٠ حبة يوميًا السبب ، مشاكل بالتشغيل فريق ضعيف ، و جودة غير ثابته و عدم وجود جلسات ارضية فقط طاولات الان المطعم يعاني وبخساير كبيرة و لو استمريت كذا شهر واقفل بديون فوق المليون ريال سعري يعتبر غالي بالمنطقه الحبة ب ٤٤ ريال بحكم انه المطعم عصري و تغليف جميل و تكلفة الحبة عندي عاليه مقارنة بالمطاعم الشعبيه اللي تبيع دجاج قريب من تاريخ الانتهاء الان ضبطت الجودة والتشغيل وقررت انزل سعري واخلي النصف ب ٣٧.٥ ريال فقط واجيب معلنين هل تشوفون الطريقه هذي ممكن ترجع تخلي المطعم يبيع وينجح؟ ولو اي احد عنده نصائح او يعرف شركة دجاج مبرد ممكن تبيعني بسعر ممتاز يعلمنا بالتعليقات الله يجزاكم خير لاهنت محتاج نصائح

@Ask__Education هل تخصصك رياضيات ؟

🇸🇦 مـﻧـــ الخاصــ 📩

@AskMOE1 المديرة تقتات على الوشايات وهذي نقاصه مخ حتى لو مافيه انضباط حتى لو فيه تاخير اهم شي تعاملك وعملك مع الطلاب مضبوط

🟤 سؤال من الخاص:📩 مديرتي سوت قروب خاص بكل المعلمات واستبعدتني منه، وكتبت لهم رسالة شكر وتقدير وذكرت أنهم بيأخذون تقييم كامل ولما رحت أتكلم معها بهدوء، رفعت صوتها علي وتكلمت عن المناوبة وبعض التقارير، وقالت إني عبء وما أستحق الشكر، مع أني ملتزمة بحصصي ومهامي وملف الشواهد عندي كامل وهذي ثاني مرة يصير فيها نفس الموقف، قبلها كرمت المعلمات في الطابور وأعطتهم شهادات شكر واستبعدتني وش التصرف الصحيح في مثل هالحالة؟ وهل أرفع تظلم أو أطلب توثيق رسمي للتقييم قبل نهاية السنة؟ #وزارة_التعليم #المعلمات #الأداء_الوظيفي

@lllvlvl @iDxsr ههههههه خف علينا يالملقا،،

@iDxsr حاط العارض والنرجس في مقارنة مع القيروان هههههههههههههههههههههههههه ضحك

- اقذر الاحياء واسوء شوارع هي شوارع العارض والنرجس والقيروان لارقيب ولا حسيب - وانظف احياء وشوارع منظمه ولا فيه حفر تطيح فيها سيارتك هي احياء الشرق هذه المقارنه بعد السكن والتجربه

@Ask__Education احنا بوسط الرياض ونشتري السماعات والوصلات والاقلام وتصوير الاوراق والهدايا ،،، هي جت على بروجكتر

🇸🇦 مـﻧـــ الخاصــ 📩 سؤال لمعلمي اللغة الانجليزية، انا في مدرسة في قرية نائية و لا يوجد فيها بروجكتر ولا مصادر تعلم، كيف يتعاملون مع دروس الاستماع والقراءة والصوتيات؟ .

@MSiQ78 التعليقات مضحكة .. كلن يفسر على كيفه

وش الشيء اللي إذا سواه شخص قدامك تعرف ان طفولته كانت سيئة؟

@al3z_mutairi ٢٤ حصه وابتدائي ومناهج متعدده وطفوله مبكره .. وما ادري من اللي قالهم ممنوع ياخذون اسريه او فنيه تخفف الضغط عنهم ..

أكبر إجرام في حق معلمـ/ـة #الرياضيات أن يأخذ ٢٤ حصة وبأكثر من منهج! لا أحد يشعر بمدى الجهد الذي يبذله بحسب المادة وجهدها يُوضع الحد الأعلى للنصاب. أليس فيكم "عقل" رشيد؟

@m9fpa من الحصة السادسة عيونهم ترجف من التعب والجوع والملل

سؤال للزملاء ( معلمين - معلمات ) : من وجهة نظركم كمعلمين، ما عدد الحصص الدراسية اليومية التي يحافظ خلالها الطالب على أعلى مستوى من التركيز والاستيعاب؟🤔