S🇦🇷

السلام عليكم ورحمة الله وبركاته، أولًا أسأل الله ان يوفقه ويسهل اموره ويشفيه وأن يفرج همه ويكتب له الصحة محد يتمنى اللي صار له. بس فيه نقاط لازم أوضحها لأن فيه كلام كثير غير صحيح. موضوع عدم التجديد فالقرار ما كان موجود قبلها بشهر ولا أسبوعين ولا أي مدة مثل ما يقال. الرجال اشترى شقته بتاريخ 12 يناير، يعني قبل نهاية عقده بثلاثة أشهر تقريبًا، وأقسم بالله العظيم وقتها ما كان فيه أي قرار أو حتى نية بعدم التجديد، وكان بنفسه يقول اكثر من مره باجتماع او بجلسة الشباب إن الشقة استثمار سوًا استمر فالكونز او لا ويوجد ما يثبت ذلك قرار عدم التجديد تم في الاجتماع الإداري الخاص بعقده بتاريخ 28 فبراير، مثل أي صانع محتوى آخر تتم مناقشة وضعه عند قرب نهاية العقد. وبعد النقاش اتفقنا أن الاستمرار ما راح يكون مناسب للطرفين خصوصًا أن الشخص بنفسه كان مقتنع من فترة طويلة أن فالكونز ما يقدم له فائدة حقيقية وأنه أفضل سولو. خلال آخر تقريبًا 6 شهور له في فالكونز كان يكرر بشكل مستمر أن فالكونز ما يضيف له شيء في صناعة المحتوى وأنه يشوف نفسه بيكون أفضل وأربح لو اشتغل لحاله وكان يقول أكثر من مرة إنه لو رجع القصيم واشتغل بشكل مستقل بيطلع فلوس أكثر وهذا الكلام مو جديد ولا مخفي وحتى ذكره أكثر من مرة في مقطعه الأخير ان فالكونز ما يقدم له شي. غير كذا كان فيه رفض متكرر لتصوير كثير من المقاطع الحركية بحجة أنها ما تناسبه رغم أنها كانت جزء من توجه فالكونز الجديد وخطة العمل في ذاك الوقت. ومع كل هذا الكلام والتشكيك المستمر في استراتيجية العمل الجديدة تم ملاحظة ان الطاقة السلبية هذه بدأت بالانتشار بين صناع المحتوى الاخرين وبدأت تصنع تحزبات داخل الفريق وهذا ما يضر الفريق وتوجه كفريق واحد متكاتف يخدم توجه الفريق ونشر السلبية داخل بيئة العمل رغم ذلك ما كان فيه أي توجه لإخراجه أو الاستغناء عنه في حينها لكن مع الوقت تراكمت أمور كثيرة منها التقليل من الإدارة بالكلام والأسلوب بالإضافة إلى عدم ثقته بالمنظومة بشكل مستمر وهنا وصلنا لمرحلة لازم يتخذ فيها قرار. بعد اتخاذ القرار بتاريخ (٢٨ فبراير)انتظرنا حضوره للرياض (٢ مارش) واجتمعنا معه بشكل مباشر وأبلغناه بالقرار لذلك الكلام عن أن ناس كانوا يعرفون قبلها بفترة طويلة اقسم بالله غير صحيح تمامًا. وبعد الاجتماع تم إعطاؤه خيار إكمال جميع التزامات الرعاة واستلام كامل مستحقاتها تقديرًا للفترة اللي قضاها معنا. ورغم كل الكلام اللي طلع والإساءة والتشكيك في الإدارة كنت أنا شخصيًا أكثر شخص يتواصل معه لضمان استلامه جميع مستحقاته المالية كاملة وبعد ذلك انقطع التواصل مع الرجال. وفي النهاية هو بنفسه كان مقتنع أن سبب خروجه هو وصول الكلام اللي كان يقوله عن الإدارة وعن بعض صناع المحتوى من خلف الإدارة، وهذا بحد ذاته يوضح أنه كان يعرف أن فيه أمور وتصرفات كانت خاطئة. بالنهاية فالكونز يضم فوق ١٠٠ موظف وصانع محتوى سعودي فتحوا بيوت وأسسوا نفسهم بفضل الله ثم عملهم والمنظمة ، وان اتخاذ القرار كان في مصلحة الفريق فوق اي فرد من الافراد وأكرر مرة أخرى أسأل الله له الشفاء والعافية والتوفيق في حياته.

هلا والله حبيبنا ، بخصوص جمهور باور لهم النصيب ولهم دور كبير معنا اللهم لك الحمد وماراح اذكر ايش نسوي لان الجمهور يعرف 🙏🏻 حالياً يعمل معنا شباب وبنات في مختلف الأقسام وقبل يتوظفون بالفريق هم محبين لباور ، حالياً يتدرب اكثر من 10 اشخاص شباب وبنات يستفيدون من وقتهم معنا ويتطورون وهم محبين للفريق اللهم لك الحمد ، لا تعمم الكلام بتجربتك لان التجارب مختلفه وموفق خير يارب