مسلط الفهد

بالله تخيلو من سنوات لم يغب الهلال عن البطولات ولا الانجازات ف اسيا اكثر من حقق البطوله واكثر من وصل النهائي ف المونديال اكثر من شارك وافضل فريق حقق مُشاركه مشرّفه بينما غيرك يهبط ويغيب عن البطولات وتهل الديون عليه وتجيه قضايا عند الفيفا وبيوم و ليله تتفاجئ انك متساوي معهم! سالفه ان الصندوق دعم الهلال كذبه خلقوها ، بل الصندوق أنقذهم وجعلهم ينافسون الهلال رغم فشلهم ونجاح الهلال الان تم إنصاف الهلال بفضل الله ثم ابو خالد الهلال بـ أيدي أمينه ،، وداعًا لـ اعذار فشلهم ☝🏻💙

الهلال ارسل اليوم الخطاب والله يسهل يارب يوفق هلالنا 💙

انزاغي ينقصه الكثير ليكمل خطته بشكل كامل لو تلاحظون جهه وحده فقط الي بالتحولات يلعب عليها اما الجهه الاخرى تمريره طويلة من مالكوم ويحول المسار كل هذا عشان ايش ؟ ماتملك ظهير ايمن يساعدك بالخطة دومفريس ودي ماركو بالانتر كانو هم الاساس لهذي الخطة مثل هذي الخطة تحتاج ظهير جريء هداف وحل فردي هجومياً بتملك ٦ حلول على الاقل وخيارات تهديفية اعلى اتمنى نلقى حل لهذي الخانة ونشوف تطور خارق

انا مثلكم مب راضي عن المستوى للان لكن اللي يشوف تعامل انزاغي بمباراة الاهلي والاتحاد بيعرف ان انزاغي تعلم الدرس ولا سلّم المباراة نفس ماصار ضد الاهلي ولولا التصرفات الكارثية من كم لاعب كان انتهت ب٤ ولا ٥ بأخر ٢٠ دقيقة بس نقول ان شاء الله انها بداية التحسن للفريق وبقناعاته

أعلى 3⃣ لاعبين تقييمًا وفقًا لـ "أوبتا" في الجولة الخامسة 👇 من منهم #نجم_الجولة؟ 🌟 #دوري_روشن_السعودي

الهلال يُضيّق عليه الخناق لأنه نجح بالتعاقد مع نيفيز و سافيتش ويدعم فكرة الاستقرار والاحترافية، وكل اللي يبيه يكمّل هالنجاح ويجدد معهم لا أكثر. وغيره من الفشلة يصرف ويتعاقد ، وبكل موسم ينزلك بطقم محترفين جدد، وما يعرفون كلمة لا شيء غريب!!

يا هلالي بالله ما اشتقت لـ تايم الفجريات مع المونديال والنقاشات وفرحة الفوز والانتصارات ؟ أفتقد هذا الشي للامانة وأشتقت جداً 💙😔

بـتكلم بكل صراحة وبدون اي مجاملة .. - اولًا - قبل الدخول في صلب الموضوع؛ اكبر مشكلة بـالنسبة لي في السيد انزاغي هي المُبالغة بالتراجع بعد كل تقدم للهلال وكأننا في مباراة نهائي او ضد خصم صعب، شاهدنا هذه الحالة في اغلب او كل مباريات الفريق.. اليوم الهلال كان قادر يحسم المباراة وجتنا فرص كثير لكن حب التراجع أثر فينا كثير اليوم ومباراة الاهلي وغيرها الكثير.. - ثانيًا - لاحظت ان انزاغي متردد كثير في رسم التشكيلة ولازال حتى هذه اللحظة يجرب اكثر من رسم اليوم غير الطريقة ممكن 3 مرات في المباراة، ولازال يجرب ولم يثبت على شي .. اليوم كان قادر يحسمها بالهدف الرابع لكن قرر دخول لاجامي و اعاد الرسم مجددًا لازالت هناك اخطاء ولازالت هناك هفوات وتحتاج للتعديل والان فترة التوقف فرصة ذهبية لسيميوني لتعديل الاوضاع ولاتوجد اعذار بعدها.. - ثالثًا والاهم - الانتقاد حق مشروع ولكن انتقاد بنّاء له معنى وبهدف مصلحة للفريق وليس تهجم و اجحاف ومبالغة؛ لو كان مدرب مجهول ربما ولكن مدرب مثل انزاغي تعطيه كل الفرص وتثق فيه وتجدد ثقتك فيه الى اخر لحظة .. الاكيد ان انتقاد الهلاليين يصل ولابد يعرف انزاغي ان هناك بعض القناعات او الافكار تحتاج لتغيير حتى تتناسب مع الفريق؛ بحول الله تتعدل الامور بعد فترة التوقف

هدووووووووووووووووووووووء!!! هي رسالة لبعض الجماهير وهم يعرفون انفسهم مجرد فوز فريق آخر (لايعني الإسقاط على فريقك) البعض يشعرك وكأن الدوري حُسم أو أننا خسرنا المنافسة؛ لازلنا في الجولة الرابعه استوعبوا .. الهلال مع مدرب جديد في مرحلة انتقالية وخطوة بخطوة سيصل لذروته مع سيموني إنزاغي لقمة عطاءه، الاستعجال على النتائج امر سلبي وعكسي لازلنا نتقدم وهدفنا القمة هناك من يستفزك بـأرائه ويعشق المقارنات حتى يظهر فريقه بمنظر خاطئ وش الهدف ؟ لازلنا في البداية الهلال يحتاج لـوقفه جماهيره ابعدوا التذمر والإحباط عنكم ..

شهر كامل لازم نستغله الهلال يحتاج للفوز المتتالي في هذه الفترة اكثر من اي وقت و ماتقدر تعيش اي تعثر ثاني خلال هالفترة و حتى لو كان المستوى دون المأمول لازم الفوز يجي، و مثل هالمباريات تكسبك الثقة وتزرع الجو الايجابي و بينطلق من غرفة ملابسك وينعكس على جمهورك يارب وفق الهلال 💙

صدعت رسمي 🙂

عندنا فئه من الجمهور يعشق الانتقاد من لاشيء لدرجه انه صار يطالب بخروج سافيتش ومايبغاه يجدد صحيح سيئ بالامس بس انك تطالب بخروجه انت دلخ رسمي

تم تسجيل ماركوس 💙

لعل ما حدث امس يكون درس قوي جدًا للمدرب وللاعبين لعل الضربة اللي جتك امس تقويك ولعلها خيرة لانها جتك في البدايات ومن ناديين بالمنافسة ممكن تفوز وماتعدل اخطاءك وتكابر وتتفاقم المشكلة، انزاغي لازم يكون جريء ويطبق افكاره واذا بنتكلم نقطيًا ؟ الموضوع باقي ما هو كارثي بس بيكون كارثي لو استمريت وما عالجت مشاكلك لا زلت اقول الفريق يحتاج لوقت مع انزاغي وباذن الله يكون احساسي وثقتي في محلها وما اشوف موسم كارثي و الادارة؟ كانت تشوف دكتها تضعف اكثر واكثر وماتدعمها بالاحتياجات المطلوبة و الادارة لازم تعرف ان القرارات اللي تصدر من مجالس خاصة انتهى وقتها ولازم يكون فيه عمل لادارة رياضية بالكامل

دام اعلنها افضل مصدر فيك يااكس اجل نقول مبروك يازعماء 💙🙏🏻 @llil431 #الهلال

والله إني أحترم وأقدر اللاعب اللي يحاول ويلعب بروح ويعطيك كل اللي عنده مهما كانت إمكانياته .. مثل حمد اليامي .. منذ قدوم إنزاغي وهو يقدم مستويات كبيره وكل مباراه قاعد يطور اكثر من أول .. والله وتالله ان حمد اليامي يستحق المدح والثناء ويستحق إنصافكم يا هلاليييين 👏🏻💙💙💙💙

صحيح المستوى مهو عاجبنا لكن انك تخسر الشوط الاول ضد القادسية وترجع الشوط الثاني ولو استغلو الفرص اللعيبة وكنو ماعكك فالملعب فاز وضد الدحيل تخسر الشوط الاول وترجع تفوز الشوط الثاني هذا يدل انك تملك مدرب، شوي شوي والمستوى المطلوب بيجي بيوم من الأيام باذن الله .. انا ماني مستعجل هادىء جدًا💙

عندما تم إيقاف الهلال عن التعاقدات .. كانت العودة بإعلان صفقة نيفيز .. بدأت أعتقد أن نيفيز لم يكن يستحق أبدًا أن يأتي بوقتٍ مزدحم بالقادمين .. ولا يحضر بظروفٍ اعتيادية .. كان يستحق أن يأتي مولدًا بعد غياب .. فجرًا بعد ليلٍ طويل .. فرحةً بعد فترةٍ من الحزن .. لقد كانت العقوبة تهميدًا لحضوره .. تقديرًا لقيمته ، صيامًا قبل أن تجد على مائدتك قبل أن تسقط من العطش .. نهرًا يتدفق عذوبة لا يجعلك تشعر بالعطش أبدًا .. نيفيز لم يبدأ متدرجًا كالبقية .. بدأ من القمة ولم يتراجع ، تجده درعًا يدافع عنك وسيفًا تقاتل به وموسيقى تهبك السلام .. نيفيز لاعبًا وقائدًا ومُفكرًا وهلاليًا ورجلًا تراهن عليك ولا يخذلك

درع جديد في كتيبة #الهلال ✅🛡️