ابو محمد

My happy place 😁

أبغاك تفكر معي بعقلك بهدوء بعيدا عن العواطف.. مجال الطب لم يعد كالسابق .. قبل ١٥ سنة وأكثر كان فيه ندرة في عدد الأطباء السعوديين في كل تخصصات الطب البشري، وهذا جعل التنافس محدود والوظائف كانت سهلة.. إضافة أنه الراتب كان مجزي مقارنة بالجهد المبذول.. لسببين: لأنه ما كان في تضخم كبير مثل الحاصل اليوم، والثاني أنه الفرص البديلة كانت محدودة أو حتى معدومة.. حرفيا ماكان في تخصص أفضل من الطب وقتها.. حاليا مع التضخم الحاصل أصبح الطب "كمصدر دخل" ومقارنة بالجهد والسنوات المبذولة غير مغري وغير مجدي.. بالإضافة إلى وجود فرص بديلة في هذا الزمن أكثر جدوى بالمقارنة.. زمن السوشيال ميديا، زمن المنتجات الرقمية والتجارة الالكترونية، زمن الذكاء الاصطناعي، زمن الأتمتة .. طيب يادكتور عبدالله قد أكثرت علينا الكلام فأتنا بالحل؟ الحل موجود في خيارين.. الخيار الأول: أنك تبذل جهد أكثر وتدخل تخصصات قوية وتبني سمعتك وخبرتك ومهاراتك وشهاداتك .. هذا اللي حيجيب لك راتب أعلى من متوسط الأطباء.. الخيار الثاني: أنك تتعلم مصادر دخل ثانية ولا تعتمد على الوظيفة بشكل حصري.. نعم تقدر تتعلم بس تحتاج تشتغل على نفسك.. دراسة الطب لم تعد معقدة مثل السابق، عندك الذكاء الاصطناعي وعندك قنوات اليوتيوب، وعندك قنوات التيليجرام وعندك أدوات كثيرة جدا تختصر عليك وقت وجهد المذاكرة.. استغلها لصالحك وتعلم أساليب التعلم الصحيحة.. ذاكر بذكاء في وقت أقل وبجهد أقل وحتلاقي وقت لتعلم مصادر الدخل الثانية. كثير من الأطباء حققو مصادر دخل ثانية من العقار والأسهم والتجارة وبدون تقصير في تخصصهم الطبي.. وانت ماينقصك شيء وتقدر تصير مثلهم

قررت تقلد داود وتقدح على المسؤولين بس جاك اتصال من رقم ثابت

دكتور أسنان ما شاء الله عليه فاتح بث ويجاوب على مشاكل الناس استغربت من كمية الناس اللي تشتكي من مشاكل عن الأسنان من المسؤول عن صحة أسنان الشعب السعودي وين الحملات الدعائية والمستشفيات المهيئة لطب الأسنان ؟ كيف المواطن ينتظر فترة طويلة عشان يحصل موعد؟ يا @SaudiMOH @spokesman_moh

يابشر اسمعوا سعود الصرامي وش يقول لجيسوس 🐐🐐🐐🐐🐐🐐🐐🐐🐐🐐

انت قبل ٧ سنوات يوم حطيت الطب اول رغبه لانه امان وظيفي وراتب كويس وسحبت على الامن السيبراني

يا نـجـد جعـل مـروِّح الغيـث يسقيـك 💛

18 الف فرصه تطوعيه مدفوعة الثمن للاجنبي مقابلها ٣ الاف وظيفه للمواطن بأجر مُخفض اسأل الله ينظر في أمر كل من يستقصد بتعطيل الكفاءات السعودية حسبي الله ونعم الوكيل #الصحة_القابضة #اجحاف_رواتب_التمريض

راتب هذا مناسب لنا كالتمريض كالبدايه بس كالطبيب صدق لا لانه ندري دراستهم صعبه ومسؤوليه عليهم مفروض يبدا راتب التمريض ١٧ الف والطب ٢٥ الف

والله كلام يخوف ياناس ويخلي الواحد يتوتر اكثر ويخاف على مستقبله لكن ما اعلمه يقيناً ان الله بيده كل شي ، وسيسخر لنا مايراه خيراً لنا ف لاتخافو ووكِّلو امركم لله ف هو وليكم وهو كافيكم 🤎 #الصحة_القابضة

رحت للموعد وحضرت قبل الوقت بـ 15 دقيقة، وما حصلت شخص سعودي الا الي مقدم معي بالصدفه. قعدنا ننتظر ساعة ونص، واللي يقهر إنك تشوف ناس من نفس جنسية اللي ماسكين الشركة يدخلون قدامنا وحنا قبلهم في الموعد، ويخلصونهم بـ 5 دقائق! ​يوم وصل دورنا بعد ساعه ونص من الانتظار ، قرر الأخ إنه يروح يصلي ورفض يدخلنا؛ طيب أنت متأخر عن صلاتك ساعتين، ما تذكرتها إلا يوم جاء دورنا؟ انتظرنا وقلنا الشكوى لله، وبعد ما خلص الصلاة، الصدمة إنه راح يسوي شاي وتأخر علينا زيادة. ​أول ما دخلت عليه، واجهت أسئلة تعجيزية ومالها أي علاقة بالمقابلة، وكأنه يقول "ما نبي نوظفك وفوق هذا يمسك الجوال ويرد على مكالمات ونغمة جواله مزعجه وأنا جالس قدامه . انتهت المقابله بعد 20 دقيقة بوضع غريب، وكأني مسوي جريمة ماني جاي أقدم على وظيفة!. ​والله لو استمر الوضع كذا، الشباب راح يتعبون كثير، ولا راح نتطور مهنياً أبداً وهذي العينات موجودة. اتوقع واضحه الجنسيه بدون لا أقولها @abdulrahman @AbAmri @HRSD_SA @S2_JOB2

اتمنى الهجوم على الصحة القابضة يكون أشرس واقوى ولا احد يرضى بالقليل ماينعطون وجه، المستشفيات الطرفية بالذات كلها اجانب وبعضهم الله اعلم من وين ماخذين شهاداتهم وماسكين ارقام وظيفية مو بس الاطباء، جميع الممارسين الصحيين دراستهم ودوامهم ضغط واللي يستلمونه مبلغ زهيد مقابل الجهد.

#عطالة_الطب_البشري_والتمريض تصوروا ان العطالة تفشَّت بين اكثر تخصص آمن جدًا قبل ١٠ سنوات ونسبة عطالة خريجيه ٠.٠٠٠٪؟ كيف تفرطون بالاطباء السعوديين يالصحة القابضة؟ وتعطون الاولوية لاجنبي عليهم! سخرية القدر: خريج طب وجراحة سعودي عاطل في وطنه..

مقارنة رواتب الاطباء عام 2011 vsبعام 2026 راتب الطبيب 2011:20000 |2026:16000 عام 2011ماكان فيه ضريبه 15%| 2026 ضريبه 15% تاخذ من راتبه تبي اصدمك: راتب 8500 عام 2011 يساوي 17000 عام 2026 راتب 20000 عام 2011 يساوي 42000 #الصحة_القابضة #القابضة

غريب الهجوم اللي حاصل على راتب الطبيب، والتعليقات اغلبها ماكلهم الحسد ! واللي يقول ماتستاهل هالراتب، والمفروض اقل! كأن الراتب من جيبه، او بينقص عليه شيء. علماً أن نقص راتب الطبيب ماراح يزيد في راتبك من شيء أيضاً. كذلك من يقارن راتب الطبيب بالمعلم والممرض، والعسكري وغيره، الله يزيدهم جميعاً ويرزقهم. مع ان موضوع التغريدة عن راتب الطبيب ولم يتم التطرق لأي مقارنه مع اي تخصص اخر. كل وظيفه لها سلمها الخاص في الرواتب، ونحن نتمنى ان باقي التخصصات يصير راتبها اكثر. والمفروض كلنا نزعل لو حصل نقص في راتب أي وظيفة، سواءً في القطاع الصحي او اي قطاع اخر. طبيب او ممرض، عسكري أو معلم او اي تخصص اخر. الحمدلله ان الرزق ليس بيد العباد، والحمدلله ان الحساد ماعندهم سلطة ولا بيدهم أي قرار، الله يعينهم على ما ابتلاهم

مُوجز ملف التوظيف في #شركة_الصحة_القابضة : - وظائف أقل (3150 وظيفة فقط) تشمل التمريض، الطبيب المقيم، الطبيب النائب و الاستشاري - زيادة في عدد ساعات العمل. - راتب التمريض كان 12109 ، اصبح 9450 - راتب الطبيب المقيم كان 18800، اصبح 15750 - لا يوجد توضيح او اسباب للي جالس يحصل خاصة في ظل وعود ان الرواتب لن تتغير. دُمتم بود

من كان يتخيل 🧵 دكتور سعودي ( استشاري ) كان مبتعث في امريكا على حساب الدوله رجع وحيدا في باله خدمة بلده ومواطنيه ثم يتفاجئ بان وزارة الصحة تقول له بكل برود: “شكراً.. لكن قررنا نستبدلك بأجنبي” 🙂 (فهد الجلاجل و ناصر الحقباني) متى تنظرون الى ابنائكم ؟؟ #الطب_البشري_عطاله

@Cropw2 اليوم قابلت طبي سوداني يعمل في القطاع الخاص وذكر لي ان القابضه " تجوب " أفريقيا تبحث عن العماله الرخيصه ‼️

سبب من اسباب اني تركت المجال الصحي بالبدايات وحولت طيران