نُ

عن نجد مادون الغلا ستر وحجاب والله لو إنها تحتضن لـ أحتضنها عاد الردي لامنه لامني يأكل تراب "حتى بعد لا يأكل تراب منها "

مابين حب الجواب وبين كره السؤال القلب لو تاه ، ماينزل عليه الوحي لا زلت قد الفراق وقد حلو الوصال لو المفارق مصيبة والوصال اريحي يازين والطق في موت المشاعر حلال إلى متى وأنت لا مقبل ولا منّتحي يا مقربك لو دعيتك بس كلمة تعال أثقل على خاطري من حاجة المستحي .

خلاص أعزم على الفرقى ولا لك في رقبتي دين ترى حنّا تعدّينا الخطوط الاستوائية تفاهمنا على حسم الأمور وكلّنا راضين وتوادعنا ما كن قلوبنا خضر و هواوية ومع هذا عجزت أسج وأنسى وأترك المقفين أغصب القلب لكن الغلا قدرة إلهية .

أحسب إني بشوفك عقب طول الغياب فـي نهـارً يـبـيـن بـها الـصديق الـقريب أثرك الـحاضر اللي فالمواجيب غـاب «غبت عني وأنا كنت احسبك ما تغيب » اكتشفت الحقيقة ما عليها ضباب ماتوقعت في مثلك ظنوني تخيب.

وإن دعاك الشُوق لا تخجل تعال أبرك الساعات وأغلى من يجي

ياحلو المعنّق والسوالف وحلو الصوت لو أن السوالف بالتغناج ذباااحه

متقلب الود .. لا تقبل معاذيره خله يذوق الجفا والويل والحرّة من يضمن تسامح ذنوبه وتقصيره يقدر يعيد الخطأ نفسه مية مرّة.

تقول لا قمنا .. كسرنا الطيبين و أنتو ليا قمتو كسرتوا خاطري

ولا نستغل الطيب من ناديٍ راح وحاجاتنا ما تجهد المستحيني

برقه على كبد السماء لا فلجها طلسم حكيمٍ كاتب قروه علاج سعد بن جدلان .

تشـيخي على جميع .. المزايين مافيه مثلك فوق سطح الخريطه لو يعرفون انك على الارض تمشين ما كان سمو هذي الارض البسيطه .

أنتي ربحي فالحياة وطيب فالي و انتصاري من عرفتك و الليالي عيد — وانا معيِّد .

يالله وأنا عبدك اللي طامعٍ في رضاك وأحيان أضيّع دروب الحق وأدلها لا جيتك بـ دعوةٍ فيها شعور إرتباك أفتح لها أبوابك اللي في السماء كلها .

ياغيّاث الظوامي والثمام وجرهدي البيد اعذني من جهنم والحشر والموت وكروبه أنا مانيب لامشرك ولافاسق ولاعربيد أنا اللي لاعصى وأخطأ تجهّم وأقلقه ثوبه أنا عبدك ولد عبدك وجدّاني هل التوحيد خطاياي أخجلتني يا الله الغفران والتوبه.

يالله الغفران بالعشر التوالي يا عظيمٍ نرتجي عفوه وخيره ظلّنا في يوم نحتاج الظلالي يوم ظلّك مالنا مزبان غيره .

يا عظيم الشان يا رب السماء سبحانك يا كريمٍ عند ظن العبد ما أخلف ظنّه اسألك توفيقك ومغفرتك ورضوانك أنت إلهي ما لغيرك فضلٍ ولا منّه واسألك وأرجيك وأنا طامعٍ بـ إحسانك الثنين اللي ربوني جعلهم في الجنه

يارب وأنت الواحد الوهاب اللي تجود الخلق من خيرك منك واليك الرزق والأسباب تحت امر توفيقك وتيسيرك أنصاك لا سدت علي أبواب وأنخاك لا ضاقت مقاديرك وإن باروا الأحباب والأصحاب يالله عليك ، ولا على غيرك

لا تلومه لو تشوف الصمت ذنبٍ من ذنوبه وش يقول اللي يشوف احساسه اكبر من كلامه واحدٍ مهما تضيق بعينه الأرض الرحوبه ما يبيّن في عيون الناس ضعفه وإنهزامه .

الشهر محدود الأيام .. والعمر امتحان لاتفوت فرصة العمر فـ الشهر الثمين .

عليك الشهر مبروك يا الأطرق المبروك لك لحالك أول قبل أبارك على الباقي أسابق عليك أمك و أنافس عليك أبوك و أزف التهاني لك بشعري من أعماقي يهل رمضان هلاله و غيرك المتروك ما ظنّي يضر صيامنا وصلنا الراقي إذا إن النسيم و نجد و البدر ما خلوك أخليك؟ كيف استحلفك! وأنت ترياقي

يا رب و الوقت يغريني و يسرقني والنفس في عفوك وفي رحمتك طَمْعه اقبل صلاتي ... و دعواتي و وفّقني واغفر ذنوبي من الجمعة الى الجمعة .