الـندِيـمْ | ٨٩

• رَبِّ اجْعَلنِي مُقِيمَ الصَّلاَةِ وَمِن ذٌريَِّتي . .🤲🏻 #ارح_مسمعك

يا وسيع الحلم ملّتنا الحياه و جينا تايهينٍ غير باب العفو ما دوّرنا لا جثينا عند بابك رافعين ايدينا مهطعينٍ كن جبال الارض فوق غترنا ردنا لرحاب رضوانك ليا زلّينا الدروب تجرّنا و نفوسنا تامرنا و أغننا من حاجةٍ مع واحدٍ لا جينا ما استحى من ثقل جيّتنا ولا قدّرنا . .

ياوسيع الحلم لاضاقت صدور الانام رحمتك هي راس مالي وعفوك مبتغاي دلني لاتاهت اخطاي في وسط الزحام واعفني من ضيقة الصدر لاتبحث خفاي السهر يستدرج العين في جنح الظلام والهموم تحاصر القلب وتزوّد عناي وديّ احيي بهجة الحلم واعطيه اهتمام بس انا ماشفت شيء يناسب مستواي . .

مهيب لحية رجم ولا مراقيب هذيك راحت مع سنين الرغامه محتاج لي سفر بدون اي ترتيب حتى لو اخذ من دوامي غرامه مانيب في حاجة سلام وتراحيب احتاج كلمة رافقتك السلامه . .

يرضيني إني عشت وافي ولا برت واعلنت بالهرج الصحيح انطباعي زاد النفاق الاجتماعي وانا صرت ماعاد احب اصير شخص اجتماعي . . #سعد_علوش

وشلون املّ المكابر فالامور الكبار والكبرياء جزء من نفسي وتكوينها عجزت لا اناظر الدنيا ب عين انكسار ادعس على غارب الايام واهينها مايعتذر بالظروف الاّ عديم القرار ومايبكي من الحياه الاّ مساكينهآ . .

وين انت قبل اللي مضى من سنينـي
يـا مسعـدٍ باقـي حـياتـي بـالأفـراح 

حتى فرحـك ارهب شقاي الدفيـنِي
ومنـك السعادة بدّدت هـاك الأشباح 

كـأس الـهنـا تو أقضبنّـه ايدينـي
وأروى ظمـأ وقـتـي هذاك اللذي راح 

واللـه مـا لك فـي حيـاتي وزيــنِي
برق الفرح قبـلك على العين مـا لاح

عفِيت عن كل شي ورحت في فالي لايعترض لـ الطواري عقب ذا المره ولايفرح ان مر في بالي ترى بالي مافيه ملعون خير مابعد . .مرّه . . #عبدالله_ال_لزيوح @87_a_

▶︎ •၊၊||၊|။||||။၊|။|||။||၊|။||||။၊|။|||။|| |၊|။||||။၊|။||

ياضافي السِتر انا مذنب وعمري وجيز وانت الغفُور الرحيم البر وانت الجليل عَبد جعلته بفضلك عِند قومه عزيز يشهد ملايكتك انه عند بابك ذليل . . #عبدالله_ال_لزيوح @87_a_

واعزتي يوم افكر فالمعاني واذكر الموت واذكر ظلام القبور ومسدحي فيها لحالي . في غرفة مظلمه مافيه لا مشرب ولا قوت ما همني " لا حلال ولا بنات ولا عيالي ". . #خليف_بن_دواس رحمه الله

عسى ما جاك مني يا زبون الاولات قصور لو ان ما جاك شي و صدتك ماهي تعذربني انا بادرت من باب الوفا و البيرق المنشور و قدرت الصداقه و آتفقد بيتها المبني نصيتك بأحترام الذات و آشوف الغلا مكسور وانا عاذرك لو ما تعتذر دامك مجنبني . .

مامرك ضعون للمحبين ياغريميل وتعدوك صوب الصلب واطراف ذا الوادي مامعنا لغيب الوقت علم ولا تأويل وصبرنا لو أن فراقهم ماهو بعادي ظروف الليالي القاسيه ماتبي تحليل بعد كدرت بـ اقدارها جونا الهادي . .

قامت الدنيا تمادى و تعطينا عروض يالله توفيقك و عفوك وسترك والنجاه ندري ان العمر محدود والدنيا حظوظ وثمرتها السيره المستقيمه و الصلااه وانت ياللي بارق الحزن في عينك ينوض العرب ما من وراهم لا فقر ولا غنااه خل في شخصيتك لو شي من الغموض لاتصير كتاب مفتوووح من مرّه قراه . .

إعقد العَزم لاضاقت عليك الحُلول يفتح الله عليك ويبدل الحَال حال ساعة الصّبر تفتح محكِمات القُفول وساعة الضيق تِفرج والليّالي طوال . .

ربّ خذني من بساط الدالهين الغافلين وأجعل بنفسي لامشت درب الخطيّه تنفره وأرزقني القدره على التقوى ، وبر الوالدين أبي من الكره أخيره ، وأبي من الخيّر أوفره وأجعل كتابي لاخذيته ما أخذ إلا باليمين مع النفوس الراضيه ومع الوجيه المسفره . .

لو تقدر ترد المطر في بطون الغيم ماتقدر ترد الرغبه لخاطر السامح . .

الجادل الي تسمعني ، " وسمعها ". اسري مع الليل وتسامرني القمراء . فديت برجين ، شارعها ، وشارعها ،. الي رصيفه طويل ولمبته "حمراء ! #مدغم_ابو_شيبه

مدحك لـ رجلً ماتعرفه ضليمه وذمك لـ رجلً ماتعرفه حرامي ولا يقبل العوجا يكود البهيمه ! ولا ينكر المعروف يكود الخمامي #رجاء_بن_هداف_ال_قشعم

يموت الرجل والطيب راعيه يبقى حي مع الناس لو جثته فـ القبر مدفونه . ويموت البخيل ولا خذى من حلاله شي و إلى حل طاريه لقى من يذمونه . ملكنا الكثير و راق منا سوات المي لون غيرنا في كل ساعه يعدونه . نبي لاتعرّضنا من الخلق رجلٍ عيّ يبي يذمنا لـ اخوان شمّا .. يردونه #سعد_مرسان_الهاجري

يالله انا طالبك ياسامع الصوت يامن خلقت الخلق لجل العباده ترزقني التوبه قبل ساعة الموت ومن قبل نزع الروح نطق الشهاده . .