نجد

مشكلتي اني كل ماجيت ابنساه تطري علي ايامنا … كل ليـلة وانسى الهجر وافز لامر ذكراه قلبً تولع بالهوى عزتي له #نجد ✍🏻

في ليلةً طرت علينا …. طواري وكلً على الثاني شكى له همومه بكيت يوم اخطيت أنا با أختياري وهلت دموعي يوم جابو علومه #نجد ✍🏻

تمنيت الحلم واقع تمنيت الحقيقه اوهام تمنيت الزمن يرجع ثواني بس واشوفـه حلمت انه يناديني تعالي خانت الايام تعالي طالعي شاعر ذكرك بصادق حروفه #نجد ✍🏻

لو كان حولي في حياتي محبين ديار نجد اليوم ماحدً سكنها حفظتها حفظ التقاه المصلين الين صرت النـادره في زمـنها وعلى كثر مافي دياري من الزين الحظ عيا لايحالف … وطنـها #نجد ✍🏻

في بقايا دفتري لـه ذكريات وصورةً لليوم اقلب في ورقها ادعي الله كل لليلة بالثبات واتذكر كم قصيده لي كتبها كنت ارتب معه كل الامنيات مادريت ان الزمن يوم يهدمها ليه يايمه تركني … للشتات ؟ ليه يجرح بنتك وشيخة عربها؟ #نجد ✍🏻

الحزن في وجه الجميلات مالاق رددتها وحاولت اجبر مصابـي كتبت جرحي للقصايد من اعماق وصارعت في عز الشباب اكتئابي #نجد ✍🏻

ماني على خبرك تراني تغيرت )؛ بديت اعاف الحب واكره طواريه كبرت؟ مدري عبر الايام سافرت وعودت قلبي كل ماضي يجافيـه #نجد ✍🏻

ماطاح من عيني دمع طاح رجال كنت افتخر به كل ماحل طاريه لاهو ولد عمي ولا هو ولد خال ولاهو قريب لي ولا أقدر الاقيه بس اذكره لاضاقت بكل الاحوال يقول هاتي جرحك اليوم اداويه #نجد ✍🏻

لاسترت الجرح دمع العين حول كنه يقول الحقيقه ( بالعيون ) والحقيقه صبرنا لليوم طـول والزمن مايرحم اللي يرحمون من ثمان سنينً والهم يتجول وسط قلبً من خلقه الله حنون كل ماشفت الجمال اللي يهول قلت فيني من الحزن مايشعرون #نجد ✍🏻

عجزت لاغفر جروحك وادمح الزله النفس عيت تعدي غلطة البارح وشلون اسامح وأنا لليوم منعزله الناس تعتب علي ولومهم جارح أنا عطيتك شعور ولانتً كفوً له اتبعك واثرك مع هوى البال سارح واليوم ابمحي ماضي الحب كله عهدً علي لانساك قبل نتصارح #نجد ✍🏻

ماتعبت من المكابر والصلابه رغم مافيني تعودت الوقوف من لفاني مالقى غير الرحابه والجناب السمح والقلب الرؤف #نجد ✍🏻

مذهله لو ماملكت الا القصيد والقصايد مثل حسني مذهله اكتب الاشعار باحساسً فريد وكل بيتً عذب جيت اكمله الهقاوي كبار والعزه رصيد ولايذل النفس عالي المنزله #نجد ✍🏻

دفنت مع حبه جميع الطموحات ولقيت نفسي بالمواجع وحيده عفت الطواري والهوى والعلاقات جرحً مضى بالوقت ماقدر اعيده ماعاد يغريني شعور البدايـات دام النهايه بالعواقب شديده #نجد ✍🏻

ماعشت حتى في خيالي والأحلام اصحى وأنا ادور على الحلم وينه؟ حلمي نصيب الغير ياظلم الأيام نصيب غيري راح كمل سنيـنه #نجد ✍🏻

( حرّه وبنت احرار وأوفى كريمه ) كتبتهـا لأجل الردي بين الاقواس الضعف ذلـه والرخامه …جريمه مليت كاسك منها واشرب الكاس #نجد ✍🏻

الجادل اللي تخضع لزينها ارقاب ذاقت من الدنيا الدنيه غثاها .. واليوم أنا ماعادني نجد الأحباب حفظت دارً منت واصل هواها #نجد ✍🏻

ان كان خلي من العذارى تخير والله مايلقى من الغيد شرواي خلوه لاهي وان طرا له يسير بسترخصه واقول تبشر بفرقاي كنت احسبه رجال طيب وخيّر واثره رديً طول عمره وشكاي ، حاولت اغير فيه ،، لو ماتغير كنه يقول ان الهزيلات مبداي #نجد ✍🏻

طولت يا اكتوبر وطال انتظاري وأنا على باب الأمل واقفه دور كان المفارق والغياب اضطراري خلوه يرجع لي على شان قمور #نجد ✍🏻

مرات من زود الوعي وقو الأيمان أسابق اهل الدين من قبل يمشون ومرات احس بداخلي الف شيطان يامرني اخطي وأدري ابليس ملعون بكفر ذنوبي وأعامـل …بالأحسان وأنصح وأساعد كل ضايق ومحزون ( الله يعوضني والاقي … كحيلان ) معرب الجدين طيب… ودنـدون #نجد ✍🏻

اذكرك قد العشم قد الهقاوي ليه خابت فيك ياخلٌي ظنونـي؟ كان قلبك للفراق اليوم ناوي رح فمان الله لو تبكي عيوني الزمن لامال مايرحـم ويـاوي يستلذ بجرحي ويهوى طعوني بعد مارديت من للوصل هاوي ومعظم احبابي وربعي عذربوني الفراق وحان يـالقلب الشقاوي لاتعذبني ولاتهيض … شجوني #نجد ✍🏻