" تاقف على طرف الهدب ما تلمحك عيني "
- بـدر بن عبدالمحسن
بمعنى ان النفس إذا عافت وطابت ترخص كل شيء ثمين ، حتى لو يتواجد حولك يصير ماينشاف ولا تلمحه عينك من قل اهتمامك بعد ما عفته
" والله لو تجلس على رمش عيني
ما عاد أشوفك مثل ما كنت أشوفك "
- مشعان البراق
يوم الوفا طبعك وانا عند ظنكّ
أعاتبك وأشره ولا رحت عوّدت
واليوم لا تشره لو أبطيت عنّك
على كثر ما في وصالك تجوّدت
لا عاد تنشدني عن الشوق لأنك
عوّدتني .. على الفراق وتعـوّدت
لا زلت احتاج وجهك لـ السهر لـ الشعر لـ الميعاد
وصوتك لجل احرّر عبرةٍ فـ الصدر مخنوقه
ياليت اللي مضى لي من عمر معك ، معك ينعاد
واشوف اللحظه اللي من شريط العمر مسروقه
اقول اني بشوفك فـ المنام .. ان غبت كالمُعتاد
وانا حتى المنام اللي بشوفك فيه ما اذوقه .
حط ايدك في يديني وأستبقني في خطاك
كفّك انت لو تمده عمر .. ما جزتك أبد
رح على ماوين ودك خطوتي في مشتهاك
قودني لدنيا المحبه، وآعتبرني لك سند
لا تشاورني وأنا كلّي بعد عمري .. فداك
والله انك في عيوني ياحبيبي: كل أحد !
" لو تبيني كان تسأل .. واللي يسأل ما يتوه
يوضّح لنا إن اللي يبيك يتعنى لك
ويسأل ويدوّر عليك
لين يوصل لك
أما اللي ما يسأل ولا يحاول
اعرف إنه ما يبيك
مهما لون كلامه بالعذوبة
" تبقى الأفعال هي اللي تقرر .. مكانتك"
- يا حلو عذوبة سعد بن لويبه يوم قال /
« تضحك الدنيا بوجهي لا شفتك تضحكين
كني املك مال قارون — يوم املك رضاك
انتي لي مصدر سعاده , و نعمه , و اكسجين
جعلني ما افقد وجودك ولا اعتاض بـ غلاك ❣️»
أحنّك مثل ما أحنّ نفسي من الوسواس
وأحبك محبة شايبٍ " لأول أحفاده "
أمانتك لا تنسى اسمي إن غابوا الجلّاس
أنا طالبك لآ طوّل غيابنا — نـــاده —
وش أسوي إن زاد الحكي في عيون الناس
وأنا كل يوم " أحبك " أكثر من العاده .
كلمة « لبيه »❣️
كبيره لأنها كلمه مستثناه
ما تنقال إلا لـ شخص تربع بوسط قلبك
وعلى هذا السياق يقول خلف بن هذال :-
" لبيه يا عين أبوي وعين جداني
لبيه يا قطعةٍ مني وأنا منه "❣️
ومن زاويه أخرى يقول محمد بن حمد :
" ليا من دعيته وقال لي لبيه
أحس بشعورٍ ماهوب دايم يجيني "
