⊆ ظافر السبيعيٌ

« لولا مراسيلك اللي تشرح الخاطر أبطيت وأنا جهازي خارج الخدمة »

يا صاحبً كل ما يشكي لي أبكي له لا عاد تستوقض جروحي وانا قاضي سولف عن القابله .. ولّا عن الليله لا تطري الماضي .. الله يقلع الماضي

ياشين التصنع فالمراجل وف الابداع تبي تلفت الانظار يمك وحنا ادرى ياكم واحدٍ قبلك يحسبنّ باعه باع وتعبّته عيال الرياجيل لين ازرى

راحت حياتي معْ سعد وسعود ومطاول البرّان و المقناص اخذوني انا التايه المفقود اللي يبي الاعذار والمخلاص واذا نقصكم حب انا موجود احبكم و احب راعي الباص ؛)

اليا ارتبط قلبي معك بالبراهين ماني من اللي يطلبون الأدّله وشلون ما احنّك من الخاطر الشين وانا عدوي ما عرفت استغلّه

ابعتذر للقاده .. وعندي اعذار وبيعذروني وانت بيحاسبونك انا مدرب لـ حتمى الضرب بالنار ما دربوني في مواجه عيونك

عطيتك من بشوت الهقاوي ثلاث بشوت ولا فيه بشتٍ جاء مقاسك ولا قدّك احسبك من اللي لا دعيته يرد الصوت واثاريك تسمعني وودك ولا ودك أنا والله المخطي خطا ما عليه ثبوت عطيتك سلاحٍ يرتعد في كنف يدك وذخرتك لو انك ماتنذخر في لعب بلوت وتقدمت بك حدٍ ماهو والله بحدك

« في غيابه لو أقوم الليل في العشر التوالي تعتريني ضيقة اللي لا يصوم — ولا يصلي »

سلام الله على وجهٍ عليه الخاطر الملتاع مايبرد لو نسانيس الشمال ملاعبه ثوبه وجودي يوم راحت من يدي وأنا طويل ذراع وجود الشايب اللي برّ بعياله وباروا به .

إليا حصل في بعض الأوضاع خلّه وتشتت فالروس الاريـا والاذهان هام الصعاب وكلّ عقدٍ يحلّـه ماهوب في حلّ العصيبات بحلان

غديت مثل اللي مضاريبه تقلّط فـ النحور و يوم استوى له ردّ ثار أبوه . . لكّت بندقه

على خارطة قرن الوضيحي ياقوقل ماب أدوّر على حلقه من القرن مفقوده تثنّت قرونه عقب ماهي لسان حراب ولابه رصاصٍ حي ما شم باروده

مغتني من خير ربي ، قبل : خيري و مكرم(ن) نفسي و لو ما أتبع هواها و ما رجيت .. الحاجة اللي عند غيري عندي أشيا ، مات غيري ما لقاها

أليا فقدتك مابعدك في حياتي مرام واليا لقيتك ماقبلك فرصةٍ فايته عرفت منك الغرام ولا عرفت الغرام شيٍ من الروح ما يدرى وش حكايته جيتك مجي الكرام اللي تحب الكرام واخترت دربٍ توقف عندك نهايته ان كان جيتي مجيك فوق صدري وسام وان كان رحتي فمان الله ورعايته "

إبتسم وإسرد لي همومك ترا الدعوا بسيطه لا تزوّر بسمتك والحزن يقطع .. سالفتها أنت لو تبغي العراق ، تشد وتروح لـ شبيطه قلت أكيد انه مشدّدها يدور .. مصلحتها لا تضيق و ينتثر دمعك و أنا فوق البسيطه إذخره لا سمّعوك اسمي و أنا قدني تحتها

ياصاحبي وين انت لا حس ولا صوت ماتـدري ان الحـب مافيـه اجــــــــازه قلبي علـى طاريـك كنـه بريمـوت امنـــيـن مـاطـروك زاد اهـتـزازه وسرك حفظته داخل القلـب منحـوت ماللعرب في بعض الاسـرار عـازه الحق على قدني من الشوق باموت وان مالحقت الحق صلاة الجنازه:)

صباح الخير ، أمّا بعد : " أنت طيّب والصباح اللي يجيبك طيّب جعل تفداك الليال السود .. ليله ليله "

فـ ان شفتني جالس مع نفسي وحيد تأكد اني .. بـ جو لا يُعلى عليه

لاتعاتب يوم اذوق المر : حالي ولاتساوم ! واحدً في حر: ماله قطعو رزقي وخلوني لحالي واجبروني لين وقعت ( إستقاله)

لاعاد تنشد ويش جانا من مطر عقب استضافت نجد جلسات السحاب عقد عليها البارح الماء مؤتمر لين أصبحت نجد العذيّة عين داب 🩵

لا تغرّك .. كلمة ابشرك والله بخير واختزال الحزن للنفس والضحك اجهرا انا ضحكي معظم الوقت نظارة ضرير ان لبسها مايرى .. وان تركها مايـرى