Nawaf

الدوري السعودي خلال السنوات الأخيرة عاش طفرة كبيرة جدًا من ناحية الزخم الإعلامي والمتابعة العالمية، خصوصًا بعد استقطاب نجوم عالميين وارتفاع جودة المنافسة، لكن رغم كل هالاهتمام، ما زالت مشكلة الحضور الجماهيري موجودة بشكل واضح في كثير من المباريات. صحيح إن الدوري سجل أرقام حضور عالية وتجاوز حاجز 2.5 مليون مشجع خلال موسم 2024-2025، إلا إن متوسط الحضور ما زال يدور حول 8 إلى 12 ألف مشجع للمباراة الواحدة، والكارثة الاكبر ان مجموع الحضور 9 الاف كان للجولة 32 بس ، مع وجود مباريات ما يحضرها إلا أعداد قليلة جدًا مقارنة بحجم الدوري والزخم اللي حوله. والأغرب إنك تشوف مباريات توصل لـ40 و50 ألف متفرج، ومباريات ثانية بنفس الدوري ما تكمل حتى بضعة آلاف، وهنا بدأ يجي السؤال الحقيقي: ليش إلى الآن ما فيه حلول فعلية لهالموضوع؟ وليش أغلب الأندية ما تشتغل بشكل جدي على بناء قاعدة جماهيرية حقيقية رغم القوة اللي وصل لها الدوري السعودي اليوم سواء محليًا أو عالميًا؟ واليوم نادر تشوف ارتباط حقيقي بين الجمهور ونادي مدينته، إلا عند فئة قليلة جدًا، بعكس اللي نشوفه في كثير من الدول اللي يكون فيها النادي جزء من هوية المدينة نفسها. فالسؤال هنا: كيف وصلنا لهالمرحلة؟ وهل المشكلة فعلًا في الجمهور؟ أو إن فيه أسباب أعمق مرتبطة بالأندية نفسها وتجربة الحضور وثقافة التشجيع داخل السعودية وهنا نجي لتجربة الملعب نفسها وكثير من الجماهير تسأل نفسها : ليش اروح الملعب اذا اقدر اتابعها براحة فالبيت ؟ - حرارة جو - مواقف - ضعف الخدمات احياناً - توقيت المباريات المتأخر وقارنها بالبث التلفزيوني احد المحاور اللي لازم ننظر لها ايضاً هي المباريات الغير جذابة لأن الجمهور غالباً يتحمس للديربيات ومباريات الكبار وكيف اقدر اشتغل على اني اغطي هذا المحور احد اهم الاسباب وانا شخصياً اشوفه سبب رئيسي هو (غياب الهوية المحلية لبعض الاندية ) - بعض الاندية ما عندها اي ارتباط حقيقي بالمجتمع المحلي - ما تشتغل على المدارس والاحياء - ما تصنع انتماء بينما عالمياً النادي يصير جزء من هوية المدينة لو في حلول اقدر اذكرها وممكن تحل هالشي ومارح اتطرق ابداً لتحسين التجربة يوم المبارة لان كل الاندية قاعدة تتبع هالامر ومتوقعين انه حل جذري في انك توفر مواصلات ومناطق جماهير وفعاليات لانك بالاساس مو صانع هوية مرتبطة بالمدينة اهم جانب ممكن تركز عليه هو بناء هوية محلية للأندية في انك : - تربط النادي بالمدارس عن طريق انك تسوي زيارات مع لاعبين ، توزع تيشيرتات والافكار كثير - تسوي اكاديميات او حتى بطولات حواري ويكون فيها فعاليات تخص النادي نفسه وعادي تختمها بحضور لاعبين النادي - التسويق لفريقك قبل يوم المبارة مو بس فالمباريات الكبيرة من اعلانات ومتاجر وقمصان ، اليوم لو تروح امريكا ويكون في مبارة في مدينة تجد كل شي يدور حول محور هالفريق فالشارع فالمجمع فالمطعم في كل مكان لكن اليوم عادي تجد مدينة مثل الدمام سهل عليك انك تحصل تيشيرت للهلال او النصر من انك تحصل تيشيرت للقادسية او الاتفاق لازم الناس تحس ان هذا نادي مدينتي من ابرز الحلول ايضاً : - توفير تذاكر واسعار مرنة ولا اقولك وفر تذاكر موسمية فقط لان نادي مثل لايبزيغ باع 32 الف تذكرة موسمية وكان ما يقارب ال7 الاف شخص يغيب عن كل مبارة وما يحضرو الا 3 مباريات فسو حركة في انه اللي ما يحضر 10 مباريات من اصل 17 تنسحب تذكرته الموسمية او ينحرم منها الموسم اللي بعده نادي مثل كوبنهاجن ارتفعت مبيعات التذكرة الموسمية من 14 الف الى 27 الف بسبب انه وفر معها مثل اشتراك يعطيك اشياء غير التذكرة مثل انك تحضر مبارة خارج ارضك فالدوري الاوروبي او حتى تحظى بتجربة النزول للأرضية او حتى مقابلة لاعبين الفريق مشكلة الحضور الجماهيري في السعودية مو دليل على ضعف الشغف بكرة القدم، بل نتيجة عوامل متعددة تراكمت عبر سنوات طويلة ومع التطور الكبير اللي يشهده الدوري السعودي اليوم، قد تكون المرحلة القادمة فرصة حقيقية لتحويل المدرجات الممتلئة في مباريات الكبار إلى ثقافة مستمرة تشمل جميع الأندية ان شاءالله💚