مرام

سبحان الله وبحمده ، سبحان الله العظيم . .

راحوا ضيوف الغرام ولا بقى غيرك أنت متى بتخلي سبيلي من قيود البطى مكنْك ربي على غيرك وجيت وزبنت في عالي القلب ما والله تدل الوطى وا قلبي اللي رهنته للهوى وأستهنت في سلطة عيونك اللي ماعليها غطا كنت أكثر اللي نصحني للهدايه وكنت خطية الزاهد اللي مايشوفك خطا ..

يارب عطني أكثر من اللي رجيت وأنت الكريم اللي عطاءه سرمدي أنا أمنياتي أكبر من اللي سعيت ياربّ تشرق لي مثل صبح ندي دخيلك من الدرب لا مال وبكيت وأعوذ بك يارب من حظٍ ردي طلبتك تحقِّق دعاي اللي دعيت تعبت أشيل أحلامي براحة يدي ..

ياناس خلوني تراها تساهيل درب الشقى مقرون بالحب كلّه " الظاهر أنها ما تفيد المراسيل لاعاد ترسل كافي القلب خلّه " لا تقول انا أسف ولا تدبل الكيل العام أصدقها ولا الحين / لله ..

تركتك .. وأنا من عادتي ما أترك الأحباب ورجعت ورجوعي صعب يطري على بالك ماجيت أعتذر لك جيت وأنا أعرف الأسباب لكن الأكيد اني ماجيت أطلب وصالك اللي ردني لك بعد فرقا / وطول غياب ؟ كلام بصدري ... ما أقدر أقوله إلا لك _ محسن بن مترك

مره تعاملني بعطفٍ وتقدير ومره تعمد وجعتي يا عشيري تلعب بقلبي لعبة البزر بالطير يضحك وطيره ميتٍ ما يطيري حيرتني يا سيد كل الغنادير وأشقيت روح صرت فيها خشيري ؟ يوم حذفتني في هواك المقادير نسيتني والدمع جرح نظيري عز اللّٰه اني منك ماني في خير يا مالك عقلي وخيرك لغيري ..

" أكثر الناس استشرافًا، أقلهم شرفًا ، ، لأن اللي عنده مبدأ ما يحتاج يتظاهر" ..

حضور ثم غياب وحضور وغياب هذي سنه والوضع هاته و وّده ماعاد لي قدره على فهم الأسباب وإعذاره اللي ماتبرر سوّاته حلفت مايسمع من لساني عتاب ولا إذكره باللي من الوقت فاته مشرعٍ له كان عوّد علي باب ومشرع لـ غيابه الباب ذاته ..

يوم مدّيت له قلبٍ و كفٍ رهاوي أظلم الليل .. و اجتاح الفراق المدينه ليه احاول معاه و ليه ازيد الرجاوي ؟ و أنا ما شفت منه إلا عذاب و غبينه كيف طاوعه قلبه عقب ما هو فداوي يسألوني مِرارًا .. وينك و هوّ وينه ؟ اختلف فيه ظنّي .. و اخلفته الهقاوي من يحبه تقافت من يدينه سنينه .

أنتظرتك لين ما مل إنتظاري والسهر للعين ماحقق طلبها أنت يوم إني بكيتك كنت داري وماسألت العين وش داعي عتبها ول يا قلبك تقل قلب إنتحاري خاسرٍ لو كان بحسابه حسبها ما تحن و ما تروف و ما تداري جيت لـ أحزاني مثل واقد حطبها ..

أنت يا مسك البدايه ويا مسك الختام ما طرى لك تسقي اللي من الصدّه ذبل ؟ كل حاجه تنتهي بعد فقد الاهتمام الجفا مثل الدهر و الوصل مثل الوبل ليه تبخل بـ المشاعر و تبخل بـ الكلام ! و أنت جدانك من الجود يعطون الإبل ما يجوز اللي تسويه في شرع الغرام خل عاد اهل الكرم و المبادي و النبل .

بيني وبينك تطلع الشمس وتغيب ولو يفرق التوقيت مايفرق غلاك ولو غنت الفرقا على لحن النصيب ماسارت اقدامي على سكة جفاك معك معك لو انك لغيري حبيب قدامك دروب القدر وانا وراك وراك والدنيا تجيب الي تجيب في ذمتي مايرضي الخاطر سواك قلبي نحر قسيس واشواقي صليب مايجتمع دين الغرام الا معاك

اللي عطى قلبك من العزّ والنّوف ما ينكر الحاجة و يستنكر الشفّ يقدر يخلّي كل ما فيك من خوف يفنى بـ دعوة ليل من قلبك العفّ صدقني ان في بطن الايّام معروف يرضيك عن دنيا الدوران و اللفّ بيجيك وبتنسى ما مرّك من ظروف وبتبتسم وتحطّ حزنك على الرفّ ..

ثابت وتانيب الضمير يلف بـ الراس ، و يدور و الليل لا حاوّل يلامس خاطري ؟ ماعبّره ، ماهو خطا لا صرت بـ الفرقى قوي عزم وجسور اغلب حياة الي يحبون الوصال ، مغبّره ضحكت بـ وداعك ولا ادري ؟من جهل ولا غرور ؟ بس ادري ان نفّسي لـ لحظات الجفى متكبّره ..

يا وجع قلبي على وقتٍ تعادى بي ضاق صدري والليالي زادها ضيق أدور فرحة أعلّل فيها مصابي وأرجّي الله يفرّج كل ما يعيق إن طوَتني همومي السود بأنيابي قلت: يا ربّ العطا منك والتوفيق ما بقى لي غير بابك يا وِلا بي أشتكي لك همّ قلبي وأستفيق .

من كثر ما همّت بمْحبتك فـي كـل واد لجل عينك اقّرب الناس لي زعلّتهـا كل ماجيت ازرعك للوصل كان الحصاد دمعة ٍ طاحت على شانك ومـا شلّتهـا ادري ان طولّتها ضاقت صدور العبـاد وادري تْضيـق المخاليـق ان طولّتهـا أعّتبرني حلم مرّك على غفّـوة رقـاد وانـت ابعّتبـرك قصيـدة ولا كملّتها . 2

ان بغيت الصدق ما للعناد الا العناد لا تصعبّها علي عقـب ما سهلّتهـا المحبّه في عيوني غدت مثل الرماد والقصايد من حطب جفّوتك اشعلّتها كان قلبك ماعرف يوم مفهوم الوداد ويش قيمة كل كلمـة غلا لـك قلّتهـا صاحبي لا تعتذر حان ميعاد السـداد ردّ لي ايامي اللي عبث اهملتها 1

وسط القسوة، أرى في خيالي مكانًا أنتمي له.

دايم يكبـر كـل طـاري في ضميري ، ويخطب ولا ذكرك فيني قصيدة ، وسالفة ، وريحة عطر من قال حطيت الغلا والشوق في دربي مطب عيد اللقـى عندي مثل عيد الضحيه ، والفطر طاح المطر وابطيت انا وياك ماطاح الحطب تخيل يطيح الحطب ونعيش بـ جواء المطر ! ..

قـارنت بين الخميس و ليله الجمعه لا فـرق لا فـرق بين اليوم و البـارح الحزن نفس الحزن و الدمعه الدمعه و الجرح ما زال و الجارح هو الجارح - محمد الشمالي