Dr Peter Beshara

بيكلمونا عن الفساد وتغيير اللوائح عشان الأهلي ويوم ما كسبوا أفريقيا أول مرة في حياتهم .. اتحاد الكرة غير اللوائح عشان يلعبوا هما مكان المقاولون العرب إن لم تستحي فاصنع ما شئت

ان شاء الله الكاف يقر زيادة عدد الفرق المصرية في بطولتي افريقيا ل ٦ فرق ويارب في المستقبل يبقوا ٨ و١٠.. واعتقد احنا المفروض نبقى كلنا مبسوطين.. وعلى فرض زي مابيقول البعض ان الكاف ممكن يتشجع ياخد القرار ده علشان الأهلي يلعب في دوري أبطال افريقيا .. فدي حاجة مفيدة لكل الأندية المصرية في البطولات القادمة.. اتمنى القرار يتاخد دلوقتي مش من البطولة اللي جاية، علشان حصول نادي مصري مالوش تاريخ كبير في افريقيا او جماهيرية على المركز التالت الموسم الجاي ممكن يخلي الكاف ميتشجعش ياخد القرار.. وبتكلم على الأندية المصرية تحديدا، رغم ان المغرب وتونس والجزائر وجنوب افريقيا مثلا هيستفيدوا برضه من زيادة المقاعد، علشان الأندية المصرية واولهم الأهلي -بسبب حجم الجماهيرية- هما "الفلوس" بالنسبة للكاف.. ضيف على ده ان زيادة عدد المقاعد، هيخلينا نشوف دوري اقوى كمان من اللي شوفناه الموسم اللي فات.. واخر حاجة، اعتقد اننا اصلا اتأخرنا جدا اننا نطلب حقنا بزيادة عدد المقاعد في بطولتي افريقيا.. فلازم كلنا يبقى صوتنا واحد انه المقاعد لازم تزيد مش نختلف.. ده علشان كل الأندية المصرية في الحاضر والمستقبل.. مش علشان الأهلي..

حابب اشكر كابتن أحمد سليمان عضو مجلس ادارة الزمالك على تصريح هيوفر على الواحد كلام كتير احمد سليمان قال " معنديش مشكلة في قرار زيادة الفرق المصرية في دوري الأبطال بس يتطبق من السنة بعد اللي الجاية مش السنة اللي جاية ده توثيق رسمي على لسان عضو مجلس إدارة الزمالك انه موافق من حيث المبدأ وأقولك أنا ليه هو قال كده ؟ لان المستفيد الأول من القرار ده على المدى البعيد هو الزمالك وده ورقة وقلم 📝. لإن متقدرش تقيس القرار ده على موسم إستثنائي للأهلي انما كتاريخ الزمالك لم يشارك في أخر ٣ نسخ من دوري الأبطال لانه تالت الدوري المصري يبقى مين المستفيد من تطبيق القرار ده ؟ ، اللي ترتيبه كتالت الدوري حصل مرة أخر ٤ سنين ولا اللي ترتيبه كتالت الدوري حصل ٣ مرات أخر ٤ سنين ! مش محتاجين نبرر حاجة لناس بتبتز ك وبتقول انها موافقة على المبدأ وعايزة تستفيد من نفس القرار في كل مرة بعد كده بس في المرة الوحيدة اللي القرار ده ممكن يفيدك لو تم تطبيقه فيبقى بالنسباله لا بقى انت تحديدا متستفدش بيه

انا لما امشى حسام عبدالمجيد دلوقتى عشان ٢ مليون دولار. وانا داخل موسم كامل راجع فى لدورى ابطال أفريقيا وعندى دورى وكاس وسوبر وكاس رابطة. وعندى ايقاف قيد. هلعب موسم كامل باتنين مدافعين محمد اسماعيل والونش؟ طيب ما اقعد حسام يخلى عندى فرص فى الفوز بدورى ابطال افريقيا الى ممكن تدخلى اضعاف واضعاف الملايين. يمشى فرى اخر السنة يا سيدى عادى ما هو قاعد فى الزمالك ٦ سنين واخدت خيره حقق معاك كل البطولات الممكنة. ما ديانج مشى من الاهلى فرى عادى وكان جاى له عروض مادية قد حسام عبدالمجيد مرتين تلاتة حتى موضوع القضايا الوضع المادى اتحسن خلاص الدنيا يعنى الفلوس دى مش حياة او موت بالنسبة ليك. انا مع استمرار حسام الموسم الحالى حتى لو رغبته الاحتراف وعدم التجديد لان صالح الزمالك فى استمراره ورحيله هيقلل من فرص الزمالك فى الفوز بالبطولات بالاسكواد الحالى خصوصاً فى ظل ايقاف القيد وقلة عدد المدافعين.

ان شاء الله وباذنه وحده .. تنجح مساعي المهندس هاني ابوريدة والنادي الاهلي يشارك في دوري الابطال الموسم القادم .. مجرد تخيل دوري الابطال من غير الاهلي حاجة صعبة جدا .. زي كدة تحيل اي كاس عالم قادم من غير مصر ... المصريين بيحلوا اي بطولة 🇪🇬🇪🇬❤️❤️

هناك رجالٌ يغيّرون مسار الأحداث… وهناك من لا يظهر إلا بعد أن ينتهي الحدث، ليضمن فقط أنه ما زال داخل الصورة، لذلك، لم أتوقف كثيرًا أمام بيان هاني أبو ريدة الذي يطالب فيه بزيادة عدد مقاعد الأندية المصرية في البطولات الأفريقية. فالملف لم يعد فكرة يبتكرها أحد، بل تجاوز مرحلة النقاش، وأصبح أقرب إلى الواقع منه إلى الاقتراح، فلم يجد أبو ريدة حرجًا في اللحاق بالقطار بعد وصوله إلى المحطة. أبو ريدة، كما عرفناه طوال أكثر من عقدين، لم يُعرف يومًا بأنه صاحب مبادرة، ولا رجل المواقف الجريئة، ومدرسته دائمًا واحدة: انتظر حتى يهدأ الغبار… ثم اخرج ببيان. الناس لم تكن تنتظر حديثًا عن مقاعد دوري الأبطال، بل كانت تنتظر رجلًا يظهر أمام الكاميرات بعد فضيحة مباراة الأرجنتين، يهز الطاولة، يرفع صوته، ويقول إن كرامة الكرة المصرية ليست بندًا هامشيًا يمكن تجاوزه. لكنه اختار الحيلة القديمة: "بص العصفورة"، دعونا نتحدث عن أفريقيا، لعل الناس تنسى كارثة المونديال وصمت من كان يفترض أن يكون أول المدافعين عن منتخب مصر. كأهلاوي لا أرى في القرار، إن صدر، أي إنجاز، فالأهلي لا يحتاج إلى مقعد إضافي ليبلغ دوري الأبطال، وحتى إذا شارك في الكونفدرالية الموسم المقبل، فذلك استثناء فرضه موسم كروي كارثي، وسرعان ما يعود إلى مكانه الطبيعي، أما المستفيد الحقيقي، فهو من اعتاد أن يبحث عن مقعد تمنحه اللوائح، وليس عن مقعد ينتزعه في الملعب..