Paktia PGO Press-د پکتیا ولایت مقام رسنیز دفتر

۲/۲ د پکتيا په ټولو ولسواليو کې د ملکي او امنیتي مسؤلينو لخوا په بشپړې همغږۍ سره دغه پروسه مخ پر وړاندې ځي او همدا راز دې ولایت ته په غځېدلو لویو لارو کې هم جوړ شوي سیار چېک پواینټونه د صرافیو په ملتيا د پاکستانیو کلدارو پر افغانیو د بدلولو چارې ترسره کوي.

۱/۲ پکتيا: له مرکز ګردېز وروسته په ولسواليو کې د افغانیو دودولو هڅې ګړندۍ شوي د ولایتي ادارې لخوا د پکتيا په مرکز ګردېز کې د ملي سکې د دودولو له بریالیو هڅو وروسته د دې ولایت په ولسواليو کې هم په همدې موخه له وړاندې څخه پیل شوې هڅې ګړندۍ شوې دي.

پکتیا کې د جلغوزیو ځنګلونو د بیا احیا لپاره هڅې کړندۍ شوي د جلغوزیو د ځنګلونو د بیا احیا لپاره د ځاځي اریوب ولسوالۍ په منډهیېر قوریه کې په پلاستیکي کڅوړو کې ۲۰ زره جلغوزي کرل شوي دي، چې وروسته به ورڅخه ددې ولایت د جلغوزیو ځنګلونو د بیا احیا په پار ګټه پورته شي.

د 22.7 ملیونه افغانیو په لګښت د پټان ولسوالۍ د ګمرک ودانۍ ګټې اخیستنې ته وسپارل شوه. دغه دوه پوړیزه ودانۍ په عصري ډول جوړه شوې، چې له فعالېدو سره به یې د ګمرک مدیریت مامورینو ته کاري اسانتیاوې رامنځته او د سوداګرو ستونزې تر ډېره بریده حل شي.

پکتیا: د مېرزکې ولسوالۍ د خلیلانو د نجونو د عالې لېسې ودانۍ جوړولو چارې پیل شوې دغه ودانۍ د پوهنې وزارت له لوري د شپاړس ملیونه افغانیو په لګښت په یوه کال کې جوړیږي، چې لازمې تدریسي او اداري اسانتیاوې به ولري. ددې لیسې لپاره د پاکو اوبو څاه د کلیو پراختیا ریاست له لوري جوړېږي.

ګردېز: د کرهنې، اوبو لګولو او مالدارۍ ریاست لخوا د پنځه ملیونه افغانیو په لګښت د تېرې د سربند او کانال جوړولو چارې په بشپړېدو دي؛ چې ډېر ژر به ګټې اخیستنې ته وسپارل شي.

ګردېز: د کرهنې، اوبو لګولو او مالدارۍ ریاست لخوا د درې ملیونه افغانیو په لګښت د مارانو چشمې د تحقیقاتي فارم جوړولو کارونه جریان لري.

ګردېز: د کرهنې ریاست په احاطه کې د ۲۵۰ مېټرک ټنه ظرفیت درلودونکي ذخیروي ګودام د جوړېدو چارې په چټکۍ روانې دي، چې تقریبا درې ملیونه افغانۍ لګښت پرې راځي.

پکتیا- سید کرم: د تازه مېوو پروسس خونه د مڼو د بڼوالو اتحادیې ته وسپارل شوه.

ګردېز: د سوېل ختیځ زون د کرکټ بورډ دفتر د پکتیا د والي شمیم خان کټوازي لخوا رسما” پرانېستل شو.

ګردېز: د 207 ملیونه افغانیو په لګښت د ګردېز ښار د اوبو رسونې شبکه جوړیږي د یادې پروژې د پلي کېدو په ترڅ کې به د 64 کېلو متره په اوږدوالي د اوبو رسونې شبکه، د اوبو د ساتنې ديارلس سوه متره مکعبه ذخیره، ژورې څاګانې او د اوبو رسونې امریت لپاره دوه پوړیزه اداري ودانۍ هم جوړه شي.

Paktia’s Governor @ShamimKatawazi inaugurated the newly built building for Directorate of Urban Development in the province worth 13.8 millions Afghanis.

ګردېز: د مېلمستون ودانۍ د جوړولو چارې پېل شوې د سرحدونو او قبايلو چارو رياست اړوند د دغه مېلمستون جوړېدونکې درې پوړیزه ودانۍ به يو لوی تالار، ۱۲ خونې او خوړنځايونه ولري؛ چې د دوست هېواد هندوستان په مالي مرسته به د ۱۹ ميليونه افغانيو په لګښت په پاخه او اساسي ډول جوړه شي.

۳/۳ د صنعتکارانو غوښتنليکونه له لازمو اجراتو وروسته د صنعت او سوداګرۍ وزارت او په پای کې د اقتصاد عالي شورا ته استول کيږي، تر څو په صنعتي پارک کې ورته د ځمکې د ورکړې او پانګونې لپاره زمينه سازي وشي.

۲/۳ د پکتيا په صنعتي پارک کې پانګونې ته خواهشمند صنعتکاران باید د صنعت او تجارت ریاست ته د غوښتنلیک د ورکړې پر وخت فعاله صنعتي (توليدي) جواز، د شرکت په نوم د یوې معينې اندازې پانګې درلودونکی ځانګړی بانکي حساب، جامع بزنس پلان او د فابريکې سکېچ له ځانه سره ولري.

۱/۳ پکتيا: په صنعتي پارک کې د پانګونې په موخه د غوښتنليکونو اخیستلو لړۍ رسماً پیل شوه.

د کورنیو کرهنیزو محصولاتو درې ورځنی نندارتون؛ د پکتیا انګور #ګردېز #پکتیا

د کورنیو کرهنیزو محصولاتو درې ورځنی نندارتون؛ د پکتیا جلغوزې، چارمغز او ممیز #ګردېز #پکتیا

د کورنیو کرهنیزو محصولاتو درې ورځنی نندارتون؛ د پکتیا مڼې. #ګردېز #پکتیا