Posta Tanzania

📍Kasulu, Kigoma 🗓️ 10 Machi, 2026 📌Wanafunzi wa Shule ya Msingi Kagondo wakifurahia Madawati waliyokabidhiwa na Shirika la Posta Tanzania leo tarehe 10 Machi, 2026 katika Halmashauri ya Mji wa Kasulu.

📍Kasulu, Kigoma 🗓️ 10 Machi, 2026 📌Mkuu wa Wilaya ya Kasulu Kanali Isaac Mwakisu ambaye ndiye mgeni rasmi akipokea zawadi kutoka kwa Mkurugenzi wa Masoko na Mauzo Bw. Ferdinand Kabyemela leo tarehe 10 Machi, 2026 katika Halmashauri ya Mji wa Kasulu.

📍Kasulu, Kigoma 🗓️ 10 Machi, 2026 📌SHIRIKA LA POSTA TANZANIA LAKABIDHI MADAWATI SHULE YA MSINGI KIGONDO KAMA SEHEMU YA KURUDISHA FADHIRA KWA JAMII

Shirika la Posta Tanzania kupitia Mkurugenzi wa Masoko na Mauzo, Bw. Ferdinand Kabyemela aliyemuwakilisha Postamasta Mkuu Bw. Macrice Mbodo limekabidhi madawati 100 kwa Shule ya Msingi Kigondo iliyopo katika Halmashauri ya Mji Kasulu, Mkoani Kigoma.

Msaada huo ni sehemu ya sera ya Kurudisha fadhira kwa jamii na juhudi za kuunga mkono juhudi na mipango ya Serikali ya kuboresha Elimu kwa kuboresha mazingira ya kujifunzia kwa wanafunzi.

Madawati hayo yalikabidhiwa rasmi kwa Mkuu wa Wilaya ya Kasulu, Kanali Isaac Mwakisu ambaye alikuwa mgeni rasmi katika hafla hiyo.

Akizungumza wakati wa makabidhiano hayo, Mkuu wa Wilaya ya Kasulu Kanali Mwakisu, alilishukuru Shirika la Posta kwa mchango huo wenye tija na kuwataka walimu pamoja na wanafunzi kuyatunza madawati hayo ili yaweze kudumu kwa muda mrefu na kuwanufaisha wanafunzi wengi zaidi.

Aidha, alieleza kuwa msaada huo utachangia kuboresha mazingira ya kujifunzia na kuongeza ari ya wanafunzi katika masomo, jambo litakalosaidia kuinua kiwango cha ufaulu shuleni hapo.

wa upande wake, Bw. Kabyemela aliwahimiza wanafunzi kutumia fursa ya kuboreshwa kwa mazingira ya kujifunzia kwa kujituma zaidi katika masomo, kudumisha nidhamu na kuonyesha utii kwa walimu wao ili kufikia malengo na ndoto zao za maisha.

Alisisitiza kuwa elimu ndiyo msingi wa mafanikio na kuahidi kuwa Shirika litaendelea kushirikiana na jamii katika kuchangia maendeleo ya sekta ya elimu.

Naye, Mwalimu Mkuu wa Shule ya Msingi Kigondo, Bw. Adam Masendeka, ameushukuru uongozi wa Posta kwa msaada huo na kueleza kuwa kabla ya kupokea madawati hayo shule ilikuwa na upungufu wa jumla ya madawati 268, hivyo msaada huo utasaidia kupunguza changamoto ya uhaba wa madawati

“_Leo mmetupa Furaha ya Moyo (Ikidolidoli Kumtim_a)”alisema Bw. Adam Akimaanisha wanayo furaha ya moyoni ambayo ningumu kueleza kwa maneno.

Hafla ya makabidhiano hayo imehudhuriwa na viongozi mbalimbali wa Serikali, viongozi wa Shirika la Posta Tanzania, viongozi wa @ccm_tanzania , walimu, wazazi pamoja na wanafunzi.

📌We spread Love on this Valentine! #postatanzania #valentinewithPosta #Loveintheair

📌Valentine hii tunakusambazia Upendo popote pale nchini! We tupigie tu ufurahie matokeo! #valentine #postatanzania

📌HAPPY PAPU DAY 2026 #postatanzania #papuday2026 #postadeliversbetter @papuafrica

📍British Council, Dar es Salaam 🗓️13 Januari, 2026 📌BARAZA KUU LA 10 LA WAFANYAKAZI POSTA LAFUNGULIWA - USHIRIKIANO, UWAZI NA UWAJIBIKAJI VYAPEWA KIPAUMBELE

Mwenyekiti wa Bodi ya Wakurugenzi ya Shirika la Posta Tanzania, Balozi Meja Jenerali (Mstaafu) Gaudence Milanzi, amefungua kikao cha 32 cha Baraza kuu la 10 la Wafanyakazi wa Shirika la Posta leo tarehe 13 Januari, 2026.

Akifungua kikao hicho amewataka wafanyakazi na menejimenti kuendelea kuimarisha ushirikiano, uwazi na uwajibikaji ili kuongeza ufanisi wa utendaji kazi na kuchochea maendeleo endelevu ya Shirika.