ٰ

لله همّي وللعرب تبسّامي .

لدي النظر يا أم العيون إللي نهايتها إحتلال ملامحك لا شافها المخطي يبادر بالعذر أنتي اليقين الراسخ إللي ما يشوبه إحتمال وأنتي الثواب إللي تجلى لي بعد شدة صبر من حقق الله حلمه ونالك رغم أنف المحال يستاهل يعيش الحياه وبداخله نشوة نصر يامترفه كل الكلام إللي على البال إرتجال ما ضاعت علومي ولكن يوم شفتك أنهمر في ذمتك أنتي قصيدة صافحت كف الخيال ولّا قصيدة صادقه خلقت على هيئة بشر منطوقك العذب المعتق فيه من وجهك خصال كن القصيد مقاسمك نصف العذوبة و السحر وجهك غواية للهدى ؟ مدري هداية للضلال ! محتار فيك إنسان ما قد حار بين أمر وأمر ! يا غاية السائل ويا أعذب إجابات السؤال تدرين بإن الشعر في حضرة جنابك منتصر .

عيوني والعيون الساهره في حزنها تختال على ظلم السهر لين الفجر شاعت قناديله على صدر الورق حبر القلم بين الأصابع سال بعد حبر الماقي والحدق باحت مناديله من اللي ما فقد غالي ؟ من اللي ما شكى غربال من اللي من صواديف الدهر ما لحقته ميله يقولون انصرم عمرك وحيد وقلت يا عذال ! مقاسيم كتبها الله وأنا ، ما في يدي حيله جروح من ظهور جروح وآمال بنات آمال لو إني ما تململ من وجعها قلت منهي له ؟ يكفيني عن الدنيا واهلها غالي لازال حبيبي جعلني معتاض حتى في غرابيله احبه والله إنه عندي اغلى من بنون ومال لكن الحظ ما ساعد ويادنيا من انتي له ! من الشهد المصفى قد صفط لي رشفة الفنجال يا ليته عاود الفنجال والا — زود الكيله لو إني ما دريت إنه بشر من لمعة السلسال حلفت إنه ملاك شافته عيني على الزيله فرشت ضلوع صدري في طريقه والهوى قتال أبيه يدوس ريضان الحشا وتفوح اكاليله عقلني بالفراق وقال لي تحتال ؟ قلت احتال من يطيح بغرامك لازم يوقف " على حيله " وثقت إنه محال ولا وثقت إن المحال محال اطارد نور شمسه لين غابت ، وانتثر ليله كثر ما كان وسعة بال كيف يصير ضيقة بال ؟ وكثر ماكنت محتاج الدعاء لكني ادعي له وأنا وشلون ألومه والملامة ترخص الرجال وأنا اللي حاذف روحي على صفة مضاليله كتاب الرافعي وحي القلم والمسبحة والشال هي اللي باقيه لي يا ترى وش عاد باقي له ؟ عساه يشوفني عابر سبيل بشاشة الجوال يكفيّني لو إنه قاطع عني مراسيله شعوري في فراقه شي لا يكتب ولا ينقال لكم عنوان جرح ماقدرت أشرح تفاصيله .

يا ضيقة خاطري خلي سبيلي عاد وش تبغين ؟ بدوّر لـ السعاده دامني .. على مشارفها ⠀ عطيتك كل ما يرضي غرورك من دموع العين و باقي دمعتين .. غاليه ماني بـ ذارفها ⠀ مقهقرها ورى ستر الجفون و عادني بعدين بنطّحها مقادير تصادفني .. و أصادفها ⠀ هي الدنيا كذا في طبعها تلعب على الحبلين ليا اقفى سعدها فـ ارجها و ليا اقبلت خفها ⠀ خلقنا الله من طين و قبل لا اكون تحت الطين بدرّج خطوتي عن زحمة العالم و أخالفها ⠀ أنا قرّرت اعيش العمر كله لو يدوم سنين احاضي وردة من حُبها .. ما ودي اقطفها ⠀ يا ربي جعلني ما اذوق فرقاها اللهُم امين عيوف لو بعيف العافيه ماني بـ عايفها ⠀ كثر مالله عطاها من حنان و من قبول و زين كثر ماهي بـ تكبر في عيوني من مواقفها ⠀ خذتني من محيط الحظ الاقشر و الزمن الشين على أول شبّتي لين اغدقتني من عواطفها ⠀ على ايديها عرفت إن السعاده في غرام ثنين علاقة حُبهم ما فيه غير الصدق ينصفها ⠀ جعل تسقى بدايات الغلا و الحُب ذاك الحين و تسقى قطعة ابيات لقانا في طوارفها ⠀ تفرقنا الظروف و نجتمع عقب البطا شفقين على اول فرصة تسمح نحاول ما نطوّفها ⠀ ترفّ قلوبنا .. و اول ملاقانا عناق يدين تحت شلال ليل ما يضمّه غير معطفها ⠀ شوي شوي لين اضيع بين ايدينها الثنتين و احسّ بنشوة والله ما اعرف كيف اوصّفها ⠀ على الصدر الحنون انام من شوق ضناني لين يصحّيني صدى صوت تدافق من شفايفها ⠀ توصّيني تقول الوصل خله في رقبتك دين ترى الايام ما تترك رداها و انت عارفها ⠀ و أنا عاهدتها .. مابور فيها دامنا حيّين لها وجهي لو تبور الولايف في ولايفها ⠀ ترى حُب يغذّيه المواصل و الجناب الزين حياة ثانيه .. من ذاق لذّتها – يوالفها ⠀ و ترى بنت الحصان النادره ما تقبل التهجين و خيّال ما يملى عينها ؟ ماهو بـ عاسفها

أجيك بـ لهفتي و أروح في عيني بريق دمُوع و أكابر و المكابر في حياتي شبه " روتيني " تطمّن يا حبيبي لا تقول وصالنا ممنوع و أنا في كل يوم ألقاك بين دعاي و آميني تمادى فـ الطعون الخضر ما دام العتب مرفوع ترى قلبي مَلاذك — لا نويت تطيح من عيني

رفيف التعب قد مرّه الليل والترحال على وجهة الايام سااري و متخفّي قديمٍ يشوف ان المساعي طويلة بال مثل ليلةٍ فيها التعااليل ما تصفي سماك التحايا و التباشير و الآمال وثراك المدى اللي شايفٍ فـ آخره حتفي يجوز انك اول ضحكةٍ لـ الزعل تختال معك مبسمٍ عن جرهد البال ماا يقفي

جل من خلا النظر في ملامحها ذنوب ذا وهو مافيه طهرٍ مهي تستوطنه من نحرها تشرق الشمس وتموت الحروب والسلام يعم ، والخوف يفقد ديدنه والطيور تودع الغصن والظبي اللعوب لو يعرض .. كل طراد صيده يمنه يستريح الليل في شعرها من كل صوب مثل مايرضى القضا ، كل نفسٍ مؤمنه .

- اعترفت إني قتيل سهوم عينه يوم هل الغيث من روس القنوفي .

سلامي على المتحكمة بزعلي ورضاي وعلى الغرة اللي طوقتني على غرة ولا هان عودٍ شوفته تِطلق محياي نسيم الهبوب يداعبه كل ما مره هذي جرته في مرتع الصدر رايح جاي من أبسط حقوق الحرّ خطواته الحرة يامحبوبتي لا زال كوعي على مركاي تحلويت صكات الليالي وهي مره

سولف وخل السالفه كلها همس مثل الطريد اللي يتمتم بـ جرمه نفسي من التفكير والخاطر العمس ما عاد يجذبها على شي خرمه حط السهر جفني مرادٍ له من امس كنه معَ جفني ذبح شاة غرمه صارت تغيب الشمس وتسفّر الشمس وانا على عيني من النوم حرمه

مامعي حيله عشان تقول ذاخرها عنْك .. ياحلمٍ تطاولته ولا نشته الحياه بكبرها .. هي و مشاعرها ماتجي ربع الشعور اللي معك عشته .

- من ضغوطات الحياه احتاج دعوةٍ مستجابه لين أحقق حلمٍ أشوف القدر بيني وبينه .

غيداءٍ سهم عينها من قوّ تأثيره مخسرٍ سوق الأسهم عند الإغلاقي ما زيّن أخلاقي الطب بعقاقيره لولا عقاقيرها ما زانت أخلاقي - مدغم ابوشيبه

تبعثرت مجمل الاحلام قدامي وفقدت روح الامل مع روحي المرحه واللي مخليني ازهد تالي ايامي بكيت من كل شي الا من الفرحه

- الهوى والقصيد ، وحزني ، وخوفي كان ما هي لأجل ضحكتك من لأجله ؟

يا زلال الكيف من خمرة الصفرا الربيب قندي راسي بخمرك عشان استطعمه ما عليك من الليالي تجيب اللي تجيب قد بكينا حلمنا الواقع الله يرحمه اسرقيني من حنين الوطن عند الغريب شاعرٍ قد جف صوته ولا جف قلمه ان بغيتيني طفل وان بغيتيني حبيب وان بغيتك شاعره وان بغيتك ملهمه لا تبدين المعاذير للقلب الصويب والله ان حتى الخطأ من سموك مكرمه طعنتك في جوفي الذ من شخب الحليب شخب معطارٍ على حوارها مترزّمه كثر ماني باتمناك واخاف النصيب التزمت الصمت بين الحكي والتمتمه سدي وسدك على غاية انفسنا قطيب والهوى يعتاش بين السدود المبهمه

- انصرم صرم عود ٍ شاويته الذواري واختلا بـ الدموع ان باغتته وذرفها ):

التعب في بعض الاحيان ماهوب مخلوف يتعب الرجّال نفسه ويسري ويغدي إلّا مسرا الحب والشوق مع ذيك الهنوف اللي منطقها يـ لبيه ولّا يـ بعدي وانا ارد الهرج واقول من قلبٍ شغوف " أنت مدري سيّد الغيد ولّا سيّدي ؟"

ما ودّي أجرح عنقها الوضّاح والقدّ الرهيف وأنا وعد ضحكة ثناياها ، وأنا موعودها غيدًا يباريها النسيم العذب ويدفّ القنيف كنّ الهوا الغربي هواها والسحاب حدودها عيّت تخلي للحيا طاري وللنسمة مصيف إلا ، على جرّة مواطيها وحُمر خدودها .

الرسوم الناعمه والجمره المعسوله والرموش الفارسيه والعيون الخدّر والخدود اللي من ألوان الغسق مغسوله والجبين اللي مثل ضي البدر لا بدّر من بيوت المشيخه والرايه المحموله والأصايل ما تحب إلا الحرار الندّر .

الله خلقك من القمر ولا من الوحي المبين ؟ ولا من أنسام الهوى ولا قراحٍ لـ الضمّا ㅤㅤِ الظاهر انه خالقٍ وجهك ووصفك مرتين واحد على وجه الثرْى والأخر في كبد السما .