شیخ محمد قاسم خالد

١/٤ د اسلامي امارت د مشرتابه محترم مقام د ځانګړي شفقت او مهربانۍ له مخې رسنیز فعال جنرال مبین له بند څخه ازاد او خپلې کورنۍ سره یو ځای شو. د اصلاحي نظامي کمیسیون رییس شیخ محمد قاسم خالد صاحب، د سرحدونو، قومونو او قبایلو چارو وزارت د جرګو معیین مولوي محمد علي جان احمد صاحب، د

لیلة القدر کومه شپه ده؟

د کورنیو چارو وزارت د نشه‌یي توکو پر وړاندې د مبارزې معین په قطر هېواد کې د اسلامي امارات له سفیر سره وکتل. دوشنبه ۱۴۰۴/۸/۲۰ ه ش د کورنیو چارو وزارت د نشه‌یي توکو پر وړاندې د مبارزې معین شیخ محمد قاسم خالد په قطر هېواد کې د اسلامي امارت سفیر محمد سهیل شاهین سره په خپل کاري دفتر کې لیدنه وکړه. په دې لیدنه کې ښاغلي خالد د د قطر هېواد سفیر ته ښه راغلاست وویل او د نشه‌يي توکو د مخنیوي په برخه کې د شویو پرمختګونو په اړه معلومات ورکړل. د نشه‌يي توکو پر وړاندې د مبارزې معین وویل، چې اوس مهال هېواد کې د نشه‌يي توکو کښت، پلور او قاچاق صفر ته راټیټ شوی دی او په بشپړ ډول د دې پديدې له منځه وړلو لپاره موږ ګړندۍ هلې ځلې پیل کړې دي. همدا راز زیاته کړه، موږ له نړیوالو نه غوښتنه کوو هغو بزګرانو ته چې د کوکنارو کښت یې بند کړی او د عایدو نورې منابع نلري، بدیلې پروژې پیل کړي. په قطر هېواد کې د اسلامي امارت سفیر له نشه‌یي توکو سره قاطعانه مبارزه د ستاینې وړ وبلله او دا یې د اوسني اسلامي نظام له مهمو لاسته راوړنو څخه وبلله. ښاغلي شاهین وویل؛ اسلامي امارت ژمنه کړې وه، چې د نشه‌يي توکو کښت، پلور او قاچاق به د صفر تر کچې کموي او اوس مهال دا ژمنه پوره شوې ده او نړیوال باید را مخته شي د معتادینو علاج او بزګرانو دبدیل عاید په هکله مرسته وکړي. ښاغلي شاهین زیاته کړه، چې له نشه‌یي توکو سره د اسلامي امارت ګړندۍ مبارزه نه یوازې هېوادوالو ته بلکې نړیوالو ته هم د ارزښت وړ ده او اوس مهال په نړیوالو ستېجونو کې یې هم مثبته یادونه کیږي. د نشه‌يي توکو پر وړاندې د مبارزې معینیت رسنيز مرکز

د کورنیو چارو وزارت د نشه‌یي توکو پر وړاندې د مبارزې معین د UNODC موسسې له استازو سره وکتل. سه شنبه ١٤٠٤/٨/١٣ ه ش د کورنیو چارو وزلرت د نشه‌یي توکو پر وړاندې د مبارزې معین شیخ محمد قاسم خالد د UNODC موسسې له رییس پولیاک دیوان  سره په خپل کاري دفتر کې لیدنه وکړه. شیخ محمد قاسم خالد په دې لیدنه کې له نشه‌یي توکو سره مبارزه او د روږدو کسانو درملنه د اسلامي امارت مهم لومړیتوب یاد کړ او زیاته یې کړه، چې اسلامي امارت په نشتو امکاناتو سره تر ډېره د نشه یي توکو مخنیوی کړی او د مبارزې په برخه کې یې ډېرې لاسته راوړنې لري. د نشه‌يي توکو پر وړاندې د مبارزې معین د یادې مؤسسې له استازو څخه وغوښتل، چې د روږدو کسانو د درملنې او بدیل معیشیت په برابرولو کې لا ډېره مرسته وکړي. ښاغلي خالد وویل؛ د کوکنارو د بدیل معیشیت لپاره په پلان کې لري، چې د هېواد په لویو دښتو کې د مېوه جاتو او نورو حبوباتو کرکېله وکړي او دا پلان د ملګرو ملتونو په مرستې سره لا ډېر اغېزمن کېدلای شي. د UNODC موسسې استازو د نشه‌یي توکو پر وړاندې د مبارزې په برخه کې د اسلامي امارت ژمنتیا او سترې لاسته راوړنې وستایلې او په دې برخه کې هر ډول مرستې ته چمتوالی وښود. دوی په خپلو خبرو کې وویل، چې غواړي د روږدو کسانو د درملنې او د کوکنارو د بدیل د معیشیت برابرولو په برخه کې مرسته وکړي. د نشه‌یي توکو پر وړاندې د مبارزې معینیت رسنيز مرکز