qatum

ما يخليك تجتهد وتضرب الارض عرض وطول وتتحمل خيبات الزمن وتعيد الكره الا رجاوي " امك فيك " فـ يارب اكرمني وفرحها .

بلشت في حظٍ على الطيب شحوح الظاهر ان الحظ للطيب ردي .

يروادني شك ان ضلوعي متكسره لان مستحيل كل هالهم وسطها وما زالت صامده - ان كان ما اشك به صحيح وما علمتني فهي كسبت فيني جميل .

دكتور لو كان طلاب الغرام استحو ما كان شفت الهواوي لا تذكر مشى اهل الهوى عن ملذات الحياه انزحو ولا انت قلبك على حب المصالح نشى اكثر تلاميذك اللي فالكلاس افلحو وانا تركت الغدا من سبتك والعشى تشرح لي الضمة اللي ف كتاب النحو وتطري لي الضمة اللي مع لطيف الحشى

اللـي بعـد ماغـاب عنـكـم بكـيـتــوه كـم صـار لـه مـعـكـم ولحـدٍ درابـه ياليتـكـم ملتـوا عـلـيـه وسـألتـــوه ســؤالكـم يمـكـن يغـيّـر جـــوابــه لكـن خذيـتـوا كـل شـي وتركتـوه لضيقـــتـه ولعـزلـتـه واغـتـرابـه اليـوم بـس اليـوم يعـنــي فـقـدتــوه وهو له سنه من يوم ما اقفت ركابه لو كان فيكم خير كنتوا ذكرتوه قبل الزمن يسرق ملامح شبابه يعني عشانه ما اشتكى ما سمعتوه ! هذا الخطأ اللي ما حسبتوا حسابه ما قد عرض شكواه حتى على أخوه وشلون اجل يشكي عليكم صوابه ؟ طبعه يموت ولا ألحق الغيم مشروه عــزة ظـمـى .. ولا مـذّلـة سحـابـه ؟ جنب .. عساه مجار من كل مكروه راسه عزيز .. وراس ماله ثيابه وعفّة يديه اللي خذاها من أبوه و صبره على جوعه وقلّة زهابه خلّه يتوه بكيفه احسن ولا يتوه بـ يدين ناسٍ شرعها شرع غابه الذيب فيها من سلك درب مشبوه واللي ما هو ذيبٍ كلته الذيابه يا ما أنبنا من حلم فينا وهدّوه وقتٍ غريب وناسه أكثر غرابه صح القناعه كنز .. لكن هم أفنوه و حتى الأصابـع علمـوها تشابــه ما دام صوتك من ورى الباب مسفوه يا ريـح هـدّي باب مـن سـدّ بابــه والصاحب اللي غاب لو هم تناسوه قـولــي لـهـم لا يفـرحـون بغيابـه هـم حصّـلوا في غيابه اللي تمـنّـوه مير الوعد لا من برى من صوابه

التضحيه .. مالها معنى مع الجاحد و الناس نوعين جحّاده .. و ممتنّه تدري وش إللي يكدّر خاطر الواحد ؟ إليا تعلّق .. بـ واحد " ما درا عنّه "

من متاهات الشعور الفوضوي حنيتك وانت لين الحين ما رسيتني في برك ! قلت لك هذا مكانك فـ الضلوع وبيتك جاك خيري يا حبيبي ليه جاني شرّك ؟ لو تخليني لجّور الوقت ما خليتك ما تعرف البر رغم اني سنين أبرك بس مره حاول تجيني مثل ما جيتك لو تسويها فقط بقول ( لله درّك ) وان رفضت الله يلعن طبعك وتربيتك ويلعن اللي يذكرك والا يزيد يمرك qatum

كل ما أسمع من يقول التجربة حلوه .. ومرّه قلت يا انسام الصبا لو تسمحين إخذي و هاتي ( الغلا ) في داخل ضلوعي و في عيني مقرّه يا الفريد : إللي سطا حبك على عقلي وذاتي أنت من حبيت خيره .. وأنت من حبيت شره و أنت من يطري علي من وين ما تطري غناتي الجمال إللي طلع فوق الثراء ( مطلاع درّه ) من يلوم إللي ليا شاف الحلا سوا .. سواتي كل يوم .. أصافح ( طيوفك ) غلا مدري مبرّه ووين ما لديت أشوفك وجهتي ف أربع جهاتي ما قدرت اعيش ( لذات الحياه ) المستمرّه لا بغيت أواكب الحاضر رجعت .. لـ ذكرياتي كل حاجه معك ؟.. ما تسوا لها مثقال ذره كيف لا ، وانا على شانك زهدت فـ تضحياتي المكانة ؟ ..ياحبيبي في ضلوعي مستقره ما يحركها المطر و الريح !.. لو الريح عاتي يوم جيتك جيّت اللي يدري إن الموت مره تاركِ من خلفي الدنيا !.. وأهلها و أمنياتي ايه و اللي نفسي ب يده .. ورزقي و المجرّه انك إللي تستحق أفضلك عن ( مغرياتي ) مستعد أفرش لك الفرحه و البسك المسرّه بس أبي تحفظ غرامي زين " يا زينة حياتي

احيانًا يكون الضعف ماهو في شخصك ولكن في موقفك ، تخيل انك لا تخشى المواجهه دائمًا ولكن تتفاجئ في يوم ان " عدوك حبيبك " هنا تستسلم للسكوت الغير معتاد وتبدل الانتصار الدائم بالهزيمه على شانك مُحب وردد هالبيت لعله يكون عزائك : حنيتك من الكلام الموجع الجارح وسكت وانا ما عاش اللي يسكتني !

ما اخاف تحقيق حلمي يوم يتأخر اخاف حلمي يموت بيوم تحقيقه

أحبّك كـنّ ما قبلك عزيز ولا سواك شعور لو إن الناس مرّتني - أحبك - من حناجرها كأنك أرض تأويني وكنّ العالمين بحور وكنّي شعب ما يقدر يسافر . . أو يهاجرها

" محتاج فرحة تبكيني من الفرحة "

فيه ناس انا اسميهم ( القهوة البشرية ) لاني اذا سولفت معهم اروق جدًا

الكلام المختصر بيننا مافيه روح انعشي عرق التفاصيل في حرف ابجدي ❤️

يا سارق الضحكه ترا الحال مفضوح صاير تشوف ان التعدّي .. ميانه يا كثر ما تخطي وانا اقول .. مسموح وترجع علي تكرر ... الاسطوانه امانتك .. قلبي مهو حاجة جروح خون الشعور ولا تخون الامانه اغرقني الطوفان يا سيدّي .. نوح ما للمحبه ... فالسفينه حصانه كنّه موصىّ يجرح الروح والروح ما عاد فيها .... للتجاريح خانه ليه انتظر ... دامه يجي يوم ويروح اللي يروح ... اجيب غيره مكانه فواز بن عواض @fapoett

اعتبر كل القصايد خطأ ساعي بريد جاء يسلم ظرف سرّي و لكنه أنتشر

ضاق بالي و الطواري مؤسفه .. و الجو هادي وش يسوي من يعيش العمر بـ النفس الكريمه راحت أحلامي ضحيّه من سبب لحظة عنادي لين ما صارت حياتي كنها مسرح جريمه ودي أبلغ حلمي الزاهي .. قبل يوم التنادي خايف إن الحلم يصبح مثل نارٍ في هشيمه عند عزة نفسي أصدح .. لا شداد إلا شدادي العزيز يموت ما يترك غرام شداد ريمه كل شخص من البشر عنده قناعات و مبادي ليه آساوم من يشوف إن وجهة دروبه سليمه أدري إن الناس مابين التصاحب .. والتعادي بس عيب إللي ليا خاصم ينقص من خصيمه عشت بين الفوضويه .. والشعور آللا إرادي وذكريات العمر تجرح قلبي و تطعن صميمه

صباح الخير ، أمّا بعد : "المشاعر التي تغيرت بسبب الإدراك لا تعود، لا تعود أبدا" -دوستويفسكي

كل فجرٍ بلا طاريك ما له طلوع وكان للشمس كلمة ؟ ما كأنه طلع لو حبست القصيدة في مدار الضلوع كم حربٍ وسط صدري تبي تندلع ؟ ضاعت أغلب أمانيي عشاني قنوع لكن أكره شعور الانتصار بجشع العطاء تحت سقف التورية والخشوع ما هو مثل الشعور الكذب والمصطَنع انتصفت المسافة ما بدربي ربوع ولا تبعني رفيقٍ لي .. ولاني تبع آخ صعب الوصول واخ صعب الرجوع و التوجّد على اللي فاتني ما نفع بين خوف التفرّد وارتباك الجموع مات حلم الحياة بنظرة المجتمع يا بداية مُحمد .. يا نهاية يسوع كان حلم الرسالة كل عقلٍ يشع المشاعر عطاشى و الليالي تجوع بين شح الحياة ومغريات الطمع إن نشرت ابتساماتي تغار الدموع ولو عطيت المناحة وجه / ما لي سنع وإن تركت الأصابع للقصيدة شموع أنكسر في ثلاث أرباع و أبكي ربع