𝐎𝐜𝐭𝐨𝐛𝐞𝐫

وانا اللي كل ما قالوا تطيح من الحمول متون وقفت بـ وجّه ثورات الظروف وموجها العاتي ولأجل أبقى على هذا الشعور العاقل المجنون كفرت بكل خيبات الزمان .. وآمنت في ذاتي

سلامة رماحك اللـي جرحها غـالـي طعنتنـي غاضب لين إنكسر رمحك ولو قلت لي كان أجرّح حالي بـ حالي لا عاش قلبٍ جزع وارتاع من جرحك

ولو تحس بضيقتي مثقال ذره كان ماخليتني حسب اعتقادي من فقدتك ياحبيبي والمسره فارقتني وطار من عيني رقادي عادي اترك كل حلوه وكل مّره لكن اني اتركك ماهو بعادي كنت انادي في غيابك واتحره راح صوتي ولا حياه لمن تنادي

لا ضاقـت الدنيا قل .. الحمدللـه حتى ولو إنـك مـن الوقـت ، هايـم ٰ ما خاب منهـو يحسن الظن باللـه وما ضاق صدرن يذكر اللـه دايم

معاكم حق يـ اصحاب المشاريه ذا الايام انا ان ماقدرت انفعك .. لا ارسل ولا اكلّم مـ اعرف اعتذر من عاد عمري ثمان اعوام وانا داري انه عيب ..: لكن من تعلّم !! ابي لي رفيقً... مثل رفيق ابن وسام ( اذا طبت علم / وان ترديت ما علم )

ماعاد عندي من سمان المعاذير غير الخطوط ، اللي على بطن كفّي وباقي عشان آنساه.. عمر و مشاوير والخطوتين اللي معي ، ما تكفّي

معاك أحب السوالف . . و أكره الأختصار أنا فدى صوتك الهااادي . . مزيييل الكدر ولا تخافين من هجر . . وحزن . . وإنكسار ما أنتي مجررد غرام ؟ انتي قضاء و . . قدر

كلهم شافوك واحد بس انا شفتك وطن والله انك في عيوني كل كوني والحياه لو يشوفونك في عيني شافوا ان مالك ثمن يا غناة اللي يدور من فقر عمره غناه انت ضحكات الأماني وانت لذات الشجن وانت دعوة والديني من بعد فرض الصلاة .

ضنوا أن الصمت في وجهي رضى مادروا بالصمت في وجهي جدال نظرتي أوسع من حدود الفضى والسكوت أبعد من حدود الخيال شف على كثر الكلام اللي مضى ماعطيت مدوّر الزله مجال من نوى صدي ف أنا جمرة غضى ومن نوى وصلي ف أنا ماء زلال

شتّان بين الواقع اللي نعيشه و أحلامنا اللي مثلنا : ما تجرّا ! الحلم من صدرك لحدّ الدريشه و الضيق من حدّ الدريشه و برّا

شفت حزنك كيف حزنك شافني !! كيف داهم خلوتي فـي لحظتيـن ... طير أنا مثلـك زمانـي ضامنـي جرحتني مثلك سيـوف السنيـن !!

من كثر ماكنت قاسي انا اشوفك سموح كل حاجه منك شينه .. انا جملّتها حتى تلويحتك يومك توادعني وتروح انت ما لوّحت لكن انا اتخيّلتها .. !

وأذا سألوك الناس عنَي قول مدري حتى لو أني مخليك .. ومخليني أسرارنا ماتبي الا صدرك وصدري خل اللي '' بينك وبيني ، بينك وبيني لو تدري أنك في عيني .. خلّها تدري لكن لا يدرون أنك طحت من عيني !

على كثر ما أشوف ان يدينك تشح دواي أجيك الحزين اللي من الهجر مستدرك ⠀ و مع إنِّ الزمن في كل ليله يجيب اقصاي لكنّي ما اعرف اهين قدري ولا قدرك ⠀ لو تغيب يكفي شوف طيفك على يمناي ترى لك بصدري شي ماهوب في صدرك

اخذ المسافات والايام " سكة عبور " الضحك لك .. والمضرّه والمشاوير ليّ الخوف ماهوب من حاجه ولا من شعور الواحد الحين صار يخاف من كل شيّ !

تاهت مواعيدنا وانتظرت القمرا وشيب عيني من القمرا وطاريها يكتبني الشوق في خد القدر واقرا تلويحه العشق للعاشق واغنيها

للمحبة حدود وحبي لك سما والسما لو تعرف أبعاد وحدود ما جريت في دمي وعروقي كما تسبح الأفلاك في عرض الوجود

مروعنيَ الوقت لو ياخذ طموحاتي وتروعنيَ الناس في صدمة مباديهآ ؟ بارد ولا شئ ,, يلفت أنتباهاتي ! تمرني أشياء ماتمشي وأمشيها مسكر أذني ، ومقلل علاقاتي ' تتساقط الناس من عيني وأخليها .

ودعتك الله .. مابقى شي ينقال ،، الا انك أجمل شي غاب بحياتي

من يقول الكذب حبله قصير ؟ نص عمري راح وانا مصدقك ..

. من كثر ماأحس بالشي ، انتمي له بيني وبين أجمل أشيائي توافق . و كل ضحكة دايم بعيني .. جميلة لكن أكره ضحكة الوجه المنافق ! .