عـذّبه

غزالٍ جريح والقصيد يداويه .

« لم أبُحْ بالوداعِ جَهرًا ولكنْ كان جَفنِي فمِي — ودمعي كلامي» —أبو فراس الحمداني وعن رهبة الوداع يقول ضيدان : « قالت فمان الله لي سبع مرات وأنتي بحفظه ما نطقها لساني »

يارب اجبر قلبي جبراً يتعجب منه أهل الأرض وأهل السماء.

اخاف لا اخسر حبها العف ، وتروح للي مايسوى خصلةٍ من شعرها - جابر النشيرا

"بين درب الرحيل وخطوة المستريح دمعةٍ كنت آحايلها ولا أحتلتها تعتذر عن وقوف وتعتذر عن مطيح وأعتذر للحياة اللي تخيّلتها" - مشاري محمد

«لو تجوب البسيطه و تعبر ما بين دار و دار ما تلقى مثل قلبي لو تشوف عيونك اشباهي» - فهد بن بجاد

لو أن الفقد حسّ بحسرتي يوم دمعي سَاح ما حصلت الوسَادة حزنها يسهّر على شاني سَواد الليل بعيُوني زرّع خوف وقطَف مصباح تعبّ عُمري بعد عُمرك يدُور له عُمر ثاني يا مالّ الجنة الباردة

بنتٍ كساها الدلال وغنجها ما يُطال ما يلـمس الزعل خدّها لو يثور العنا تشبه غزالٍ توارى بين ورد وظلال تمشي وثوب الحياء من خلفها ينثنا

تدلعي بالزين يا عيون الغزال منتي بحاجة مدح ولا معلقه أنتي وصوفك غير ولا من خيال تغرين قافي كل ما جيت أطرقه أنتي ملاك الزين يا تاج الجمال أنتي مثل شمس الصباح المشرقه لبى الحلا لبى الدلع لبى الدلال يا زين حرف أسمك ومحلا منطقه

عشان تشوف قيمة غيبتي وتقدر حضوري تركتك والليالي السود تكفي يا ابيض الغره بدأ دور الليالي ولا انا معك انتهى دوري ومعك م عاد تنفع شرهتي وحكاي بالمره فمان اللي زرع حبك بقلبي وأصدق شعوري وانا شخص ليا ترجم شعوره ينكشف سره

خلني أعيش وياك من دون أنقطاع للموادع ما بقى لي شعور ومقدره ما حرمنا من بعضنا يا كود الأندفاع أندفاع الحب يهدم بيوت معمره خايف أحبك وأقابلك في باب الوداع لأن قلبي كل ما حب له شي يخسره.

«خيبت ظني مع إنك طيب وغالي وأقفيت منك وأنا مخذول وأغني حتى لو أرجع على اللي ضيقو بالي لا يمكن أرجع على اللي خيبو ظني» - خالد بن مبارك

"بعد كثر التجارب فـ العطا والحُبّ أنا واجد .. على واجد من العالم" - فهد الحمّاد

« ماغير أشيل مسباح القلق وأعدّ حبّاته »

من يخفّف وطأة شعور الغرام ويستبيحه من يريح خاطري لا بات متكدّر وحاير ؟ - تساؤل

عَفى الله عن كلامٍ في حنايا الصدر ماينقال تركته لـ الزمن لو هو ثقيل و جمرته حيّه وعَفى الله عن همومٍ ما تخلي مستريح البال يعيش أيام عمره في صفا ذهن وصفا نيّه وعَفى الله هواجيسٍ توقف بي على الإطلال تعيد الذكريات اللي مع الأيام منسيه.

ويا حظ قلبٍ ما تحرك من الشوق لا هزّته ذكرى ولا أشقاه طاري*

يا رب أيّام نعيش فيها شعور من قال: "و أشرقت أيام عمري وانتهت قصّة أساي"

أحب الحنيه بالكلام والعذوبه مثل اللي قال : « أنا لو شلت همّك فوق همّي ما تثاقلته » ❣️

عبادي يوم قال: "لو تبيني كان تسأل واللي يسأل ما يتوه" وضّح لنا إن اللي يبيك ينعى لك ويسأل ويدوّر عليك لين يوصل لك,أما اللي ما يسأل ولا يحاول اعرف إنه ما يبيك مهما لوّن كلامه بالعذوبه "تبقى الأفعال هي اللي تقرر مكانتك."