Rahim Sekander

هغه پروژه چې پرانیسته یې نمایش بلل کېدل👋 ټاپي پروژه په افغانستان کې د ۱۵۳ کیلومترو له جملې تر هرات ښاره ۸۷ کیلومتره بشپړه شوې. د دولتي شرکتونو مسوولین وایي: کله چې پروژه تر هراته ورسېږي، په لومړي پړاو کې به د افغان ګازو وېش صنعتي پارکونو او برېښنايي پروژو ته پیل شي او وروسته به عامو خلکو ته هم وغځېږي. د برېښنا شرکت مسوولین وایي: له ترکمنستان سره د ګازو د بیې پر روستۍ کېدو خبرې روانې دي او تر هغې وروسته به د ګاز سټېشنونو او د برېښنا د تولید لپاره عملي چمتووالی ونیول شي. لنډیز: ټاپي/ TAPI پروژه چې د ګازو پایپ یا نل‌لیکه ده، ۱۸۴۰ کیلومټره اوږدوالی لري، ۲۱۴ کیلومټره ترکمنستان کې تېر شوی او ۷۳۵ کیلومټره افغانستان کې تېرېږي. له ترکمنستان هېواده راشروع چې اوس مهال ۱۵۳ کیلومتره جوړېدل پلان کې دي، کله چې افغانستان کې بشپړه شي بیا پاکستان او هند ته د ګازو لېږد لپاره غځېږي. دا چې د افغانستان پر ځمکه تېرېږي، ټکس یا کرایه به یې هر کال ۴۵۰ ملیونه ډالره د افغان دولت خزانې ته ورکوي. ورسره به ګاز هم افغانستان ته ورکوي، ۳۰ زره افغان کاریګر او ساتونکي به هم په‌کې بوخت وي. دا ګازو تر څنګ د ۵۰۰ میګاواټه برېښنا انتقال، ریل پټلۍ، سړکونه او نورې اقتصادي پروژې هم په‌کې شاملي دي. دا پروژه چې د سردار داوود خان واک مهال ډېزاین شوې وه، په ۱۹۹۷ع کال تېر امارت کې د خارجه وزیر مولوي وکیل احمد متوکل او د ترکمستان خارجه وزیر مرادوف سره لاسلیک شوې وه، بیا تېر جمهوریت مهال په ۲۰۰۲ کال، بیا ۲۰۱۰، بیا ۲۰۱۳ او بیا د ۲۰۱۸ کلونو کې خبرې او د پرانیستې مراسم ترسره شول، خو عملي کار نه پې کېده. دوهم ځل چې امارت راغی هم تقریبا درې‌نیم کاله پاتې وه، خو بالاخره ۲۰۲۴ کال د سپټمبر په ۱۱مه له افغان رئیس الوزرا سره لاسلیک شوه. دا چې څو ځله لاسلیک او پرانیستل شوه، د افغانانو او نړیوالو باور یې هم ختم کړی و، ویل دا هسې نمایش دی، مګر الحمد لله نن د یو کال نتیجه ګوره چې ۸۷ کیلومتره غځېدلې ده. ګټه یې؛ د سون توکو ارزانېدو او کاري فرصتونو پیدا کېدو ترڅنګ له اسیایي هېوادونو سره پُل/ اړیکې جوړېدل یې بېګ ټارګېټ دی. ان شاءالله دا اې‌ون دسترخان بلکل کشول غواړي یارو.