Sabitlenmiş Tweet
وجوم
328 posts
وجوم retweetledi
وجوم retweetledi
تجربتي مع ٢٣ دكتور من مختلف التخصصات رحت لهم بخصوص أعراض عدم الإتزان وعدم القدرة على المشي والدوخة والدوار والطنين وألم الأذن المزمن والشديد. كنت أبحث عن جواب لحالتي كان تدهور ملحوظ وسريع صرت عاجزة وفقدت مهارات الحياة الي أقدر أسويها وأنا طفلة، كنت أتنقل من دكتور لدكتور متوكله على الله متأملة معرفة السبب.
من ضمنهم ١٢ دكتور بين تخصص أنف وأذن وحنجرة و تخصص المخ والأعصاب، طيب كيف كان تشخيصهم لشخص تعبان ما يعرف وش فيه فقد كل قدراته وجرب كل الفحوصات والأشعة وعاش لحظاته بين الأمل والخوف يترقب النتائج حتى وصل لمرحلة يخاف من جملة نتائجك سليمة! أجل وش فيني؟ كنت أروح لهم منهكه نفسيًا وجسديًا أبي أحد يفهم حالتي؛ وهذا كان بعض من الي عشته في غرف الدكاترة:
١-تتعاطين؟
٢-ودوها دكتور نفسي
٣-الله الله! ليه بعربية؟ لهذي الدرجة ما تمشين
٤-تقرين قران؟
٥-كم عمرك؟قلت ٢٣؛ مم طيب ما تحسين توك صغيرة على الأمراض؟
٦-تتدلعين على أهلك
٧-دكتور خلاني أمشي وانا واقفه بمكاني ومغمضه دخت أكثر وجسمي يميل لليسار أحاول أثبت نفسي لكن طحت قال وش دعوه وش دعوه! حاولت أستجمع نفسي وأجلس بمكاني واتنفس واشرب مويه واستوعب الوضع كامل قال مم شكلك تتدلعين على أمك
هذا كله بعد ما اختبروني قدامهم مشيي غير متزن عضلاتي غير ثابته وتهتز الخ.
هذا الي أتذكره وجتني ردة فعل من الدكاترة لحد الان، حجز المواعيد ثقيل علي ومواجهة الدكتور تقلقني لأنهم زادوني مرض. الروحه لهم أصعب من الي أعيشه.
بالبدايات كنت متشخصه بالتهاب عصب الاتزان وخلال ٦ سنوات كنت كل سنة أروح لدكاترة بعدين فقدت الطاقة ورضيت بحال ماله اسم وسلمت أمري لله وظني فيه كبير، وحده الي أوجد هالداء بيسخر لي الدواء وهو رب الطب ورب العباد ويهب العلم لمن يشاء قادر أن يهب الدكاترة ما يشاء من العلم دعيت يارب هب للأطباء العلم والمعرفة بحالتي وسخر لي دكتور يفهمني بدون ما أشرح ويشخصني التشخيص الصحيح بالوقت الي كاتبه لي من غير شر. ٢٠٢٥ عطوني اسم دكتور ممتاز أنف واذن وحنجرة ورفضت وانهرت ليه أرجع ورا؟ كأني أبدأ من جديد تعبت كثير والغيته ما كنت كذا لكن فاهمه مرحلة الاستنزاف الي كنت واصلتها، بعد ما سويت الأكشن هذا كله كنت أصلي بالليل وأدعي بعدين من نفسي دخلت وحجزت نفس الدكتور وقلت أنا مستعدة أروح، ليلة الموعد بديت أنهار والليل كله أصيح وأحس روحي بتطلع كلمت أخوي يجي عندي وشرحت له كل شيء وأنا يا اخوي أبغى اروح بس أخاف يقول لي مافيك شيء والنتايج سليمة ساندني وتصبرت ولا ألغيته وخلاص أبي أروح الحين وأخلص بسرعة رحت مواصلة،تدرون إذا جلست أعدد الأعراض وش كان يقول لي؟ اسكتي أنا أسألك وجاوبيني، كان يعدد لي الأعراض الي فيني بالضبط وأعراض ما أقدر اوصفها بنفسي لأول مرة ما احتجت أشرح نفسي وأثبت إني مريضة. عرض من الأعراض خلاه يفهم حالتي واستبعد كل مرض يتعلق بأنف وأذن وحنجرة وحولني لدكتور مخ وأعصاب متخصص بحالتي حجزت على طول ورحت من بكرا وتشخصت شقيقة دهليزية. طلعت من عنده بصمت تام رحنا نصلي المغرب جلست وبدت دموعي تنهمر بدون سيطرة تركت امي السجاده وجت مسرعه وش فيك غادة قلت لها مستانسة إني تشخصت قالت الحمدلله أحسب الدكتور ما جازلك
حاولت أهدأ وأروح أغسل وجهي بس صرت أشاهق بين الأسياب صياح السنين كله طلع لكن المرة هذي راضية فرحانة شاكرة لله أمشي والسنين تمر قدامي الأسياب ذكرتني بانهياري بينها بعد ما طلعت من الطبيب السابع ضايعة وأحاول أتمسك بأمل تشوه من التجارب القاسية والسابع كان بمثابة القشة التي قصمت ظهر البعير.
استغرب من كمية متخصصين أنف وأذن وحنجرة ولا مرة ذكروا لي الأذن الداخلية! ولا وجهوني لمتخصصين في الأذن الداخلية أو على الأقل بالغلط يسمونها لي! ما يعرفون إلا الأذن الوسطى وغيره؟أنتي دبري عمرك
هل شخصت نفسي باضطراب دهليزي؟ نعم
كنت فاهمه الي فيني كثير.
طبيبتي الحقيقية كانت أمي تقرأ كثير وتربط بين الي تقرأه وحالتي تبحث وتسعى لدكاترة أقرب لمعاناتي هي من توصلت للأذن الداخلية هي الي بدون تشخيصات ودتني لأخصائي تأهيل لأنها قرأت كلامه وذكر جزء من أعراضي، كانت تحاول وتصر كثير وبعدها كلمتني عن أخصائي رحت كان عمره صغير دخلت بعربية واستمريت معه سنتين وتحسن توازني وجوانب أخرى وطلعت بدون عربية. الحين بعد ما تشخصت بالشقيقة الدهليزية بدأت أسترجع مواعيدي معه كان يسألني عن أعراض فيني وأقول وش دراه إني أعاني من هذا الشيء وأنا ما علمته؟ مثلًا كيف صداعك؟ كانت نوبة الصداع شديدة وحاده وتجلس معي فوق ٢٤ يوم السنتين الأخيرة فكرت أروح مخ وأعصاب وأسوي أشعة أتطمن يمكن فيه شيء برأسي. لكن ما أعلمه إني مصدعة وكنت أستغرب وش دراه؟ لكن بعد ما تشخصت عرفت إنه كان مشخصني وعارف حالتي بشكل كامل قبل أي دكتور عسى الله يبارك له.
الحمدلله كثيرًا
أتمنى رحلتي تفيد شخص محتاج يقرأ هذا الكلام.
العربية
وجوم retweetledi
خصم يصل إلى 40% من وإلى محطة #مطار_الملك_عبدالعزيز_الدولي بـ #جدة ومحطة #المدينة_المنورة .
فرصتك للسفر بسعر لا يُفوّت! على رحلات مختارة يسري حتى 31 ديسمبر.
#قطار_الحرمين_السريع
بادر بحجز تذكرتك من خلال موقعنا: sar.hhr.sa
أو التطبيق الرسمي: onelink.to/k5e2zw
العربية
ببالغ الحزن والأسى
تتقدم عمادة كلية الطب ومنسوبوها كافة بخالص التعازي والمواساة إلى أسرة الطالب ماجد بن تركي القحطاني – الطالب في السنة الرابعة بكلية الطب – رحمه الله.
لقد عُرف الفقيد بين زملائه وأساتذته بحسن الخلق والاجتهاد والتميز العلمي.
نسأل الله العلي القدير أن يتغمده بواسع رحمته ويسكنه فسيح جناته، وأن يلهم أهله وذويه الصبر والسلوان.
وإنا لله وإنا إليه راجعون.
العربية
وجوم retweetledi
وجوم retweetledi
وجوم retweetledi
