ماكل من يقفي … لنا فيه ملزوم
ولا كـل من يقرب .… لـزوم ٍ نوّده
بعض العرب فقده متاهات وهموم
لاغاب عن عينك ملى الكون فقده
والبعض الآخر ودك ان غاب لو يوم
تسـجد على فرقـاه …. لله سـجده
✍️ #عبدالله_العتيبي
لاشفت صدري من اللوعات يشكي لك
حاول تهديه ثم ضمّه على أكتافك
يمكن تحس الشعور اللي احتضن ليلك
وتنامت حروفه العذبه على أوصافك
والا اكشف الليل من خدك وقنديلك
وعطني من الكيف برادك ونسكافك
حتى اني آروق واسلى مع تعاليلك
وأنسى التعب لاغفت روحي على أطرافك
✍️#عبدالله_العتيبي
من لايعـز النفس .… عـزي لحـاله
لاصـار مانفسـه .… عـليه بعـزيزه
ومن لاوقف ميقاف طيب وشكاله
تلقى الرخـامه فيه مـثل الغـريزه
ومن يتبع المقفي .. ولو كان خاله
ناقص ... ولا يسوى مع الناس بيزه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
✍️#عـبدالله_العتيبي
يااهل الدسايس والمحايل والخداع
لا تنكـرون الحـق …. والدنيــا سـعه
مهما تغطـون الحقـايق …. بالقناع
وجيهكم … تحتال من دون اقنعــه
الوضع واضـح … مايبـي زود إقتناع
يعني بلاشـي من الهذر …. واللعـعه
✍️ #عبدالله_العتيبي