ريان العياضي

- سلامتك يا اكبر مثالٍ .. يفتخر فيه النجاح يا تاج راسي بـ الحياه وعز جدي .. وسندي

اتركوني .. لين اسج الرجل بـ القاع .. البياح خاطري .. من دورة الايـام "جاه الي كفى" ودي اخذ عن ضجيج الناس : جرعة ارتياح و اختلي و اسلى عن الي في محاديبي خفى كافَحت نفسي ظروف الوقت بانواع الكفاح و انتهضت وما انثنى عزمي ولا وجهي هفى لو يخون الصاحب الي كنت اظنه لي سلاح ولو يصد الي عروق القلب تنبض له .. وفى

مبتعد عن ما يسبب لي من الصجه صداع في ديارٍ مونسٍ فيها من السلوه .. طرب !

استباح الليل صدري لين مابقى مساحه للملامه والمجامَل والتخطّي والتغاضي ودي ابعد بـ انعزالٍ يعطي الانسان راحه صدري لكثر الكلام وصجته ماهو بفاضي الكلام احيان سمّه وسط نيبان الصراحه و الصراحه ما احدٍ من دورة الايام راضي

القلوب اللي تحب بصدق ما تبغى تردى والردى ما حطه الله في نواياها العفيفه تقبل انواع الوداع اللي على مذهب ومبدى لو سكاكين الوداع جروحها ماهي طفيفه لكن اليا مر .. طيف الراحلين .. ولاْ تعدى وش تسوي في بصايرها ليا راحت كفيفه نعمة النسيان نعمه لكن الذكرى تحدى بالقويه، والضعيفه، والثقيله، والخفيفه

علموها .. يا هل المعروف .. والطبع النبيل لو بغت من عمري الباقي بقول العمر جاك استلذ بـ سالفتها .. كل صبح .. وكل ليل لو مواضيع السوالف : ماهي اللي لا هناك

ودي اخذ عن ضجيج الناس بالخطوه مسافه في تخاتيخٍ .. يضيع الطرقي ان داج بنحاها

على كثر الشتات اللي اعيشه مابقى لي لوم يلوم الماضي اللي هقوتي به .. خيّبت ظنّي مضى لي .. وقتٍ الله لا يورّيه العباد .. بيوم عليه اتقنت : تمثيل الفرح بحجاجي وسنّي احاضي وقتي الحاضر بدين ومعرفه وسلوم واحارب نزعة ذنوبٍ .. سببها ما هو بمنّي مقابيل الليال اخافها واللي مضى مقسوم لو المقسوم .. يا كم غايةٍ روّح بها .. عنّي يدور الوقت والاعمار تفنى والحياه تدوم وانا اللي فانيٍ .. قبل الفنا بالعمر يطعنّي

@f__i__1 نبذة عن سالكين هذا الطريق :

@ry2n_h من سبايب ضحكته واعيونه الذبّاحه لي ثلاث ايام امتّر خط ابو حدريه🚶🏽‍♂️

ابو حدريه اسوء وامتع خط للسفر ..

يا بنت من دافع تصاريف الاماني و الشفوف الناس عند ارزاقها تسعى وانا اسعالك سعي عليك : ما شحّت معاليقي ولا شحت كفوف كن المحبه كل مطلع شمس تشعاني شعي يبيك شعري يوم احطك فيه من بين الحروف حتى الحواس لساني وعيني تبيك ومسمعي انا بدون وصالك .. ملّقي حياتي : لـ الحتوف من دون قربك .. ما زهاني بـ الكلام الا النعي يا قطعةٍ من نور .. مدري يا مهاديل القنوف مافيه حاجة فوق وجه الارض غيرك مطمعي

نرعى بها القافر اللي تومي ازهاره طبعٍ لنا من قديم .. وورث اهالينا لو مانحب الابل ونسمع بها الكاره ماكان تصدح بـ اساميها : عزاوينا

عايديني بالحلا المتعدي حدود الطبيعه للصبر ما عاد عندي طاقه ومركب نجاه

@maal150 سلمت ودمت

@ry2n_h ي سلام ي سلام 👏👏

من حب له بنتٍ تهلّي كل ماجاهم ضيوف ماهو بلاقي وصلها من طيب ابوها وكرمه

كل عام وأنتم بخير اسأل الله أن يتقبّل منّا ومنكم صالح الأعمال، وأن يُعيدهُ علينا وعليكم بالخير والمسرّات

بعد تم رمضان وثبت الزعاق يوم العيد عسى مافات من طاعاتنا مقبول ومثبت

«قمت أردد كل ما شان الزمان، و دار وقته ليت صدري ما يضيق وليت قلبي ما يراعي» — ريان العياضي

@hii_a9 الله يرحمه ويجعل مثواه الجنه

من عقبه الدنيا حياةٍ بلا روح و جرحٍ نشيله ما لقيسه ضمادي ماهو معزيني على فقده النوح لو تلبس الدنيا عليه السوادي الموت حق ولا مع الفقد ساموح وقعه يحزّ من الضماير وكادي

@iabdul111 اوتلت الاوادم 🤣🤣🤣

السفل والهمل هذولا مانختلف عليهم وكلنا متفقين لكن البلا في الهمل اللي متأثر فيهم ويحاول يجاريهم واخبارهم شغله الشاغل في حياته