🌴الساري🌴

@SALIFATI9 وكليني عليها

#سالفتي انا سعودية و حامل المهم صار لي ظرف و كنت محتاجه اروح المستشفى و اخذت امي معي المهم كان كل شي تمام لغاية لما طلبت مني دكتورة سودانية اني اروح لجهة السرير و بعدها طردت امي من القسم بطريقة مستفزة سكت لاني اعرف امي ما تحب المشاكل و فعلا طلعت من المكان بس الدكتوره لما سألتها الممرضة ايش صار قالت لها she refused to go out مع انو امي ما رفضت و طلعت و هي ساكته قلت بصوت منخفض و انا اطلع فوق السرير " هذه قلة ادب " بعدها هي صرخت و قالت ايش قلتي قلت لها كيف تكلمي حرمة بعمر امك بالطريقة ذي قالت لا عيدي اللي قلتيه اول قلت لها انك قليله ادب و بعدها راحت ركض على الشرطي انها تبغى تسجل فيا محضر عشان قلت لها انها قليله ادب و حاليا ايش ممكن يصير لي ؟

@SALIFATI9 خلها فترة شهر شهرين وخذ لها رضاوة دسمه طقم وجوال جديد وتواصل مع ولي أمرها وادخل عليها واعطها كلمتين ترفيع ومدح وحب على راسها واذكر محاسنها ومواقفها الزينة وتاريخها المشرف ورجاحة عقلها لين تلين معك وسو لها حفلة مميزة وسفره سياحية او عمره وراح ترجع معك وتمشي قدامك ما هو وراك

#سالفتي انا رجال تزوجت الثانية قبل رمضان بدون علم زوجتي الأولى واغلب رمضان كنت عند الثانية واقول لزوجتي الأولى اني مسافر المهم قبل اسبوع زوجتي الثانية اتصلت علي والجوال على السرير وشافته زوجتي الأولى ام عيالي وردت عليه وصاحت صياح سمعه اهل الحي كلهم فضحتني وقالت كلام ماينقال والحين هي في بيت اهلها تطلب الطلاق وانا قايل لها ان ماسويت الا شرع الله مدري وش السواة معها تكفون.

@N__nn1277 كلكم غلطانين هي غلطانه انها جحدت عليك لأنه فعلا قرار مشترك بينكم ويجب يكون هناك اتفاق على الخلفه وانت غلطان على التفتيش لكن قبل الطلاق ادخلوا أطراف بينكم للتفاوض والاتفاق وتنقية الاجواء وتقديم تنازلات وتضحيات للم الشمل واحتواء الموقف

من الخاص✉️ انا عريس متزوج لي اربعه شهور شفت بالصدفه بشنطه زوجتي حبوب بكرتونه صورتها وطلعت من البيت وانا شارد ومسرح وفكر وش هالحبوب معقول مريضه ماعلمتني؟ قلت خلني اروح للصيدلي واوريه تخيلي لمن رحت طلعت حبوب منع حمل تفاجأت وانصدمت بنفس الوقت ليش ماتبغى تحمل مني هالشي قرار يخصنا حنا الاثنين وقررت ارجع البيت واواجهها لمن سالتها قالت انت عصبي ومزاجي من ايام الملكه وانا ابي اشوف اقدر اعيش معك مايبين الشخص الا بالعشره بس احس خدعتني ما اقتنعت بكلامها طلعت من البيت ورحت الاستراحه جلست افكر وصلت لحل اني اطلق لاني ماعاد أثق فيها هل قراري صح ؟؟

@SALIFATI9 توكلي على الله اشوف الوضع مناسب لعدة اسباب : شخص له اسمه ورجال يبدو انه ثقة من كلامك ثانيا السبب معروف وواضح يبي ولد ذكر وهذا اللي يطمن لذا خذيه وانتي مطمئنة والله يكتب لك التوفيق ولا تترددين او تفوتين الفرصة وهذا احسن لك من اي واحد

#سالفتي انا مطلقه عمري ٣٥ معي ولد واحد متقدم لي رجل عمره ٦٠ متزوج مرتين الاولى جابت له بنات كلهم والثانيه جلس معها ٩ سنوات وحاولو انابيب وبرضو ماحملت وهو وده بولد وتقدم لي وانا بحيره من عمري علاقاتنا محدوده والاغلب الي جاو من طرف معرفه مع اختي رافضين ولدي هو شخص مقتدر وله اسمه بمنطقتنا ومرحب بولدي وقال لها بيت مستقل مالها علاقه بالثنتين ابد استخرت وفيني تردد وخوف مدري ليه انا ابوي متوفي وساعات اقول الاعمار بيد الله مابقى الا امي واخواني الباقين مصيرهم يتزوجون وببيوتهم وش اسوي وظروفنا الماديه ماهي مره كويسه اتوكل ع الله وله انتظر فرصه افضل

@SALIFATI9 اذا السالفة صحيحة خلك ببرنامجك اللي أنت عايش عليه زوج ابناءك ومارس حياتك واستمتع بما اباح الله لك من الحياة الزواج الثاني ليس تأسيس ولا بناء ولكنه تحصيل حاصل فيه ارتباط وفيه تجربة وفيه حلقة غير مكتملة فرغ نفسك لاشباع روحك وروحانيتك

#سالفتي انا شاب عمري 42 ومنفصل لي ٣ سنوات لاسباب مقنعة وعندي ولدين ١٧ و ١٤ ولله الحمد دكتور ومدير تنفيذي في احد الهيئات راتبي فوق ٦٠ الف وساكن في فيلا شمال الرياض وعندي بيت في اوروبا اسافر له كل سنه واخاف الله ومحافظ على صلاتي بالمسجد لا ادخن ولا اشرب ولا عندي علاقات وجسمي رياضي جدا وطاقتي عاليه واكلي صحي ومحافظ باعتدال من غير تشدد. بحثت في تطبيقات الزواج وعن طريق خطابات وما وجدت زوجة مناسبة مع ان شروطي سهله (متعلمة واعيه بيضاء وطول وجسم مناسبين) وكثير بنات يرفضون بسبب وجود عيالي معي مع أن لها دور كامل في فيلا ٣ ادوار وعندي عاملات! ايش رأيكم؟

@Askmuhami يرجع الامر لوجود تفاصيل تجعل الزوجة تتبرا من زوجها وادلة تثبت ذلك مثل الوقوع في الزنا والانغماس بالشراب والمخدرات والانحلال التام الذي يشكل خطر على حياته وسمعته ووظيفته ومستقبله وصرفه على أسرته وحسن تعامله

من الخاص📩 السلام عليكم .. اذا اثبتت الزوجه سفر زوجها للخارج مع اصدقائه هل تستطيع فسخ النكاح حتى لو مر عليه اكثر من 10 سنوات وهل يحق لها ان ترفض سفره وانه ملزم بسفر زوجته وابنائه معه؟؟

@Askmuhami هذا الموضوع حساس جدا ويحتاج وقفة حاسمة من أهل الاختصاص لذا الاجتهادات هنا في غير محلها ويجب عدم النظر لها وانما المفروض اللجوء لجهات الاختصاص مثل المحاكم ودور الافتاء والجهات الاخرى لإصدار حكم واضح وصريح وملزم خصوصا وان فيه طلاق وخصومة لذا ارجعي للقضاء والدوائر المختصة

من الخاص📩 السلام عليكم انا موظفه بين نارين .. امي تبي احول لها شهريا من راتبي مبلغ محددته و زوجي يقول اهلك اغنياء ونحن وضعنا المادي ضعيف .. ولو حولتي ريال واحد فهذا طلاقك و لما تتحسن ظروفنا ارسلي لها .. امي تكلمت معها فهمتها بس ماهي راضيه ابد ، صارت عناد بينهم ... كيف ارضي امي و لا اخسر بيتي

@SALIFATI9 طالما حماتك قالت لك طلقها وانقلع خلاص طلقها اما المهر ما يرجع لك الا اذا هي طلبت الطلاق

#سالفتي انا شخص متزوج من ٤ سنوات شخصيتي هاديه مسالم زواج تقليدي زوجتي بصراحه غير متطلبه ولا تروح السوق رغم اني احينا أصر عليها مصليه صايمه اول سنه تركتها على راحتها يعني ماطالبتها بطبخ وغسي الملابس كل خميس وغداي من برى اغلب الايام يعني مريحها بحكم انها موظفه،بعدين جلست معاها بهدؤ وقلتلها الوضع كذا ما يناسبني وعطيتها الملاحظات من ضمنها الطبخ قالت انا ماعرف اطبخ ليش ما سالت اهلي قبل تاخذني المهم شديت عليها لين طبخت مره مالح مره مايكتمل طبخه وكانها مغصوبه وانا كنت اقولها ملاحظاتي في الطبخ وحاولت فيهاتدخل اليوتيوب تتعلم مافيه فايده اخذتها وديتها عند ابوها اول ما دخلت عند ابوها تنفخ وتصارخ المهم علمت ابوها الموضوع وانها ماتجيد الا نوع واحد من الطبخ كبسه فقط انصدمت برد ابوها قدامها قالي اذا ماعجبك روح تغدي في المطعم ودخلت امها من طرف المجلس قالت كلمه وطلعت وليتها ماجت لك ان تتخيل تقول(طلقها وانقلع) انا هنا انقهرت يعني وليش التصعيد كله انا جاي ابي حل ماجيت ضاربها والا كاسرلها يد والبنت قل احترامها لي بعد موقف أهلها وانا والله تعبت من المطاعم غير كذا مهملتني ولا تراعي نفسيتي لاني اعاني من اكتئاب لكن ما أثر على حياتي إذا كنت مضغوط ولا هي سند وتعاملني بنديه وكل ما اختلفنا في موضوع تقول وبكل برود إذا ما عجبك ودني عند ابوي يعني حتى ماعندها كنترول وحرص تبي تحافظ على بيتها، ابغا احس اني متزوج، تحملت ديون وتكاليف وانا ماني مقتدر بس ابغى ابني اسره لكن للأسف الواقع مرير مع اني أوجب أهلها والأعياد اهدي امها وابوها وهي لا توجب ولا تهدي مع ان عندها خير لكن سبحان الله النفس شحيحه يعلم الله اني ماقصرت معها بشي من طلعات وسفريات،لازلنا بدون أطفال افكر بجديه انهي العلاقه وش الحل ،، وهل ترجع هدايا الملكه الرئيسيه والمهر لأنها بصراحه ماتستاهل ولاني لا زلت متحمل ديون الزواج،، ارجو الافاده من اهل الخبره

@sa6661110001116 @SALIFATI9 هل عندك دليل شرعي ان الطبخ وخدمة الزوج غير واجبة .. ترى اللي تقولينه رأي لكن ارجعي وابحثي عن رأي المشايخ الراسخين بالعلم

@SALIFATI9 ان جيت للحق ترا مو مطلوب منها شرعاً تطبخ لك بس حنا نجاري الحياة ونحب نهتم برجالنا وعيالنا فنوكلهم من يدينا و نتفنن لهم هي لو تحبك بتركض لك بيديها ورجليها امي دايم تقول الحرمة اللي تخلي زوجها جيعان عيب عليه يخليها ببيته ومن هالمنطلق عندي وسواس ان احد ينام جوعان 😂

@Askmuhami انتبه ترى المرأه ضعيفة وعاطفتها جياشة اذا حست بالقوة تقلب عليك بأي لحظة وتطردك وشفنا حالات كثيرة ولا نعمم على الكل خل شخصيتك قوية وتمسك ببيتك وحلالك ان جاز لها الوضع معك وللا تطلع مع الباب ويجي غيرها

من الخاص📩 السلام عليكم زوجتي تبيني اكتب البيت بأسمها وانا ماني مرتاح متوقع ترفع خلع وانا اطلع من المولد بلاحمص اقدر اشرط اذا رفعت خلع استرجع البيت او اكتبه هبه لاني سمعت الهبه تسترد افيدوني وانقذوني

@SALIFATI9 ما فيه احد يلومه على تصرفه وبحثه عن الأطفال وانتي محد يلومك على ردة فعلك وهذا شيء طبيعي ارسلي كلامك اللي كتبتيه هنا مع تنسيق وتنميق الكلمات واعتذار وكلمات حب وتعبير مشاعر وارسليها له ان قبل وللا خلي احد ثقه يكلمه ان وافق وللا اصرفي النظر يمكن تكون خيره لك ويعوضك الله خيرا منه

#سالفتي فجأة وانا عند اهلي زوجي قال بتزوج عليك لانه مارزقنا الله ذرية وانا مالي سنتين المهم انا ردت فعلي زي اي زوجه صياح وبكى وتكلمت عليه زي اي ردت فعل زوجه تحس بالخذلان او الخيانه وقلت اجل طلقني شكلك ماتبغاني وفعلاً طلقني انصدمت انه بهالسرعه الي قاهرني احنا مابينا مشاكل وحياتنا زي العسل جداً واحبه مره ويحبني يعني افعاله قبل كانت تبين حبه لي الان انا مو قادره استوعب الي صار وكيف انه استعجل بالطلاق جد انا في حيره واحن له مره لدرجه حتى مااعتذر انه كسر قلبي او انه طبطب علي انا مصدومه من الافعال مصدومه مره من تصرفه.السوال هل ممكن يكون في سبب ثاني وهل ممكن يندم وارجع له باقي شهر واخلص العده وهل بيدي شي اسويه مبغى اهين نفسي بس انا مقهوره لاني كنت مبسوطه معه حتى هو مبسوط ابي تصارحوني يامعشر الرجال هل تصرفه يدل ع شيء ؟ بديت اشك بنفسي مو عارفه وهل سببه مقنع

@SALIFATI9 واضح من القصة انه اخذك عشان يغيض الاولى وعشان يكيد للثانية ويؤكد ذلك اسلوبه معك يوم سحب الاكل منك اما بالنسبة للانجاب فهو مكتفي دام عنده عيال وبنات يعني ما يبي وجع راس من جديد دامك عضو هيئة تدريس اسحبي نفسك عنه وعيشي بعيدة عنه والله يعوضك بأحسن منه تراك مقبلة على مهانة اكثر

#سالفتي انا زوجه ثالثه زوجي عمره ٥٧ وانا عمري ٤١ وقايله له قبل الزواج اني ابي انجب كنت مطلقه بسبب زوجي الاول عنده مشكله بالانجاب ، وهذا الان عنده ضعف في الانتصاب ومايمارس معاي بشكل جيد واغلب الاحيان يسوي عزل وكنه بالغصب وانا كل شهر اروح اكشف واخذت منشط ولافاد لانه ماجاني بنفس الوقت اللي قاله الدكتور الان لي سنه وباخر نقاش قالي ماابي عيال وتهاوشنا وقلت له ماراح اعيش معك بدون عيال قال يللا الباب يوسع جمل واهاني كنت اكل واخذ مني الاكل لانه طالبه لي ، وطلعت وعند اهلي لي اسبوعين وهو مطنش ماتواصل .مع العلم اني عضو هيئة تدريس وجميله وسنعه وقايمه بكل واجباتي وحريمه وحده طلاق عاطفي الاولى والثانيه زعلانه منه يعني طول الايام عندي يتواصل بس مع بناته وعياله هاتفي وانا ماودي اخسره وكل مرا ننتناقش مايبي يناقش وشايل يده مرا انا اللي ادفع حق المستشفيات لعلاجي واصرف على نفسي وجايبه سواق ومقدمه شغاله الان بس مدري وش يبي وهذا حق شرعي لي ماقدرت اتنازل عنه او اتفاوض معه فيه وش تنصحوني 🙏🏻 وترى كل مرا يصير خلاف انا اللي ارجع اتكلم بس هالمره عير احس اني مهانه واحس اني مليت كثير فروقات بيننا ومتحملته وصابره وهو مايراعيني اهم شي نفسه ومااقصر معه مواعيد مستشفى اروح معاه اتابع كل شي معه دلوني اكلم احد يكلمه واخاف اكلمه انا ومايناقش او يسفهني وانقهر ومااودي ابدا ري كل مرا .

@Askmuhami ودي اقول سامحيها لكن اخاف تتمادى لذا يمكن الحصول على رقم الهوية من ابشر زوجك او كارت العايلة اشتكيها خرشة وإيقاف عند الحد ثانيا تعلمي القيادة واستغني عن السواق ومشاكله عند عيالك يعلمونك واستمتعي بوقتك ولا تكثرين معها الخلافات يمكن تبي تستفزك وتوقعك بفخ ما تطلعين منه

من الخاص📩 السلام عليكم انا متزوجه من ٢٥ سنه ولدي ٦ ابناء زوجي تزوج علي قبل ٥ سنوات ومعه بنت وولد من زوجته الثانيه زوجته بين فتره وفتره تجينا البيت اما عشا او سهره ويعلم الله اني لا أكن لها أي عداء واحن واحب عيالها كأنهم عيالي وقطعه مني ومكانتهم بقلبي نفس مكانة عيالي وبدا التوتر بينا من بعد ماجبنا السواق انا اطلع ثلاث ايام بالاسبوع لحلقة تحفيظ القران ومن بعد العشا اروح النادي ساعه ونص واخر الاسبوع اطلع مع عيالي حديقه او مجمع صارت تهاوش وتبيني احصر طلعاتي الصباح والصباح ماقدر المهم قبل كم يوم دخلت بيتي وتهجمت علي بكلام مايرضي الله وقالت اني مالي اصل ولا فصل ولا معروف اصلي مع العلم الحمدلله انا قبيليه ومن قبيله معروفه وقالت ان اهلي ماربوني الكلام هذا كله صار بوجود زوجي ولاهي اول مره لها تدخل بيتي وتتهجم علي انا ابي اوقفها عند حدها وتبطل تنتهك حرمة بيتي وتغلط علي رحت مركز الشرطه قال ارفعي بناجز او روحي المحكمه او وكلي محامي اوكل محامي ماعندي امكانيه وانا ابي اخذ حقي من الكلام إلي قالته حاولت ارفع بناجز ومطلوب سجلها المدني وانا ماعرفه وش تنصحوني فيه وجهوني جزاكم الله خير اذا رحت المحكمه هل راح ينصفوني

@SALIFATI9 احسني الظن يمكن خانه التعبير فقد أراد المزح والتنكيت لكسر حاجز الجمود والخجل والبرود وانتي فهمتيها بالمقلوب وباين عليه شخص فرفوش وشاب مزاح لا يروح فكرك بعيد ولا تلعب بك الوساوس والهواجس فكلاكما يمر بموقف صعب وتقرير مصير تعوذي من الشيطان واذا كفو ويستاهل توكلي على الله وتمسكي به

#سالفتي انا ملكت على واحد يقرب لنا ويوم الملكه كنت لابسة فسان طالع فيه صدري بطريقة مرتبه والعريس قال لي جملة مقززة قال ديد.. حق رض.. وانصدمت وقتها وتبلمت هل هذا طبيعي؟ افكر انفصل

@SALIFATI9 انتي قلتيه بآخر رسالتك عنده اكتئاب ضغط يعني ما هو قادر يسيطر على تفكيره واذا عرف السبب بطل العجب أمامك خيارين : اذا تحبينه وتبينه تحمليه واصبري عليه مع مداراته ومعالجته والوقوف بجانبه وعدم اثارته والتخفيف عليه حتى يتجاوز محنته او اتركيه اذا شفتي الحياة معه صعبه

#سالفتي انا بحيره وخوف ،، من فتره زوجي طردني من البيت وقال ويحلف بما عاد ابيك ولا احبك وهو قبلها باسبوع يحبني ويقول ماقدر اعيش بدونك؟!؟ وقال بتوصلك ورقتك اذا رجعتي لاهلك ومر كم يوم وللان م وصلني شيء ارسل لي رساله عاديه بعد م وصلت يطلب مني اعلمه عن شغله بالبيت وبعدها حول مصروف لعيالي وش معنى هذا ؟؟! للعلم هو يمر باكتئاب وضغط

@SALIFATI9 كل الناس اللي هنا ما يقدروا يقرروا هل الحق معك وللا ضدك وهل اخوك مصيب وللا مخطئ مالم نستمع من جميع الأطراف ونعرف كل التفاصيل لكن اقترح تجلسي مع اخوك والوالدة اذا هي موجودة وتفهمي منهم اسباب الرفض والمماطلة وان وجدتي ممطالة فعليك باللجوء للحاكم الإداري او القضاء

#سالفتي انا امراة عمرى كبير تعديت ٤٥ سنه كنت متزوجة زواجة فاشله يمكن يوما ما اقولها لكم لكنى لما صار عمرى ٤٤ حسيت ان لازم اتطلق ماعاد اتحمل المهم تطلقت وظليت ادعى ٢٤ ساعة بالعوض الجميل اني اتزوج زوج يصب على الحب صبا وانا اصلا امراة عقيم المهم حطيت عند مليون خطابه وقصصى مع الخطابات ملف ثاني المهم في يوم تقدم عن طريق الخطابات رجل واخيرا بعد جهد وتعب ومحد كان يرغب يتقدملى لان عمرى كبير رغم اني مهتمه بشكلى وروحى شبابية وانا للاسف من عايلة كل شي عندها صعب وغير اجتماعيين المهم الرجل تقدم وحصلت مماطلات من اخوي للي كان ولى امرى لا اعلم ليش كان كل شوي ياجل طلب الرجل فالحطبه الخ الخ لين تقدم وسوينا كل شي حتى فحص الزواج لكن فالنهايةحصل خلاف كان بس ناقص الملكة والخلاف كان على ان اخوي قال له شرط وهو رفض المهم انفسخت الخطبه ومرت ٤ اشهر والان الرجل رجع كلم الخطابه عني وهي تقول لي انه يبي يرجع يخطب وان اخوي استفزه وانه شاريني وموافق على الشي اللي كنت ارغب فيه هل اقبل؟ واناماعرف ردة فعل اهلى اصلا لكن هل اقبل انه يتقدم ؟

@Askmuhami تزوج بأخرى فلعلها تكون خيرا منها وأعلن زواجك للملأ ان عادت الاولى فنور على نور وان لم تعد فيسر الله أمرها

من الخاص📩 السلام عليكم استفسار عندي زوجتي قالت لي ماقدر انام معك مشيت الموضوع قلت اخليها فتره بعد شهرين فتحت الموضوع معها وقلت لها ليش وش جاك مني هل انا فيني شي قصرت بشي معك او نفسك في شي ماجبته لك قالت لي مافيه سبب بس كذا ما اقدر انا معك وبعد 3 شهور وديتها لاهلها قلت يمكن تتغير نفسيتها وكلمتها مره ثالثه ومافيه فايده وللعلم ماتسلم علي وغبت عنها 3 اسابيع وماسلمت علي والحين ليه تقريباً 5 شهور فيه حل وامورها ماشيه من ناحية المصروف وهي معي فالبيت للان ؟

@aborwasi88 @Askmuhami وليه مسيار يعني يتزوج وحده بالخفاء لين ترضى زوجته ثم يرميها انصحه وقل له تزوج بأخرى فلعلها تكون خيرا منها وأعلن زواجك للملأ ان عادت الاولى فنور على نور وان لم تعد فيسر الله أمرها

@Askmuhami الحل الوحيد يااخى الكريم ان تتزوووج،عليهازواااج مسيار وريح نفسك الموضوع سهالات 😂😂😂

@SALIFATI9 لا أحد من اللي هنا يستطيع أن يحكم لك أو عليك لابد من معرفة كل التفاصيل وتاريخ الخلافات بينكما وأيضا السماع من الطرفين والناس اللي حولكم لكن انت راجع نفسك اذا انت غلطان لا تقهرها وتظلمها وتعذبها اعتذر لها واذا هي غلطانه سامحها وامسح على راسها ترى المرأة ضعيفة مهما كانت

#سالفتي حصل خلاف شديد بيني وبين زوجتي بعد ذلك طلبت حقي الشرعي رفضت بحجة انها زعلانة وتبغاني اعتذر ف رديت بلحظة غضب ان من زين اللي عندك وتلفظت بكلام اني مانا رجل دامي قلت كذا وحلفت اني ما المسها الا بمهر جديد ما العمل ؟ لو فعلا سوت اللي قالته وما اعطتني ماعندي القدره الماليه لمهر جديد !

@SALIFATI9 شيء طبيعي في بداية مشوار الحياة الزوجية يكون الاستقرار النفسي مهزوز لدى الطرفين والتأقلم مفقود حتى انت تجد نفسك تحن لاصحابك لكن مع الوقت وقدوم الأطفال والمسؤوليات يبدأ الانسجام والارتياح انت اقنعها انك للانتقال إلى بيت العمر وان الشقة هذي مؤقتة وإنك تخطط بجد وبالفعل نفذ ذلك

#سالفتي انا والله عندي مشكلة وابي اشوف راي المتابعين لاني فعل انا تايه ولا اعرف وش القرار المناسب انا اللّٰه يسلمك توني متزوج وساكن بشقه فوق اهلي تلبية لطلب ابوي ابوي يبينا قريبين عشان نجتمع بسهولة وتعرف الحياة مع الاهل ما ودك تبعد عنها لان لو ابتعدت بتحس نفسك غريب المهم زوجتي طلبتني وقالت انا مو مرتاحه ابي نسكن بعيد ووضحت لي باحترام انها تحب اهلي وان الخيار الاول لي وتقول ابدا ما شفت منهم الا كل خير وانا بالعكس مبسوووط جدا لانهم اهلي وساكن قريب منهم وتقولي مو قصور باهلك او مشكلة فيهم بس ماهي مرتاحه المهم ما اعرف وش اسوي