Sabitlenmiş Tweet
السلام عليكم،
كثير منكم يسألني:
"ليش سام ما ما تنزل كثير في اليوتيوب؟ أرقامك قوية، ليه ما تنزل؟"
فحبيت أشرح لكم باختصار و اوضح الاسباب.
أنا لي أكثر من سنة ونص تقريبًا بدون أي دخل ثابت. كل اللي يطلع من القناة يروح على الممنتجين، التصميم، الثمنيل، والإيديت .
كنت أعتمد بشكل كبير على الإعلانات والسبونسرات، لكنها للأسف ما هي مضمونة، ممكن تمر ٥ شهور بدون أي إعلان.
الموضوع يعتمد كثير على العلاقات والتواصل مع الشركات، وأنا صراحة شخص بسيط، إذا جاني إعلان يناسبني أوافق، ما كنت احاول اسوي علاقات أو أجامل لأكسب فرص.
من سنة تقريبًا وأنا أدور على فريق. كنت بوقتها في
dignitas
كانت تجيني عروض دايم، فرق كبيرة، فوق ٢٠ عرض خلال سنه وحده!
و جاتني فرصة اني ادخل فريق Rule One و كان افضل قرار اتخذته لانه كان حلم لي اني اشتغل مع شخص زي incivik و ما عمره قصر معي بشي حرفيا و كان افضل قرار اتخذته
لكن بعدها قفل الفريق لاسباب و من يومها كل شي كان مقفل قدامي
لكن بالفترة الأخيرة، الأمور صارت تصعب عليّ أكثر وأكثر.
لدرجة جيت دبي عشان أرتّب وضعي، أدور شركات، فرص، لكن للأسف الأمور ما مشيت زي ما توقعت، و مب عارف اساسا من وين أبدأ.
الصراحة تعبت، كان فيه ضغوطات كثيرة علي، منها علاجات الوالد دفعت مبالغ محد يتخيلها. لكني مؤمن إن ربي بيعوضني أضعاف.
وهذا أثر علي ماديًا بشكل كبير، لدرجة إني حتى ما أقدر أدفع للممنتجين، و كانت تجيني فترات أضطر اتسلف عشان ادفع لهم.
ما كتبت هالشيء عشان أشكي، الحمد لله دايمًا وأبدًا،
وبالرغم من الانقطاعات، ما شاء الله كل فيديو أنزله يوصل ترند هذا فضل من الله ثم منكم.
لكن الحقيقة؟ أنا ضايع شوي. مافي سبونسرات، ولا إعلانات، وما في أي دعم مادي.
واللي يوجع أكثر: عندي طاقة وأفكار أطور فيها محتواي، أقدر أوصل أرقام أعلى، بس ما عندي الوسائل.
كتبت هالكلام لأوضح الصورة فقط، ويمكن أحد عنده نصيحة، أو معلومة، أو فرصة نكون غافلين عنها.
الله يجزي كل شخص خير قرأ ووصل لهنا. وشكرًا لكم من القلب على كل دعم وتقدير 🙏
العربية
