S

اللهم عوضني بعوضك الجميل اللهم اني وكلتك أموري كلها ف سر خاطري ❤️

على هامش فراغاتك تبيني أعيش ؟ أبدًا ما أعيش في هامش فراغاتك أنا جادلٍ مطغيني الكبر والطيش ما تلقاني إن ماكنت ضمن أولوياتك

اعتبرني درب طويل وفاتك قطاره درب مشيته و صديت مره و مرات وبعتبرك ليل مظلم و اشرق نهاره ولا تجيني ما عاد أبي منك جيات

ما تستريح العين والبال مهموم ولا يستقر الحال والقلب خايف غديـت مثل الي بالإعدام محكوم ما مات لكن من العمر عايف

تعبت اداري و اجاري ذهنك الشارد وانا تعذرت يوم اخطيت " حزتها " و زودتها ب القسى و اسلوبك البارد مابي العلاقه معك تفقد مكانتها صحيح انا خطيت يوم ان الخطا وارد لكنّ الاحباب لا تجرح كرامتها

أنا لي ثلاث شهور ماني على المعتاد لو أجحد مواري الحزن ماهيب منجحده على الغايب اللي م جبرته على المقعاد سلامي سلام اللي سمح مرةٍ وحده .

عشت ليلة وداعك بين شكّ ويقين منكسر خاطري والدمع ماله ذرى جيت عابر سبيل ورحت عابر حنين خطوتي للأمام ونظرتي للورى

استأذنك يا خاطري والسموحه لاعاد تلحقني ملام ومشاريه سري وسرك لازم إنا نبوحه ونودعه توديع غالي لغاليه لو ان دمعات الموادع فضوحه يطري عليه البعد وانا مادانيه ياحيف ياحلم ً توفى ،،، طموحه ذكره عذاب ولا خفوقي بقاويه ركزت في صدري سهومً ذبوحه علمتني في شي ماني بناسيه

اعذرني لا دقيت رقمك وسلمت يجرني شوقٍ ياليته يجرك من يوم ما اخترت الفراق وتولمت وانا ادور لي عذر لجل امرك انا شتات ايام لكن تلملمت ضحكات وجهي للزمن لاتغرك ياما سهرت الليل ظلم وتظلمت حالي قبل لو شفتها ماتسرك .

عسى المانع اللي منع من وصالي خير فقدت اتصالك والمراسيل لي مده عساها ظروف الوقت ماهوب شي غير « أنا اشوفها في عيني اشوا من الصده »

يارب هالمرة هي آخر مره ولا هو شايفني ولا لامحني حلفت ان شارعه ما أمره لكن أنا مشتاق سامحني

على دربك لو إن العمر يوقف تمشي الاقدام إلين اموت " ابيك " و غيرك من الناس ما ابيها يا روح الشعر و حروف الكلام و سطوة الالهام احاسيسي معك ؟ ماني بـ عارف كيف اخبّيها يا مرساي الاخير و ذكرياتي في مدى الاعوام يا ضحكة وجهي اللي تذبح اشواقي و تحييها

عطيته ..سنين و قلب و ابيات ما تنعاف و رجّع لي ابياتي ولا رجّع الباقي انا بآخر ايامه سمعت الكلام الجاف و كذّبت سمعي لوّ تشهد له احداقي و بعد ما نطق ف تالي الليلة إسمي حاف عرفت انّه العربون في ليلة فرااقي،،

يروح النهار ويلفي الليل ما سجّيت ولا عاد لي نفسٍ مع الناس منطربة

قويت ابعد عن دروب تضم خطاه ولكني بديـت أجـهل عناويـني وصلت لمبتغى الهجر وقدرت أجفاه ولكن ،، ما نزعـته من شـراييني .

البعد حاجه والغلا حاجة غير نقرب ونبعد والغلا مثل ماهو مع السلامه وانتواجه على خير يومٍ من الايام مدري متى هو .

عزّت عليّ نفسي وأنا اطلب وصالك أسكت ولو ماني على الوضع راضي لاصرت تنساني بوقت انشغالك مابيك تذكرني إذا صرت فاضي

' لا جفاك اللي تحبه فلا تلحق وراه ما جفاك الا وهو وده إنك تقطعه عز نفسك .. عن تقفاه لا لقّى قفاه مخبل اللي كل ما أقفى وليفه يتبعه وش تبي باللي مايبغيك يامال الغناه ماورى طرد المقفين رزق ومنفعه والله لو أنه يحبك ما سوى ذا السواه كان يمدي دافع الشوق صوبك يدفعه '

لك في عيوني سر ما أظن مستور و لك في ضلوعي الف فزه غيوره و لي فيك واجد كثر ما ألف و ادور و أرد لك مشتاقه مع كل دوره عسى حظوظ الله تباريك بـ سرور ولا يواجه قلبك .. الا سُروره يا أعز من مر النظر وجه و شعور شوفك يرد الروح لو هو بصوره.

ما قلت لك بكرا نتفارق وننسى وتقول فال الله ولا فال فرقاك شفنا مع الأيام نكبر ونقسى لين افترقنا وما بقى غير ذكراك ؟

ما عاد الخطا وارد ولا فيه احد مسموح تراني على ادنى شي .. بزعل واخرّبها .