-

اللهم لاتحرمني من خمس ، سترك ، وعفوك ورضاك ، وحسن الخاتمه ، والجنه

غيدًا يباريها النسيم العذب ويدفّ القنيف كنّ الهوا الغربي هواها والسحاب حدودها عيّت تخلي للحيا طاري وللنسمة مصيف إلا، على جرّة مواطيها وحُمر خدودها ".

تقول شفت القمر واحد من أشباهي وأقول خليه عنك ، وخلي وصوفه أنتي جمال الحياة ، الفارق ، الناهي أشوفه " وكنّي أول مره أشوفه "

تمادى شوي شوي رمشك ايلين ارداه قتيلاً يمثّل كل روحٍ نضاليّه تفاصيل وجهك جعل بعض الوجيه فداه هي إللي ماخلت لـ النجاه احتماليّه أنا أضيع دونك وأسهر الليل من مبداه مثل ضيعة الجاهل الى غاب واليّه .

﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

لا يالله إنّا تحت هيبة سماك ضعوف ولا نعلم الخافي ولا نضمن الخيره تدور السنين وغيبها ما هو بمكشوف ومحاريفها مابين ضحكة و تكشيره وأنا عبدك اللي يحتويه الرجا والخوف يقصر و يستغفر إليا شاف تقصيره تحت كف غيثك مارتجي للبشر معروف لو تنوشه صدوف الزمان ومقاديره

فدتك السنين إلى تمادى اللّسان وْقال أحبك وأنا أدري عنك لو كنت ما تدري تدور الليالي وأنت لك عين ما تحتال أجي مرخصٍ في شف ضحكاتها عمري .

اسر يالليل القصير اللي تفاصيلك طويلة العوض في ليلة ماتظلم الدنيا بختها في رحاب الارض ساعات دقايقها ثقيلة يتساوى عندي اللي فوقها باللي تحتها والله ان كن الهبايب والنسانيس العليلة ماتعرف تهب من كل الجهات الا جهتها .

اشوفك حقيقة عمر .. لو الليال تزلّ مثل منسبي واسمي وموتي وميلادي عسا كل عام يمرّك احلا من اللي زلّ فدى ضحكتك حسّاد عمرك وحسادي ترى من عرفتك يا حبيبي وشفتك خل وانا .. ماحسب لأيام هجري وميلادي .

سرقت المديح من ألسن الناس بالإجماع ومن النحل والأنوار والورد والكدري تفرّعت لين إصفرّ عودك وصدرك فاع ودهنت الشفق الأْحمر على وجهك البدري إذا تاه منّك عقد .. لاتحسب إنه ضاع على جيدك يذوب الذهب وأنت ماتدري .

يجرّ المشاعر في مساريك خيط الصوف لو ان خطوة احساسي معك خطوة المنهي انزّل غلاك بـ منزلة .. راعي المعروف على كل يومٍ كنت في فرحته مرهي الى استوطن احساسك من البعد لحظة خوف تذرّى عن الخوف و عن الشك .. في وجهي

أسرفت في التفكير والتفكير محتاج لْحلول ولكن أكثر ما كرهت مْن الحلول؟ أنصافها تعبت أشوف الناس مثل الناس والأربع فصول متشابهة في الفكرة، ومُستنسخَة لأسلافها أكثر ما يِسعدني الفجر، وأكثر ما يحزنّي الأفول وأكثر ما يوجعني من الديرة نزوح أشرافها

من الزمان الصلْف و الحظّ العنيد الآدمي ما راح يسلم لو حرَص ماهوب لازم كلّ مرّة تستفيد كسب الرجال اهمّ من كسب الفرَص

الارض يمشي بها المظلوم والظالم والناس بين الخطا و الصح منتشره احتاج صدر وسيع اسايس العالم واحتاج لي صبر اطول من شهر عشره

صباح الخير يا اول محطات الوله واتلاه من اعماق الشعور اللي يضيع بهمسه حروفك تبسم ياشبيه الغيم لا حن ونثر من ماه وبلل ضامي عروق الفواد بلمسه كفوفك

مرحبا يا ذنبي اللي ما كنه من الذنوب ماني بـ قايل لـ درب الهدايه ودنّي لاتحاتي ياحبيبي متاهات الدروب كل ما زليت عن درب حبك قدنّي سدك من الحب ما جاك يالظبي اللعوب ولا أنا كلمه من أربع حروف تسدنّي

صدورنا لو تفتش ماعليها خلاف دام ان بياض القلوب اللي وراها بقى والشك لو دار فينا بين سعي وطواف ما جات هقواتنا فـ اللي نعز محقى والنيه اللي يغطيها سواد الغلاف اخير منها الكلام اللي بوضح النقى

العتب ما يلحقك يلحق بياض أحلامي قبل أعرف أن الدروب اللي تجيب تودي ذاخرك توقف معي لا وقفوا قدامي وأثرك أول من تردى بي ووقف ضدي كنت أعدك بالمواقف بندقي وحزامي وأثر ما أنت بقد وقفاتي ولا أنت بقدّي :)

مصير الأيام تكشف لك كنين الصدور كانك تشوف الوجيه . . وتجهل قلوبها ٰقلبك دليلك إذا اشتبهت عليك الأمور لا تقرب اللي يجيك الشك من صوبها

عند نزع الروح مدري وش سواة إيماني هو بيثبت والا يصبح عبره لخلق الله ياعسى اخر مايقوله قلبي من لساني عند لحظات النهايه لا إله إلا الله

يا من تطلب الله كثّر الحمد و التكبير و على الحمد والتكبير داوم ولا تجنب طلبته و انا مذنب وكثّر علي الخير فما بالك بـ طلبة فقيرً ماهو مذنب