سحرش🦋

اہم بریکنگ ایران کا سعودی تنصیبات پرغیر ذمہ دارانہ اور جارحانہ حملہ آج کے حملے سے پہلے کسی ملک بشمول اسرائیل نے سعودیہ عرب پر حملہ کرنے کے جرات نہیں کی۔ ایران کا سعودی شہر الجبیل کی پیٹرولیم تنصیبات پر حملہ نہ صرف سعودیہ عرب بلکہ دنیا بھر کے مسلمانوں کے جذبات پہ حملہ ہے ایران کا سعودیہ عرب کے شہر الجبيل آئل ریفائنری اورپیٹروکیمیکل تنصیبات پرحملہ کسی صورت بھی امریکی تنصیبات پر جوابی حملے کے ساتھ تشبیہ نہیں دیا جاسکتا ۔ سعودیہ عرب نے ہمیشہ اس امر کی یقین دہانی کرائی ہے کہ اس کی سرزمین پر موجود امریکی bases ایک معاہدے کے تحت قائم ہیں اور ان Bases کو کبھی بھی ایران کے خلاف جارحانہ استعمال کی اجازت نہیں دی گئی۔ اگر کوئی ملک سعودیہ عرب کی معاشی اہمیت کی حامل تنصیبات پر حملہ کرے گا تو یقیناً اس کے منفی اثرات سعودیہ عرب کے مجموعی تحفظ و استحکام پر پڑنے کا خدشہ ہے۔ سعودی عرب پر کوئی بھی وار حرمین شریفین کے تحفظ کے لئے ایک براہ راست خطرہ ہے، جو بطور محافظ حرمین شریفین پاکستان کو قطعی طور پر قابل قبول نہیں۔ پاکستان مشرق وسطی میں جاری کشیدگی کی ابتدا سے ہی ایران کو باور کرانے کی کوشش کرتا آ رہا ہے کہ پڑوسی ممالک خصوصا سعودیہ عرب پر حملے کشیدگی میں مزید اضافے کا باعث بن سکتے ہیں۔ پاکستان کے اس اصرار کے باوجود ایران سعودی عرب اور دیگر خلیجی ممالک پر حملے جاری رکھے ہوئے ہے اس کے برعکس سعودی عرب اور دیگر خلیجی ممالک انتہائی صبر وتحمل کامظاہرہ کرتے ہوئے اپنے آپ کو دفاعی اقدامات تک محدود رکھے ہوئے ہیں۔ ایران کا یہ حملہ کشیدگی کو کم کرنے کے لئیے کی جانے والی مفاہمتی کاوشوں پر ایک کاری ضرب ہے۔ یہ حملہ ایک ایسے نازک وقت پر کیا گیا ہے جب جنگ کے خاتمے کے لیے سفارتی کوششیں ایک حساس جانب گامزن ہیں۔ یہ حملہ ان سفارتی کاوشوں کو بڑی حد تک compromise کرتا ہے پاکستان اور سعودیہ عرب کے مابین باہمی دفاعی معاہدہ اور اس کے مضمرات سے مکمل آگاہ ہونے کے باوجود ایران کا یہ حملہ ایرانی اور عرب ممالک کے عوام کیلئے مشکلات پیدا کرنے اور مسلم اُمّہ مفادات سےمتصادم ہے یہاں یہ امر بھی واضح ہے کہ پاکستان اور سعودیہ عرب کے مابین دیرینہ اور تاریخی تعلقات فرقہ واریت اور کسی لسانی تفریق سے بالاتر ہیں۔ حرمین شریفین پاکستان میں بسنے والے تمام مسلمانوں کے لئیے معظم اور مقدس ہے ـ پاکستان سعودیہ عرب پہ ہونے والے ان حملوں کی نہ صرف بھرپور مذمت کرتا ہے بلکہ فریقین کی طرف سے صبر وتحمل کا خواہشمند ہے اسلامی تعلیمات کی روشنی میں یہ واضح ہے کہ دو مسلمان فریقین میں سے ایک فریق زیادتی کررہا ہو تو دوسرے فریق کے ساتھ کھڑے ہونے کو ترجیح دی جاتی ہے۔ اس طرح کے جارحانہ اور غیر ذمہ درانہ اقدامات پاکستان جیسے ترقی پذیر ممالک کی عوام معاشی استحکام کے لیے خطرناک ہیں اور توانائی کی تنصیبات پر اس طرح کے حملے عام شہریوں کی روزمرہ زندگی کو بری طرح متاثر کر سکتے ہیں۔ اس لئے ضروری ہے کہ نہ صرف ان حملوں کی مذمت کی جائے بلکہ انکو ہر صورت روکا جائے۔

‼️ میلواڑ، باڑہ ـ - 5 اپریل 2026 باڑہ کے علاقے میلواڑ میں سیکیورٹی فورسز کی فتنہ الخوارج کے خلاف کارروائیاں جاری تفصیلات کے مطابق باڑہ کے نواحی علاقے میلواڑ میں فتنہ الخوارج کی موجودگی کی اطلاعات پر سیکیورٹی فورسز نے کاروائی کا آغاز کیا۔ دونوں اطراف سے فائرنگ کا تبادلہ جاری ہے، شدید جھڑپوں کی سلسلہ جاری۔ فتنہ الخوارج نے بوکھلاہٹ میں کواڈ کاپٹرز کا استعمال شروع کر دیا ہے۔ علاقے کے رہائشیوں کے مطابق خوارج کے ڈرونز فضا میں پرواز کرتے دیکھے گئے ہیں۔ متعدد خوارجین کے جھنم واصل ہونے کی اطلاعات موصول ہیں۔ اطلاعات کے مطابق، خوارجین کے ایک گروہ نے سول آبادی میں مقامی گھروں میں پناہ لی ہوئی ہے ۔ خوارج نے ایک گھر میں دو مقامی افراد کو یرغمال بھی بنا رکھا ہے، جس کے پیش نظر سیکیورٹی فورسز نہایت احتیاط کے ساتھ کارروائی کر رہی ہیں تاکہ عام شہریوں کو کسی قسم کا نقصان نہ پہنچے۔ فتنہ الخوارج ماضی میں بھی بوکھلاہٹ کا شکار ہو کر عام شہریوں کو نشانہ بناتے رہے ہیں، اور کواڈ کاپٹرز کا استعمال بھی ان کا پرانا طریقہ کار رہا ہے۔ سیکیورٹی فورسز نے علاقے کا مکمل محاصرہ کر لیا ہے، جبکہ آپریشن تاحال جاری ہے۔

خیبرپختونخوا میں پولیس کی پی ٹی آئی کے غیر حکومتی اراکین کے ساتھ ڈیوٹیاں صوبے بھر میں چھ ہزار سے زائد پولیس اہلکار صرف وی آئی پیز کے پروٹوکول پر تعینات ہیں، جبکہ فیلڈ میں نفری کی شدید کمی ہے ‼️ اس کی ایک مثال باجوڑ سے پی ٹی آئی کے غیر حکومتی رکن گل ظفر خان ہیں جنہوں نے سیکیورٹی کے نام پر خیبرپختونخوا پولیس کے بہت اہلکاروں کو اپنے ساتھ رکھا ہوا ہے۔ افسوسناک امر یہ ہے کہ یہ سیکیورٹی محض اہلکاروں تک محدود نہیں، بلکہ باوثوق ذرائع کے مطابق صوبائی حکومت کی جانب سے گل ظفر خان کو ایک قیمتی بلٹ پروف گاڑی بھی فراہم کی گئی ہے۔ جہاں صوبہ ایک بار پھر دہشتگردی کی لپیٹ میں ہے اور پولیس فورس کو آئے روز نشانہ بنایا جا رہا ہے، وہاں ایک ایسے شخص کو جس پر قتل جیسے سنگین مقدمات ہیں، پولیس کا بھاری پروٹوکول دینا سمجھ سے بالاتر ہے۔ مزید *اطلاعات کے مطابق گل ظفر خان اور ان کے بہنوئی باجوڑ کے تمام ترقیاتی ٹھیکوں پر قابض ہیں*، جس سے یہ تاثر ملتا ہے کہ خیبرپختونخوا حکومت کے لیے عوامی فلاح سے زیادہ اپنے سیاسی ورکرز کو نوازنا اہم ہے۔ *کیا باجوڑ جیسے حساس اور بدامن علاقے میں پولیس نفری کو عوام کی حفاظت کے بجائے سیاسی کی خدمت گزاری پر مامور کر کے امن قائم کیا جا سکتا ہے؟* *اعداد و شمار کے مطابق سال 2025 میں 125 پولیس اہلکار شہید ہوئے اور 2026 کے ابتدائی دو ماہ میں ہی 40 سے زائد پولیس اہلکار شہید ہو چکے ہیں۔ ان سنگین حالات کے باوجود سی ٹی ڈی کی حالت زار اور پولیس کی آپریشنل ضروریات کو نظر انداز کیا جا رہا ہے۔۔* ایک طرف پولیس جوانوں کے پاس فیلڈ میں اپنی حفاظت کے لیے مناسب وسائل اور بکتر بند گاڑیاں نہیں ہیں، تو دوسری جانب سیاسی اثر و رسوخ رکھنے والے افراد سرکاری وسائل کا کھلے عام استعمال کر رہے ہیں۔ جب انتظامیہ اور منتخب نمائندے مالی مفادات اور ٹھیکوں کی تقسیم میں مصروف ہوں، تو دہشت گردی کے خلاف جنگ اور اداروں کی استعداد کار بڑھانے جیسے سنجیدہ مسائل پس پشت ہی رہ جاتے ہیں۔ اب وقت ہے کہ پولیس کو پروٹوکول ڈیوٹیوں سے واپس بلایا جائے اور فنڈز کو میرٹ پر خرچ کیا جائے تاکہ باجوڑ سمیت پورے صوبے میں امن قائم ہوسکے۔