استغفر الله واتوب اليه..

@MON22M1 أحس إذا يحب الأولى ممكن يختارها لان لو الغرض من زواجه الثاني العيال جاه عيال ف معد هوب بحاجتك لو مايكن لك مشاعر ، لو يكن لك مشاعر وحكيم بيقول خلي عنك الهبل

انا تزوجت متزوج لان زوجته فيها مرض وماانجبت له الا بنت طول عشرين سنه وربي رزقني منه ب 3 بنات وولدين ، لكن مبين انه حبه لزوجته الاولى ودايم مايرفض لها طلب والشور شورها ، وهالشي بدا يضايقني جدا وصرت احس بغيرة شديدة، مع اني ارحمها عشانها مريضة بس ماش الغيرة متملكتني جدا وافكر اخيره بيني وبينها ..

@Jomalone27 @TTi1_12 انحذف حسابها

@TTi1_12 اشاعه دخلت حسابها بالسناب مافي شيء

لمى الكناني اعتزلت التمثيل معقولة؟ الخبر صدمني صراحه ماكنت متوقعة تعتزل بهذي السرعة

@Askmuhami احس كذب لان اغلب الوظايف الحين تتطلب مده شغل معينه أحيان ماتقل عن سنتين لأجل الابتعاث ماعدا سابك وأرامكو اذكرهم اول يبتعثون علطول للبكالوريوس وغيرهم كثير بس الباقي ماعتقد

من الخاص📩 السلام عليكم انا متزوج لي ٨ اشهر ووظفت زوجتي وظيفه مرموقه واجبرتني على الابتعاث خارجياً وبعد فتره من الابتعاث حظرتني وقدمت علي فسخ نكاح سؤالي هل المحكمه تجبرها باعاده المهر وجميع تكاليفي الزوجيه حيث كلفني الزواج مايقرب نص مليون ريال ارجو الرد ولكم جزيل الشكر

@alaobidy1 @Askmuhami ماقريت انت عن سيره الرسول اللهم صلي وسلم عليه وزوجاته وكيف كأنو عايشين ؟ وكيف كانت ام المومنين عائشه تفتي للرجال وكيف كان الصحابه عليهم السلام يكلمونها سواء في أمور مثل خطبه ام كلثوم او غيره هذول افضل الخلق وأحسن مننا بمليون مره شوف كيف كأنو عايشين

@selflovinghappy @Askmuhami ليش ماتفهم ..مااحد يرضى يحط اخته او زوجته بين رجال اولا من ناحية الشرع لايجوز وكذلك لازم يكون الواحد غيور ع اهله وثانيا المرأة وجودها بين الرجال فتنه حتى لو محترمه و تحطها بين رجال مع طول المده بتطيح الميانه وحتى كثير من النساء في العمل المختلط ماياخذون راحتهم

من الخاص📩 السلام عليكم من شروط عقد الزواج أن لا أمنعها من العمل الوظيفي وأنا فهمت العمل الغير مختلط لكن بعد الملكة فهمت أنها تريد شركات -ذكرت أسماءها- والعمل عندهم مختلط . لو منعتها وأرجعتها لبيت أهلها هل ترجع لي نصف المهر ويتم الفسخ ؟ علما أن المهر ١٠٠ألف

@jny4118 @Askmuhami اجل لو تشوفين الي يدفعون ملايين 😂 ترا عادي وشفيك مكبرتها ميه مب شي ابد إذا بمقدره الرجال كل عايله وعوايدها

@Askmuhami الحمدالله وانا بنت والله ماادفع ١٠٠الف لو انها حوريه

@amall10_amall @Askmuhami هذا وانتي بنت تفكيرك كذا

@Askmuhami معقول فيه رجل كامل الرجولة يرضى على نفسه حرمة تتشرط عليه ؟😲

@Mo_608 نعم جاي تعلق عندي؟

@selflovinghappy الله لايبلانا مابلاك

من الخاص📩 السلام عليكم أنا فتاة توفى أبوي الله يرحمه ثم بعدها بسنوات توفت أمي الله يرحمها، بعدها تزوجو كل أخواني وخواتي وجلست بالبيت، وحالياً أُعاني من تضييق أخواني علي ومع ذلك ماعصيتهم وسمعت كلامهم لتجنب المشاكل ثم حاولت أتوظف واصرف على نفسي بس كل ما أنقبلت في وظيفة رفضو بحجة الإختلاط أو أنها شركات خاصة وبعدها أنقبلت في وظيفة حكومية غير مختلطة ومع ذلك رفضو أتمنى ألقى الحل الصحيح والمشورة الطيبة.

@asmakakak724489 @Ab_outsabox بعيدا عنها الله يصلحها ويهديها ماعرفها لكن فيه عوايل يرجع نسبهم لشمر بالقصيم وبريده

@Ab_outsabox هذا دليل قطعي انها منتحله ههههه قصيميه شمريه من بريده !! خخخخخخخخخخ لو اجيب اصغر طفل اسأله شمر من وين يعلمونك ديرة شمر لكن عادي متعودين ع المنتحلات كثيييير قبلها العتيبيه اللي طلعت اجنبيه مدعومه من ديره مجاوره لتشويه السمعه

باربي نجد مو قادره تمسك نفسها كانت متحمسه للمباراه

@Abukhaled198819 @Askmuhami كل حسابك اتهامات في خلق الله ودخول فالأعراض وجاي عالمطلقات بعد اتق الله في نفسك الله يشغلك بنفسك يارب

@Askmuhami دام تزوجت مطلقة سواء مرة او مرتين جزاك وأقل من جزاك وتستاهل ماجاك احد ياخذ مطلقة لا تطلق إلا ترجع لك المهر

من الخاص📩 السلام عليكم انا انغشيت في موضوع زواج من طرف البنت واهلها وللاسف عايشه لحالها ورافضين يعطوني حقي وهي للاسف في مواقع التواصل الاجتماعي تصور نفسها ورفعت قضية والشيخ رد الدعوى انا بغيت اعف نفسي ويشهد الله دفعت اللي وراي وقدامي واهلي يقولون طلق لاتشوه سمعتك واللي حولي يقولون علقها لين ترجع مهرك لايجي احد يتفلسف ويقول طلق ومدري وش انا خسران فوق 150 الف مع الزواج وغير اللي دفعته اقل شي ارجع المهر البنت طلعت متزوجه مرتين وانا لم اكن اعلم اللي يقدر يفيدني بالحل جزاكم الله خير

@Alanwd73057825 @1P______ لا شفتك راده علي حسبتك تقصديني 😂 وكيف الواحد يدخل خاص وحنا مانعرف مين

@selflovinghappy @1P______ المحامي يجيد فن التفاصيل و لكن من ملاحظتي لكثير ردود جدليه اغلبهم ضحل التفكير تستشعر ذلك من محدودية رده او او و عذرا اذا كنتي محاميه و تعليقي ازعجك ادخلي ع البنيه خاص ساعديها انا جدااا مقهوره عشانها لو كنت محاميه اخذت بيدها لنجاتها تحياتي

مدري كيف ابدا الموضوع بس قسم بالله اكتب لكم وانا ارجف ومو مصدقه اللي صار لي انا متزوجه ماصارلي الا اسبوعين وشوي بفتره الملكه عندنا مو مسموح اني اطلع مع خطيبي لعب بعقلي وعطاني من الكلام الحلو وقال اني ابي اطلع معاك مطعم نتعشى مع بعض انا رفضت باالبدايه بس بعد ما الح علي وافقت وطلعت معاه وليتني

@oiot0 والله بجيحه ، انثبري بس مكانك واتركي العرسان لحالهم شدخلك فيهم

من الخاص ⬇️. اخوي بيتزوج بعد شهر وجالس يرتب إجراءات السفر لشهر العسل مع زوجته وودي اسافر معاهم، لأن أمي ماهي مرتاحه للبنت لأن زواجهم عن تعارف وامي ما تقدر تسافر معهم لأنها عندها تيبس بالركب فقالت لي اروح بدالها بس بكون شايله مصروفي الخاص ولي غرفتي الخاصه لكن منحرجه كيف أفاتحه بالموضوع خصوصا أن سفرتي معاهم بتكون عشان لا تصير بينهم مشاكل، لو حكيت معه ما بيرفض لي طلب بس كيف أبدا معاه الكلام؟

@naseeb_now اطلبي نفقه عن الأيام الي راحت

أبي شوركم وعقولكم الكبيرة..أنا تزوجت زوجي وأنا بآخر سنة بالجامعة، وكان الرجال يدرس برا ولما رجع السعودية ما لقى وظيفة وقعد عاطل. أنا على نياتي وقفت معه وصرت أواسيه وأقوله: 'بنتظر تخرجي وأتوظف وأساعدك ونتشيل سوا'. فجأة في عيد الفطر تغير علي، وأرسل لي: 'أنا مشغول ونفسيتي تعبانة وبنقطع عنك فترة تركتك براحتك'، وصار يختفي بالأيام وإذا رد يقول مشغول!الصدمة وين يا جماعة؟ بالصدفة اكتشفت إن الرجال توظف في قطاع حكومي وراتبه ومكانه ممتاز، ومخبي علي ومسوي نفسه لسه عاطل! تخرجت وأنا راجعة لبيتي قلت بسوي له مفاجأة العيد وأفرحه، وأرسلت له بطاقة معايدة ورسالة عتاب خفيفة على قطاعته وسكوته.تخيلوا وش رد علي؟ أرسل لي رسالة طويلة عريضة كلها هجوم، ويقول: 'أنا ما لمستك ولا أذيتك، بس أنا أبي أنفصل عنك.. أنا عاطل وما أقدر أتحمل مسؤولية!'. واجهته وحاولت نأجل النقاش، رفض وطلقني فوراً وحذفني من كل مكان! طلقني وهو متوظف ومستور بس تصرف كذا عشان ما يبي يتحمل مسؤوليتي بعد ما ربي فتحها عليه!شوركم.. وش تفسير تصرف هالرجال؟ هل هذا جحود ونكران عشرة بعد ما توظف؟ ولا الرجال وراه إنّ وسالفة ثانية

@wva__ يارب زوجتك تشوف التعليقات

أنا متزوج، وزوجتي مهندسة بس بصراحة تصرفها زايد مره. تونا متزوجين لنا ٥ شهور، وراتبها كويس (٢٥ ألف). من أول شهر متفقين تعطيني ١٠ آلاف لمصاريف البيت، و١٠ آلاف نحوشها، و٥ آلاف مصروف لها. ومن البداية قالت: اللي يتبقى من مصروف البيت يا نطلعه صدقة، يا تعطيني أنا أطلعه. فعلًا كل شهر يتبقى ٣ أو ٤ آلاف، وتقوم تعطيها مرة لأخوها إذا كان محتاج، أو للجامع، أو لجيران حالتهم بسيطة. أنا قلت لها ما عندي مشكلة نتصدق، بس مو بهالمبالغ… إحنا توّنا

@Na330l الاملاااااااااء تعبت وانا اقرأ

يمممممه طيب وربي حقين الشعبه فوبيا مدري وش تقول وتهبد!!!

@Askmuhami لا طبعا رجعها إذا هي ماخانتك وقت الزواج قبله مالك دخل

من الخاص📩 السلام عليكم انا طلقت زوجتي شفوي من شهرين باقي ما وثقته السبب قبل 5 سنين زوجتي فتشت جوالي ووقتها تونا لنا سنه متزوجين ولقت محادثه بيني وبين امي تنصحني تعرفون كلام الامهات لا تعطيها وجه وكذا وعصبت وجلست تنكد علي 8 شهور وبعدها اعترفت لي انها فتشت جوالي وحقت عليها و لقيت فرصه وفتشت جوالها ولقيت محادثات شباب قبل الزواج وبرضو لقيت مرسله لواحد كلام تتغزل وهو شبه مشهور وماقدرت اتخطى الين قبل شهرين وصحيت متاخر من الارق ولقيتها تتغنج وتسولف مع شباب في لعبه صوتيه ولما طلقتها وراحت لاهلها ماحد منهم كلمني او حاولو يحلون الموضوع حتى هي مسويه زعلانه انا محروق من داخلي ع اولادي وحياتي ف وش تنصحوني وادري لو رجعتها راح اكون مهان لان كل اهلي درو ماقدرت اكتم بموت من الغبنه واليوم بستخير واوثق طلاقي لكن بالصلح هل تنصحوني اقول ابي ارجعهم ولا لا تكفون شورو علي ضايقه علي من كل جهه ودعواتكم

@iittii_9 @2ttttl 😂😂😂

@2ttttl بعد الولادة بيومين بتخليها تحمل ثاني !!! تعال فسر الموضوع كيف راح يكون يلا اشرح ياقوي انت كيف تنام مع وحده توها والده وين هالبويضه اللي بتلقحها وقت النفاس شلون بتصيدها اشررررررح يلااااا لا تجننني اخخخ بتقهرني بنفسي لو مررت هالهياط والخريط ذا مرور الكرام

ذا كيف نفهمه إن الدورة اسهل من الحمل

@chai_hbq @prop_solu والله مايجوز ذا الكلام

@prop_solu مسكين الله يعينك فتحتها عشان يستمتع فيها الحب حقها وانت مغفل وسبيكة

🚹مشكلتي ان زوجتي جوالها ٢٤ ساعه بيدها ماتتركه ابد وتخفيه عني وتغير الباسورد باستمرار ودايم الجوال مقلوب واذا جلست قدامي مستحيل تخليني اشوف هي ايش تسوي ومستحيل تعطيني جوالها واذا احد الاطفال شاله بالغلط تجري وتأخذه منه وتهاوشه اذا سالتها تقول هذي خصوصيات مالك حق تفتش جوالي وقد صارت كذا مشكله بخصوص هاذا الشي وتتهمني بالشك أنا قلبي ماهو مريحني ابد ودي اعرف ايش داخل هاذا الجوال وليش هاذا الحرص الزايد مع العلم انها تصلي الفروض بوقتها والقران على طول شغال بالبيت مادري هل أنا شكاك والوضع طبيعي او انه فيه شي وتغطي على تصرفاتها بالصلاه والقران أنا طبعا مقدر اتكلم مع احد عن هذا الموضوع فنزلت مشكلتي هنا لأنكم لاتعرفوني ولا أعرفكم ابي احد ينورني بحل او توجيه وجزاكم الله خيرا

@prop_solu ترا عادي يمكن تسولف مع خواتها ولا صديقاتها سواليف حقت حريم وماتحب احد يشوفها مو شرط في شي وممكن جوالها في صور صديقاتها واخواتها وتغار ماتبين تشوفهم حتى بالغلط في مليون يمكن تبعد الشك تعوذ من ابليس تراه حريص يفرق بين الأزواج ويشبها