الجادل✨

رعاك الكريم ودون حبك قفلت الباب هذي اخر دروب الغرام ومشارقها ياول احبك والغلا واخر الاحباب فدتك السنين وفرحتي يوم تقطفها بقى لك معي جرحيين ومحادثه واتساب وصوره عساي الموت لاصرت حاذفها لاقالوا وراه الي يحبك نساك وغاب بقول صدوف بقعى ماتخلي سوالفها🩵 #قصاد

حطيت لك من كثره جروحك رفوف وحطيت لي من صد الاحباب خانه وصلك امان وغيبتك وحشه وخوف وراك ماصنت الغلا والامانه عذرتك وقلت اكثر العالم ظروف والساعه اللي ماتجيبك خيانه حاول ان تسوي فيني ان جيت معروف لاتاخذ الدعوه عناد ولعانه ماكنت متوقع يجي يوم واشوف مابيني وبينك كلام وميانه #قصاد

قبل لانعرف من الغرام النقي علوم وحنا نعرف الهجر مايكشف الغمه فقدته مثل مايفقد المسرح ام كلثوم ومثل مافقد عزمه غصب راعي الهمه اكابر واطيح من القهر داخلي واقوم فراق الولايف كارثه واكبر مطمه ماظني ترده من سلوم الرجال سلوم ومن يعرف سلوم العرب يستحي دمه🩵 #قصاد

@Dr_Dsman 👏🏻👏🏻👏🏻

تنفس الصبح والنور ابتدا بالظهور وانا على جلسة البارح ما غيرتها افكاري تدور والدنيا تلف وتدور ولافيه ذكرى قديمه ما تذكرتها اعيش بحالة استنكار ذات وشعور وصلت نقطه غريبه ما تصورتها احس روحي لحقها قل جهد وفتور من كثر ما احترت فأحلامي وحيرتها عودتها كل من يبعد بعيد معذور وعمرتها بالتسامح لين دمرتها احيان اقول ليت الله خلقنا طيور واقدر اتلاحق الفرصه لا طيرتها او ليت ربي مكملني بقلبٍ صبور ان كان نفسي من الأوهام حررتها انا قبل ساعتين وعام و 4 شهور نفذت من غلطة الشاطر وكررتها

@23zmi 👏🏻👏🏻

ياغايبه، اخر عهد، ذاك اللقى، قد تم عام من بعدها وانا معا حزب المفارَق منتمي وشلون تجرح خاطري وتذوق لذّات المنام وانا لو اكسر عظم يدّي ما جرحتك من فمي على كثر ما اعطيتك من الحب ومن الاهتمام اشك فيك ان الاذاني صمّ، وعيونك عمي لا صار مالك بالهوى رغبة .. ولا لك بالغرام عيشي وسط سور الخيال اما اعبثي ولا انعمي - محمد بن نايف

@7ii58 👏🏻👏🏻👏🏻

بيبان صدري عليها مثل : باب السلام في البقعه اللي ملكها يخدم ضيوفها هي توم قلب الحزين الميّت من الهيام وش توم تعني لها ؟ لو أقلب حروفها إن كان جتني .. تعداها العتب و الملام و إن كان راحت .. بقول مقدّر ظروفها ينتابني ( الكبريا ) و إلا علي الحرام إني لو أعوف نفسي مقدر أعوفها لو شفتها الحين و إلا شفتها بعد عام تكبر و عندي ما يكبر غير معروفها

رحل عشيري ، بدّل بلاد ببلاد ودارٍ بدارٍ ثانية وأسكنت به مرّيت داره عقب شهرين ما عاد مهجورةٍ ، ما كنها دوّجت به ما وسطها يكفي باس الأوراد من عقب خلي ميته واحتنت به وجدي على اللي بدل القرب ببعاد حيث الفراق اللي جرى ومارضت به🩵

اللي وصلته معك ماراح يتكرر يعيشه الشخص مره وينتهي عمره🩵

موادعك ماكان تلويحه كفوف موادعك خيم على الكون وطفى طعنتك ماكانت مثل طعن سيوف طعنتك ذباحه احاسيس ووفى وبسمتك ماكانت مثل غيرك تطوف بسمتك لامرت على جرحي شفى واقف وانا ماني على الدرب محذوف انا ماخاف من الحياه الا الجفى شلون اخاف من اليالي والظروف وانا ادري ان راسك على ذراعي غفى🩵

بكيتك من الفرقا وأنا دمع عيني حار سلامً على الشرهه والاخر على المنقود خذيت الهوى طيش وعبث حب واستهتار على قول البدو عيب وعليه شهود مخليني أعجوبة زمن في طريق المار مضحك بي العاقل ومشمت بي المقرود لاني داخل الصوره ولا خارج الايطار عدوك وأنا غايب .. حبيبك وأنا موجود🩵

غابت وجرح الحب في خافقي حي ينزف اذا عانق خيالي صورها ليلي دموع براحتي وابله كي وصوت الجفا للعين يدعي سهرها بغيابها صمتي طوى بسمتي طي جاملت انا والصمت ثاني شهرها طال السفر ولا خبر منها لي ياسعود اسال مير ما احدٍ ذكرها

اشوفك اكبر من احبك ولا به جدال مستهلكه بالحكي موجوده من الازل شعوري اكبر من التشبيه والإبتذال ما دامني مكتفي بك خلني منعزل🩵

سقى الله زمان فاتلي مع غزير الزين ياليت البشر ما فات منهم يردونه يعنك ما فاتك من الوقت زين وشين رجوعه عليك اصعب من السيل لمزونه انا حد علمي بالغلا يوم طبعه زين قبل لا يطيع اللي عن الحب ينهونه اجي وافتح المس كول يا مال فرقا العين ولا اشوف رقمه جعل الأرقام يفدونه 🩵

والله اني من عنى الايام صابر لي متى وانا على الصبر اتحلا مدخلك بالله مامرك بيت عابر حس غيرك وانت ماحسيت ولا؟ ابحرت فينا البواخر والبوابر وصورتك بين المعاليق اتدلا التزمت من الغلا صمت المقابر لين صدري من كثر ضيقه تجلا عاد انا طولت بالي وانت خابر لاتغلا ، لاتغلا ، لاتغلاا #قصاد

نزعت صمت السنين وقلت للياس رح علم الورد عن موعد جفافه الصبح حلم الظلام وعطر الانفاس والبرد عيا يغطيني لحافه لي قلب جوفه ذهب واطرافه نحاس ماكنت خايف عليه وصرت اخافه له بالمشاريف حلم وصدر مجلاس وله نظرةٍ مخلف النيه تعافه عاد انت ياصاحبي لو عندك احساس حسيت في نبض قلبي وارتجافه🩵

وين عهدك والمحبه وانا وياك وين انا وانت اثنين في مركب العشق غرقااا كيف تقسى وكيف تلها وانا خابرك زين فيك من هدي الصحابه ومن نور التقااا عشرتي وياك ماهي سنه ولا سنتين راح من عمري معاك اكثر من اللي بقااا لاتعذر وانت عذرك مثل عذري سمين مادروا فينا حبايب على ثياب صدقااا #قصاد

الا يالصحيب اللي سرا الليل في طاريك سمعت البيوت وحركت كل وجداني وانا ماني بلايمك باللي لقيته فيك حداك الغرام اللي له سنين يحداني ابيك لكن قدرة الله حاطتني فيك نحاول نوثق بينهم قدر الامكاني رضينا بحكم الوقت والوقت مايمديك زمانك يفك ابواب ويصك بيباني🩵

أعاهدك باللي فرض حجة البيت
مجفاك لو قبري يشيد ترابه 
جاني خيالك في منامي وفزيت
وهلت دموعي مثل وبل السحابه 
ياما على شوفة خيالك تمنيت
عزاه من جرح بقلبي لجابه 
ياما وياما من جروحك تداويت
لاشك جرحك مايفيد الدوا به 
كم من جروح بالهوى منك عانيت
وجرحك بقلبي كل شخصٍ درابه

وانت عندي غالي وابوك غالي واهلك اغلى الربع واعز الجماعه بس لو تسمح تجاوب عن سؤالي ويش حكم اللي يخونون الوداعه جعل دربك سمح يا حلي وحالي يوم بدلت المواصل بـ القطاعه🩵🤞🏻

سافر وانا داري ان السفره السفره اللي خذت من حياتي مجمل اهدافي أودعه والمشاعر صابها طفره مثل ابتسامة مريض قدم متعافي لوان ذنبه بـ قلبي يقدر يغفره ما راح والذكريات فراشها دافي والحب لو يغلب ايمانه على كفره ما سقت ركب السنين وعمري خلافي🩵

حل الفراق وخاطري منك ماطابّ وانا طريح الحب لا اخذ ولا اجَيب واقول يادار الخطا وين الاحبابَ احباب قلبّ اللي جروحه معاطيب امسٍ وهم مادونهم ستر وحجاب واليوم دوم ديارهم يقنب الذيب لو ترسل انجاب ماجاك بكتاب منهم ولا ياصل وطنهم مناجيب🩵