𝐒.𓅲

أكبر مشكلة في الاتحاد آخر 5 سنوات هو توقيت اتخاذ القرار مو القرار نفسه الاتحاد الموسم الماضي وهو يفوز الكل كان شـايف إنه في مباريات كثير كان يعاني وعنده نقاط ضعف ولكن في النهاية بلان (يحسب له الجانب النفسي تحديدًا) أخفى أكبر قدر من العيوب وخلّى الفريق يلعب كمجموعة وعطى بنزيما كل الأريحية وجت الـثنائية وكان موسم جميل بعد نهاية الموسم الماضي؛ الرجل قال بالحرف أنا خلاص حققت لكم كل شيء وما أقدر أحقق أكثر من كذا والتصريح موجود؛ ليه انت كـنادي ما تعطيه وداعية جميلة وتبدأ تفكر بمرحلة جديدة تشمل المدرب واللاعبين؟ نفس اللي حصل بالضبط في الدوري قبل سنوات؛ أصغر مشجع وقتها كان عارف إن الموسم الجاي فيه دعم ونجوم كبار إلا الاتحاد فجأة يجدد لـ روما وحجازي وحمدالله وغروهي وبطريقة ما يحشر حمدالله مع بنزيما في فريق واحد والكل يتذكر كوارث الموسم وقتها نفس الكلام بالضبط حصل هذا الموسم؛ الفريق كان مليان عيوب وتركيبة الوسط كارثية ومعدل أعمار كبير ليه ما اشتغلت من الصيف وغيرت كم لاعب وجبت مدرب مناسب؟ ليه انتظرت لين يبدأ الموسم وخسرت السوبر بمستوى كارثي (النصر لعب وقتها بـ10 لاعبين وما صنعت فرصة) وبعدها بدأ الدوري وكان المستوى كارثي وقررت تغير كل شيء بعد ما انتهى الصيف ارجع شوف كل شيء في الاتحاد حصل آخر السنوات بتحصل توقيته كارثي تمامًا حتى خروج بنزيما اللي هو قرار صحيح مليون في المية ولكن حصل في آخر يوم من السوق وآخر لحظة القرار مو كل شيء ولكن توقيته كمان مهم؛ الاتحاد بكل مسؤوليه وأولهم بلانيس والبرتغالي وسندي يتحملون بشكل رئيسي ويحتاج تغيير ضخم جدًا في الصيف خصوصًا مع معدل الأعمار الجنوني في الفريق والضحية الجمهور المسكين اللي والله أحمل تجاهه تعاطف كبير جدًا لانه قاعد يدعم فريق منتهي تمامًا وما عنده أي شيء مبشر فنيًا من أسبوعين ومن بداية الموسم ما وقفوا دعم لفريق مليان كوارث

ردة فعل العطاس على بلنتي بنزيما !! 😅 طيب تدرون ان ذا الدب يسمي نفسه مشجع اتحادي وادارة الاتحاد استضافته في المركز الاعلامي الموسم الماضي الحين هو ليه زعلان على خسارة الهلال ويعاتب انزاغي ؟