نجّم✨

كنها إللي كل ما أقفيت قالت لي تعال و إكشفت ذرو اللّثامه .. و بيّن خدّها مبسمً ما بين غمّازتين . . و دق خال إذبحتني لعنبوها . . على أبو جدّها :)

ماخاشرك فالحب من بد الحريم إلا أمي اللي بـ الغلا متفانيه أمي تحت رجليّها جنة نعيم وأنتي بعد مفرعك جنة ثانيييه

الرسوم الناعمه والجمره المعسوله والرموش الفارسيه والعيون الخدّر والخدود اللي من ألوان الغسق مغسوله والجبين اللي مثل ضيّ البدر لا بدّر من بيوت المشيخه والرايه المحموله والأصايل ما تحب إلا الحرار الندّر

راسي اللي ينطح الصعب ويفض الجموع ليّنته اللي زهى الكف رسم انقوشها غروةٍ تستيسر القلب وتخطف السموع كل ما لدّت كلتني سيوف رموشها إن حكت يصغي لها القلب وأسماعي تجوع وإن مشت كن الضلوع الرهاف تحوشها ما تسولف غير في أهل القنا وأهل الدروع وفي مواقف طيب أهلها وندر بوشها :)

تقول خل القوافي فوق صدري نقوش لبّسني أحلا القصايد مثل لبس ذهبي سرا سرا لا يروح اللّيل لا رحم أبوك تناوشي خيزرانه و ألعبي و ألعبي نظراتك أحدّ من حدّة عيون الوحوش و معنّقك لا تلفّتي معنّق ظبي لبّيه يا الوجه لامن سلهمت بـ الرموش وجه بدويّه على شامي على مغربي

على الله والانسان يتعافى من الأزمات لو النفس تفنى قبل تقضي عوايزها تعيش الاوادم كلها في عنا ، واثبات وتسعى ورى غاياتها لين تنجزها والاهداف كل اللي بعدها من اللذات ما يشبه متع لذاتها قبل تحرزها عسى نفسي اللي بين الاحلام والغايات ما تفقد شعور الكلمة . . اللي تحفّزها

جيتي وأنا ادور مجيك من زمان لا يا بعد كل الوجيه النيّره وشلون بعطيك السلامه والأمان؟ وأنا فهد .. وانتي غزال مذيّره

يا مهجة القلب مالي عن حنانك غناة عن لوعة الفقد و صدوف الزمن خبّني تستغرب الموت في وجهٍ مليته حياة ! و استغرب إنك تْخاف الموت وتحبني

ياعذاب الي هقاويه واحلامه كبار يحسب الدنيا تراعي شعور الطيبين مايبي العالم يشوفون فيه الانكسار مبتسم والابتسامات من طبع الحزين صكت الصكات راسي جعل راسي مجار من معآناة وظروف وبقايا راحلين ودي اطلع في خلا نجد وافك الزرار واصدح بصوتي واغني على واحد اثنين

ليا قالوا لك انك فارقة قولي عليكم زود عليكم زود وازينكم وجه مشروب فنجاله ياسبحان العظيم اللي فرق وجهك عن الموجود يجي والناس حوله جالسين وكنّه لحاله انا ماودي اشكر في حياتي غير ابوك العود مسوي له جمايل بعد ماجاب اجمل سلاله

ان نزلت بواديٍ مسراه كايد واديٍ مال الخطاوي فيه جره مقدر اقف بينهن وقفة محايد لو علي يزعل حداهن ويتشره

اقربي مني مهو وقت القصايد الحياه اللي بليا وصل مره خالفي مع عاشقك بعض العوايد لاتغطي بدرك الوضاح غره ادفنيني في مداهيل القلايد في مكانٍ ماحدٍ غيري يمره في دماثٍ فيه من لين الوسايد مايخلي عيشتي عيشة مسره

والخصر كنه لابسً خاتم عقيق القوس من قدام والفصه وراء ):

المبسم النرجسي والنظره الخجلا تناقضاتك تزيد أهل الهوى عله وش هو له تكحلين عيونك النجلا أنتي الكحل في عيونك وهبه من الله

شارد الذهن وأفكاري تعيد المشاهد في هذاك المكان اللي تمرّه وأمرّه جالس أجاهد الدنيا وأهلها وأجاهد وصلك المنقطع وطيوفك المستمره

ليه أنحرم من هواك الحب ماهو حرام ما الله كتب للنفوس الا مقاديرها أنت طمأنينة الروح وشعور السلام في قربك النفس ما تاخذ تدابيرها تمر الأيام في قربك على ما يرام يا بهجة عيوني ويا أغلى مساييرها أحبك اللي تجي فجأة ما بين الكلام أكثر أحبك لها فـ القلب تأثيرها ..!

شارد البال لا طالت بك شفوفي هذي سنين عمري فـ المدى عجلة أتنقل وأخيط جروحي وصوفي وأنت عينك ديار وضحكتك خجلة قد تلاقت ظروفك فـ أول ظروفي قبل سربك يطير فروحك الوجلة الهوى والقصيد، وحزني، وخوفي كان ما هي لأجل ضحكتك من لأجله ؟

بتفدقني ليا عمّ الآمان و كثرو السالين و تلقاني ليا صحّ الصحيح و كبرت القاله

جعل بيني وبينك يجي معرّب الأنساب حفيدٍ لـ جدّاني — وحفيدٍ لجدّانك

يا من تموّج جديله فوق بدر النهار من فرحتي فيك كني من سنين أحتريك يوم انشغل عنّكْ ما كان انشغالي خيار ما ودّي أصارحك وأقول مشغول فيك لمّح لي إنّك تبيني طوّل الإنتظار قول أيّ كلمة تحس إنها تشابه أبيك مشاعر القلب شي أبلغ من الإختصار ويلي من مكابد اللهفة وويلي عليك