لا باس .. يا راس ملته التفاكير
وعاف المنام وعاف لين الوساده
لا بد من عقب المصاعب تياسير
والأدمي يصبر .. وصبره عباده
نتعب ونقطع بالركاده مشاوير
وسعي الطفاقه غير سعي الركاده
بكره يبين الصبح ويغرد الطير
وأمشي مع العالم و أوزع سعاده
قله ترى ماعاد لي فيه مصلوح
لو يعتذر ما عاد عذره بفارق
جفاه هد بداخلي سور وصروح
واحرق شجر قلبي من الصد بارق
اتلاً الفرص مرت ولا بان له ضوح
لاحاول يوصي ولو حيط طارق
سلم عليه وعلمه قبل لا اروح
قله يقول بمركب الحب غارق
قله عسى ربي يحلّه ومسموح
وقله تراه بكل الأديان طالق
تباهي بزينك في نهار التهاني
ياللي على عرش الملا سيدة عيد
مري عليهم مثل كسر الاماني
في عين من وده يطولك وتبعيد
خلي الصبايا والوجيه الغواني
يصيبها من شوف حسنك تراديد
اكبر غرور العيد عندك ثواني
واصغر وصوفك يتعب القول والقيد
